خط انتاج وتعبئة وتغليف عبوات العصير من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي يا باشا
مهندس منسي : أيوه
العميل : أنا كنت عايز خط تعبئة العصائر
مهندس منسي : كنت عايز النص أتوماتيك ولا الأتوماتيك؟
العميل : النص أتوماتيك
مهندس منسي : هتعبي في أكياس ولا في عبوات
العميل : في الكراتين اللي هي بشفاط
مهندس منسي : في عبوات يعني
العميل : آه..
مهندس منسي : بص إنت عايز الإنتاجية في حدود أد إيه
العميل : هي في الساعة ولا في اليوم؟
مهندس منسي : يعني إنت مثلاً عايز تنتج أد إيه في اليوم مثلاً
العميل : يعني في اليوم 10 ـ 12 ألف عبوة
مهندس منسي : في مكنة عندنا نص أتوماتيك إنتاجية واخد بالك ممكن تعملك في الساعة 1500 عبوة، المكنة دي سعرها بيبدأ من ، يعني 10000 جنيه مصري
العميل : تمام.. المكنة دي نص أتوماتيك
مهندس منسي : نص أتوماتيك آه
العميل : 1500 عبوة في اليوم؟
مهندس منسي : في الساعة
العميل : طب والأتوماتيك منها؟
مهندس منسي : الأتوماتيك منها بتبدأ من 7000
العميل : طب تمام، المكنة دي يا باشا بتعمل اللي هوه المعالجة والإضافة وبشيل الشوائب وكده
مهندس منسي : لأ دي مكنة، اللي هوه يشيل الشوائب إنت ممكن تعمل مصفى في بقها
العميل : إيه…
مهندس منسي : بص يا سيدي، عملية بقولك يشيل الشوائب، هوه مش بيشيل الشوائب ولا حاجة، هوه كل العملية بيعملك مصفى تقيلة كده في الخرطوم، في بداية الخرطوم اللي بتسحب منه، بس هي دي إزالة الشوائب
العميل : تمام… يعني الخط…
مهندس منسي : إنت عايزه من أوله لآخره، يعني عايز من أول الميكسر
العميل : آه
مهندس منسي : الميكسر الخلاط إنت يكفيك قوي ميكسر 50 لتر، واللي يخلطه، إنت تركب الميكسر أبو 50 لتر دوت أو تجيب 100 لتر مثلاً بـ وتروح جاي عامل إيه… يعني على سعر النهاردة 6000 جنيه مصري، وتروح تركبه وتحط الحاجة بتاعتك وهوه بيخلط إنت تعبي
العميل : وهو بيخلط أعبي
مهندس منسي : آه.. يبقى دلوقتي إحنا خلطنا، وبعد ما خلطنا عبينا، بعد ما عبينا عايز تعمل إيه تاني، عايز تغطي الغطا
العميل : آه.. تغطي
مهندس منسي : المكنة بتاعته بـ ، بعد ما أقفلت الغطا عايز تلصق ليبول ولا حاجة، ولا هتحطه أي حاجه
العميل : الليبول اللي هوه تاريخ الإنتاج و كده
مهندس منسي : في ليبول بيبقى عبارة عن استيكر، وفي ليبول تاني بيبقى عبارة عن سليف شرينك، سليف شرينك يعني حتة كده بلاستيك بتخش وبتتكبس على العبوة بتبقى مبرشمة العبوة كده
العميل : آه..
مهندس منسي : الليبول اللي هوه النص أتوماتيك دهوت بتعمل والسليف شرينك بتعمل 430 ، يا دي يا دي، يعني مش شرط تاخد الـ 2، هتشوف إنت هتشتغل بأنهي طريقة، لو عايز الليبول اللي هوه الاستيكر اللصاق دي ب، لو عايز سليف شرينك زي ياهوو و كده وحاجات زي ديت دي بـ 430
العميل : يعني كل الخط هيتكلف في حدود ….
مهندس منسي : لا ده إنت بقى تمسك ورقة وقلم وتجمع كل الحاجات اللي أنا قلتلك عليها ديت وشوف بقى التكلفة كام
العميل : ماشي…
العميل : طب العنوان فين؟
مهندس منسي : إحنا عندنا حدائق القبة، مدينة نصر، باب الشعرية
العميل : طب اللي هي باب الشعرية اللي عند مدرسة الثانوية بنات ديت في مصر
مهندس منسي : آه… هوه كله في مصر يعني حدائق القبة ديت منطقة اسمها حدائق القبة في القاهرة، واخد بالك، ومدينة نصر ديت مدينة اسمها مدينة نصر في القاهرة، وباب الشعرية منطقة اسمها باب الشعرية في وسط القاهرة في قلب القاهرة، في السنتر
العميل : في قلب القاهرة بالضبط
مهندس منسي : أيوه في وسط البلد
العميل : ماشي… يعني يوم السبت…
مهندس منسي : هوه إنت منين؟
العميل : أنا من طنطا
مهندس منسي : أهلاً بيك
العميل : الله يخليك
مهندس منسي : من طنطا المدينة ولا الأرياف
العميل : لا من المدينة
مهندس منسي : أهلاً بيك
العميل : الله يخليك يا باشا، طب هتبقى يوم السبت فاتحين بإذن الله؟
مهندس منسي : آه إحنا أجازتنا بس الجمعة
العميل : طيب ماشي
مهندس منسي : هوه النت بيروح ويجي ليه
العميل : هوه وحش معلش
مهندس منسي : ولا يهمك
مهندس منسي : إحنا فاتحين من الساعة 11-9 بالليل
العميل : تمام.. تمام.. ماشي يا باشا
مهندس منسي : ماشي يا باشا
العميل : ماشي شكراً..
مهندس منسي : مع السلامة
