برطمانات تعبئة المنتجات من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت بالنسبة للتعبئة والتغليف هوه حضرتك بتبيعوا برطمانات ولا بتجيبوا البرطمانات دي وبتغلفها ولا بتعملوا إيه بالضبط؟
المهندس منسي : بنبيع البرطمانات، وبنبيع المكن بتاع التعبئة، وبنبيع مواد التغليف
العميل : تمام، لكن إنتم ما بتغلفوش يعني ما ينفعش أجبلكم مثلاً الإنتاج بتاعي وتغلفوا؟
المهندس منسي : والله دي عملية شاقة قوي إنت تغلف لدى الغير، عملية غير آمنة أول حاجة، تاني حاجة شاقة، لو حسبت التكاليف بالنسبة لك إنت…
العميل : هتبقى هي هي
المهندس منسي : لأ إنت هتكسب إيه لما هتيجيلي وبعد كده هغلفلك وبعدين تاخد… طب من بابه.. هوه عملية التعبئة والتغليف سهلة قوي يعني مش محتاجة إنك تغلف لدى الغير يعني، مش صنعة
العميل : ألاقي عند حضرتك برطمانات طيب؟
المهندس منسي : آه
العميل : طب أقدر أجيلك فين وإمتى؟ تبقوا موجودين الساعة كام؟ أيام أجازتكم إيه؟
المهندس منسي : إحنا موجودين من 11-9 هبعتلك أنا رسالة هتلاقي فيه تليفونات المبيعات بقى تابع معاهم
العميل : أيوه فيه في مدينة نصر
المهندس منسي : آه حدائق القبة، مدينة نصر، باب الشعرية، 6 أكتوبر
العميل : حلو قوي مدينة نصر ده
المهندس منسي : هبعتلك الداتا بتاعته كلمه وخد منه العنوان واتعامل معاه
العميل : ماشي يا فندم، كتر خير سيادتك، اتفضل
