تصنيع الإيرباج من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة إم تو باك
مهندس منسي : أيوه
العميل : كنت بدور على إيرباج اللي بتتحط في آخر الحاوية
مهندس منسي : دي بنصنعها بالطلب
العميل : هي لو عايز حاجة متر مثلاً كده
مهندس منسي : هوه حضرتك بتقولنا المقاس… عموماً بتتصنع بالطلب ما بتبقاش جاهزة، لأن الإيرباج بالذات حضرتك بتشوف الأبعاد بتاعتك إيه وبتيجي تقولنا عليها بنعمل المخدات ديت بناء على المواصفات بتاعت حضرتك
العميل : طيب حضرتك ممكن تبعتلي عينات ولا إيه؟
مهندس منسي : عينات إيه، أنا ممكن أديلك الخامة نفسها اللي إنت هتشتغل منها خامة اسمها بولي آميد بولي إيثيلين، خامة قوية ما تفرقعش ولا…
العميل : بالضبط.. بالضبط.. أنا بشتغل في الكراتين وفي ساعات الحاوية عندي بيبقى في نص متر فاضي كده، فأنا عايز….
مهندس منسي : آه بنملاه مخدات بتبقى من خامة البولي آميد بولي إيثيلين
العميل : تمام… خامة…
مهندس منسي : خامة البولي آميد البولي إيثيلين اكتبها عشان خاطر لو هتسأل عليها
العميل : تمام
مهندس منسي : اسمها بولي آميد مبطن بالبولي إيثيلين أو البولي آميد وبس بالدال
العميل : طيب المخدة دي نفخ، وعايزها تتنفخ كده نص نفخة
مهندس منسي : آه دي بتبقى مخدتين ورا بعض أو 3 مخدات، بنجيب الفراغ نفسه وبنعمله رسم هندسي، وبنقول آه ده هيبقى مخدتين، 3 مخدات، 4 مخدات كده يعني
العميل : تمام…. طيب الواحدة بتبقى تقريباً بكام؟
مهندس منسي : لأ لازم حضرتك أشوف بس الفراغ ومقاساته إيه
العميل : أصل الفراغ ده مش ثابت معايا، ممكن يكون نص متر، ممكن ربع متر، ممكن يبقى متر
مهندس منسي : آه ممكن نقول ربع متر مثلاً ممكن نعمل المخدة نفسها ربع متر × نص متر مثلاً يبقى مخدات ورا بعضها
العميل : تمام، آه
مهندس منسي : مضبوط كده
العميل : طب ما هو كده مش ممكن، ولا هوه عادي هتتكبس…
مهندس منسي : ما هوه عادي هتكببس في بعضيها وخلاص مش هتفس ولا حاجة، كل ما صغرت في المخدة كل ما إدتلك صلاحية أعلى وأقوى
العميل : تمام.. يعني اللي هي بتتنفخ ربع متر وحجمها نص متر يبقى كده أحسن؟
على أساس إن واحدة مثلاً لنفترض إن أي حاجة حصلت وفست في الطريق يقوم التانية تنزل تاخد مكانها، يبقى مافيش خسائر يعني
مهندس منسي : ما هي لو نزلت هيبقى في خسائر، لو حصل لا قدر الله حاجة…
اللي تحت نزلت، فاللي فوق بتنزل تاخد نص وتر، فهمتها
العميل : آه
مهندس منسي : بتبقى وترية، اللي فوقها بتاخد وترية، تحل محلها
العميل : يعني هي هتنفخ نفسها مثلاً
مهندس منسي : لا بص يا سيدي، تخيل معايا دلوقتي 3 مخدات تحت، و3 فوقيهم، فجت اللي في النص وقعت، اللي فوقيها تعمل إيه؟؟؟ هتقع مكانها
العميل : المفروض إن هي أصلاً اللي فوقيها مضغوطة مش هتتحرك
مهندس منسي : لا مع الحركة والفيبرشن هتقع مكانها، ولكن لما تقع هتقع بطريقة عشوائية مش بطريقة مرتبة، فهيبقى تنزل تاخد جزء من مكانها وتحل مكان التانية، يبقى هنا نسبة الخسائر أو نسبة الإيرور قلت
العميل : تمام
مهندس منسي : أما لو كانت كلها واحدة وفست، إيه اللي هيحصل؟
العميل : يبقى خلاص كأني ما حطيتش حاجة
مهندس منسي : أيوه
العميل : طيب لو قلنا على الأبعاد اللي أنا قلتها لحضرتك دي…
مهندس منسي : إحنا بنتكلم في ربع متر × نص متر هتتكلف في حدود 10 جنيه
العميل : طيب تمام يا باشا، طب والمينيمام أوردر أد إيه يا باشا؟
مهندس منسي : 100 واحدة
العميل : وأستلم بعد أد إيه؟
مهندس منسي : يعني 3 ـ 4 أيام بكتيره قوي
العميل : يبقى إحنا نعيد مع حضرتك الكلام تاني، يبقى هي هتتنفخ ربع متر، وهي عرضها نص متر
مهندس منسي : آه
العميل : طيب ارتفاعها كده أد إيه؟
مهندس منسي : هي مثلاً هنعملها 35 × متر مثلاً، لما تيجي تنفخها انفخها إنت بقى إنت اللي هتتحكم في سماكتها، يعني لو نفختها قوي هتاخد مساحة أقل… يعني عالم الأكياس عالم سهل مرن، فهمتني
العميل : يعني حضرتك تقصد هي هيبقى عرضها متر ممكن أنفخها تبقى 75 بقى ـ 60
مهندس منسي : لو إحنا قلنا مثلاً انكمشت معاك بقت كام بقت 65، يبقى ادلتلك ارتفاع 35 ÷ 2 = 17.5 في التوتال، يبقى بتتكلم في مخدة عرضها 35 ارتفاع 35 × طولها 65…. وهكذا، فهمتني
العميل : عرضها × ارتفاعها…
مهندس منسي : لو كنت عايزها عرضها 10 سم، ولا حاجة، تنفخها نفخة على أد الـ 10 سم،
العميل : بالضبط
مهندس منسي : بس هتعمل معاك…
العميل : خلينا هي لسه أهي ما اتنفختش هيبقى عرضها متر × ارتفاعها 65 سم
مهندس منسي : بس كده في إيدك كده زي تيوب، زي كيس، تقدر تشكله، طب إنت افرض عايزه أقصر شويه هتروح قاطعه
العميل : هقطعه، أقدر أقطع؟
مهندس منسي : آه عادي آه
العميل : طب أقطعه وبعدين…
مهندس منسي : بتاخد معاه مكنة لحام
العميل : آه… لا أنا عايز مقاس استاندر كده بحيث إن أنا ما أقطعش وما أحتاجش مكنة اللحام
مهندس منسي : ماشي خلاص يبقى زي ما بقولك كده المقاس اللي هوه 35 × متر يديلك 25 × 65 أو 25 × 75
العميل : طيب هرجع هكلم حضرتك تاني، كده الواحد اللي إحنا بنتكلم عليه كده بـ 10 جنيه
مهندس منسي : إن شاء الله
العميل : طيب ماشي يا باشا
مهندس منسي : مع السلامة
العميل : شكراً يا باشا، اتفضل
