سليب للبوتل لوك من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت إحنا معاك د/ وائل عماد تخطيط للصناعات الدوائية، تمام كنا عرفنا عن طريق ناس إن شركاتكم مشكورة بتعمل سليب للبوتل لوك وكلام من ده، صح كده يا فندم؟
المهندس منسي: آه اتفضل
العميل: طيب لو كنا إحنا عايزين نعمل سليب للبوتل عندنا الإزازة فكنا عايزين نعرف بس إيه الخامات المتوافر والكلام ده كله، ممكن نتواصل….
المهندس منسي: حضرتك ابعتلنا عبوة وإحنا نبص عليها ونشوف إذا كنت عايزه سادة ولا مطبوعة، ونبدأ بناء على الكمية والمقاس والتكنيك نبدأ نحدد السعر يبقى أد إيه؟
العميل: تمام بس هي الفكرة في حاجة، الفكرة إن أنا هعمل في أوبشن عندك إن أنا أبعتلك البوتل وإنت تعملها السليب، وفي أوبشن إنك تديني السليب.. إنك تديني الـ بي في سي نفسه وأنا أعمل السليب عندي، صح كده؟
المهندس منسي: في كل الأحوال محتاجين البوتل عشان نعرف الوضع هيبقى إيه؟
العميل: طيب ممكن نجيبهالك إمتى؟ والعنوان؟
المهندس منسي: إحنا موجودين من 11-9 وعندنا حدائق القبة، مدينة نصر، باب الشعرية
العميل: طب العنوان بتاع الـ 3 فين، يعني فين في مدينة نصر؟
المهندس منسي: في مكرم عبيد
العميل: فين في مكرم عبيد؟
المهندس منسي: أدام عمر أفندي، هبتعلك الداتا بتاعته دلوقتي في رسالة حالاً
العميل: طب ممكن تبعتهالي على الرقم اللي هقول لحضرتك عليه عشان ده رقم….
المهندس منسي: رن عليا من موبايلك
العميل: للأسف مش هقدر دلوقتي تليفوني مش معايا حالياً في المكتب
المهندس منسي: لما تقدر بقى
العميل: خلاص أستأذنك بس لو تاخد الرقم…
المهندس منسي: معاييش لا ورقة ولا قلم ومش متاح إن أجيب ورقة وقلم، رن عليا وأول ما ترن عليا هبعتهولك حالاً
العميل: طيب أوكيه ماشي.. ماشي.. شكراً
