تصنيع جميع أنواع طبات العبوات من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة إم تو باك
مهندس منسي : أيوه
العميل : لو سمحت بسأل على طبة بيضاوية بلاستيك يكون لونها أبيض، هل بتعملوا حاجة زي كده؟
مهندس منسي : نعملها لك إحنا مصنعين
العميل : تمام.. أنا عندي مقاسها 30 مللي × 11 مللي ومحتاج حوالي ألف واحدة
مهندس منسي : ده كده مش بيضاوي بقى، إنت كده بتتكلم في مستطيل
العميل : هوه ده أبعاد الطول والعرض، والدوران حوالي.. يعني قطر الدوران حوالي نص…
مهندس منسي : آه.. بس ألف دي كمية قليلة قوي، ده إحنا هنعملك اسطمبة
العميل : هي بتبقى اسطمبة كمان؟
مهندس منسي : ما إحنا هنعمل اسطمبة ديت تكلفتها في حدود 1200 جنيه، كده يعني
العميل : طيب مافيش حاجة كده اسطمبتها جاهزة يعني؟
مهندس منسي : يعني مقاس بيضاوي بالمقاس ده هيكون مقاسه جاهز؟؟؟!!!! ده مقاس أول مرة يطلب مني
العميل : آه… طب هل ممكن طيب تيجي على 2 على طبتين هي الفتحة عندي في لوحات بالشكل ده
مهندس منسي : آه….
العميل : لوحات أنا عايز ، يعني ممكن طبتين قصاد بعض؟
مهندس منسي : آه ممكن آه، إنت عايز شكلين أو مقاسين؟
العميل : هوه أنا عايز حاجة تسدلي الفتحة دي
مهندس منسي : عايزها ألومنيوم
العميل : لأ بلاستيك بس لونها أبيض
مهندس منسي : آه…
العميل : لو عايز أبعت لحضرتك الصورة عشان يبقى الشكل واضح
مهندس منسي : آه يفضل آه
العميل : طيب قولي أبعتهالك على إيه؟
مهندس منسي : ابعتهالي على الإيميل
العميل : بتاع إم تو باك
مهندس منسي : أيوه دوت كوم
العميل : طيب في واتس آب؟
مهندس منسي : في آه
العميل : على نفس الرقم؟
مهندس منسي : إن شاء الله
العميل : طيب هبعتهالك على الواتس عشان يكون أسرع
مهندس منسي : إن شاء الله
العميل : ولو كده برده رد عليا ممكن تتعمل وبكام وكده؟
مهندس منسي : ييسر ربنا
العميل : ماشي أتشرف باسم حضرتك
مهندس منسي : المهندس منسي
العميل : ماشي يا باش مهندس، شكراً، مع السلامة
