ماكينة شرنك لبرشمة اغطية زجاجات المياة المعدنية من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : لو سمحت كنت بسأل على مكنة اللي بتربشم الغطا فوق الإزازة اللي بتعمل غطا بلاستيك دي، دي سعرها إيه؟

المهندس منسي : ما هوه إنت بتتكلم على أنهي بقى، في الغطا على الإزازة اللي هي القطعة الألومنيا الحتة البلاستكة اللي عامله زي إزازة المياه

العميل : لأ الحتة البلاستكة اللي بتبرشم بيها فوق غطا الإزازة

المهندس منسي : آه…. 3500

العميل : هي في منها أنواع ولا نوع واحد؟

المهندس منسي : آه في منها أنواع كتيرة بس حسب المقاس

العميل : طب وهوه ده أقل حاجة 3500؟

المهندس منسي : آه في حاجات أعلى بس الارتفاع أعلى، كل ما ترتفع في المقاس وتوسع في مساحة القطر كل ما السعر يعلى

العميل : إنت فاهم قصدي اللي هي بتعمل… بتقفل الغطا

المهندس منسي : بتعمل سليف سوفت شرينك

العميل : أيوه.. زي أزايز المياه من فوق كده

المهندس منسي : قطعة شفافة مطبوعة أو غير مطبوعة

العميل : بالضبط كده، طب أم 3500 ديت مقاس واحد ولا برده ممكن أغير المقاس؟

المهندس منسي : مقاسات كتير جداً

العميل : آه.. طيب هوه حضرتك متواجد دلوقتي؟

المهندس منسي : إن شاء الله، هبعتلك أنا تليفون المبيعات تابع معاهم

العميل : طب معلش هسألك سؤال تاني، أنا لما سألت عند القاضي بيقولي في أنواع بتبدي من 250 و 300 هي دي أنواع يدوي مثلاً ولا إيه؟

المهندس منسي : يا سيدي الفاضل إنت بتكلم مين دلوقتي؟

العميل : أنا بكلم شركة المنسي

المهندس منسي : إنت بتكلم المهندس منسي رأساً، فهمتني إزاي، مليش دعوة بقى… إنت بتكلمني بقولي أنا مشكلتي كذا.. كذا.. كذا، أنا الحلول بتاعتي بقدمهالك….

العميل : أنا بصراحة متعود آجي آخد من عندكم

المهندس منسي : ولا حاجة، حضرتك شرفنا بالزيارة تتأكد من المعلومة اللي أنا بقولهالك، طبعاً لازم غصب عني حتى لو المكنة إن شاء الله بـ 100 ألف وأنا قلتلك بـ 3500 هديهالك بـ 3500، أنا راجل بتعامل بمبدأ، أنا راجل بدأت لوحدي بنفسي، ما كانش معايا شوية فلوس ورحت رايح شاري بيهم مكن ورحت جاي أبيع فيهم، أنا راجل بدأت بنفسي، إذن عملت اسم بنفسي، يعني معناها رأس مالي سمعتي

العميل : لأ ديت أنا متأكد منها، يعني أنا بصراحة كله قالي على حضرتك وشكرلي في حضرتك جداً يعني

المهندس منسي : الحمد لله

العميل : حضرتك موجودين دلوقتي عامة لو إحنا جايين

المهندس منسي : إن شاء الله

العميل : ماشي يا باشا، ماشي

المهندس منسي : ماشي يا باشا

العميل : سلام عليكم