رولات تعبئة الكاتشب والمايونيز من شركة المهندس منسي
العميل : السلام عليكم
المهندس منسي : وعليكم السلام ورحمته الله وبركاته
العميل : شركة المهندس منسي ؟
المهندس منسي : ايوه
العميل : ثانية واحدة يا أفندم معلش ثانية واحدة .. الو ايوه يا أفندم معاك معلش .
المهندس منسي : تمام
العميل : معلش بستأذنك كنت عايزة اعرف لو سمحت …… اللى بيعبي فيه الكاتشب ممكن اعرف اسعارهم ايه ؟
المهندس منسي : انتى عايزة الخامات ولا عايزة الماكنة ؟
العميل : انا عايزة الخامات نفسها عشان اعبيه .
المهندس منسي : اه انتى عايزة اكياس عشان تعبئه فيهم يعنى ؟
العميل : اه مظبوط .
المهندس منسي : اه هو اللى عندنا ده بيبقي رول مش بيبقي اكياس .
العميل : رول ؟.
المهندس منسي : مينفعش تاخدى كيس وتعبئه واحدة واحدة .
العميل : ايوه .
المهندس منسي : المفروض ان تعبئه رول وهو الرول بيتقفل ويتعبي لوحده بيتعبي اوتوماتيك
العميل : اه وبعد كده بيتقطع ؟
المهندس منسي : ايوه .
العميل : تمام طب ممكن اعرف اسعار الرول ايه ؟
المهندس منسي : ده سعره يتوقف على الخامة حضرتك تشرفينا بالزيارة وتختارى الخامة اللى انتى عيزاها والديزاين بتاعك بيبقي فى ايدك وبعد كده بنبدا نقولك اه ده هيتكلف كام وكمية اد ايه والخامة اد ايه عشان نشوف السماكة وعشان نبدا نقول السعر هيبقي كذا .
العميل : طب ممكن اعرف بس هيتراوح ما بين ايه وايه من كام لكام ؟
المهندس منسي : لو كنت اعرف صدقينى ماكنتش اتاخرت عنك ابدا اه والله .
العميل : تمام تمام
المهندس منسي : اه
العميل : متشكرين ياباش مهندس .
المهندس منسي : العفو
العميل : سلام
المهندس منسي : سلام
