رولات فاكيوم بولي امايد من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : لو تكرمت كنت محتاج كيس 40 × 60 يتعبه فاكيوم هل متوفر عندكم؟
المهندس منسي : إن شاء الله
العميل : المادة بتاعته إيه بولي إيثيلين ولا بولي آميد؟
المهندس منسي : لأ ما هو طلبت فاكيوم يبقى لازم يبقى بولي آميد
العميل : طب مقاس 40 × 60 متوفر عند سعادتك؟
المهندس منسي : كل المقاسات موجودة عندنا
العميل : طب الكيس جاهز ولا رول؟
المهندس منسي : هوه حالياً رول ولكن هنفصلهولك بالمقاس اللي إنت عايزه، يعني لو عايز أعلى أو أقل مافيش مشكلة
العميل : طيب نبعت… إحنا في البحيرة على العموم شركة الأمين
المهندس منسي : آه.. شركة إيه؟
العميل : شركة الأمين لتعبئة المحاصيل الزراعية، هنعبي فيه فول سوداني وأسحب منه الهوا
المهندس منسي : عايز لحمية أد إيه، التكنيك، السماكة؟
العميل : هيتعبى 10 كيلو
المهندس منسي : آه يعني هتحتاج لحمية معينة؟
العميل : تخانة الكيس
المهندس منسي : آه
العميل : يفضل كام ميكرون اللي متوفر؟
المهندس منسي : في كل الميكرونات اللي ممكن تخطر على بالك
العميل : يعني ما يقلش عن 90 مثلاً
المهندس منسي : مافيش مشكلة
العميل : متوفر يعني نبعت لحضرتك حد بكرة
المهندس منسي : إن شاء الله
العميل : العنوان ممكن تبعتلي العنوان لو تكرمت في رسالة ولا في واتس عند حضرتك
المهندس منسي : هبعتهولك في رسالة دلوقتي هتلاقي فيه تليفونات المبيعات حضرتك هتتابع معاهم
العميل : أكلم حد من بتوع المبيعات
المهندس منسي : آه قله أنا كلمت المهندس منسي وقالي إن عندكم بولي آميد وعايزين مقاسات كذا
العميل : يعني هتبعتلي تليفون المهندس منسي أتكلم معاه
المهندس منسي : لأ ده أنا المهندس منسي معاك
العميل : سعادتك المهندس مجدي معايا
المهندس منسي : منسي
العميل : حضرتك المهندس منسي نفسه
المهندس منسي : أيوه
العميل : طب سعادتك أنا جبت مكنة صيني فاكيوم كنت مستعجل عليها لو محتاج مكن حضرتك للحاجات بتاعت المحاصيل الزراعية
المهندس منسي : عندنا آه
العميل : زي الفاصوليا والفول وكده
المهندس منسي : عندنا
العميل : بس مقاسات كبيرة ما تقلش عن 40 × 60
المهندس منسي : عندنا آه
العميل : غرفة كلها… مافيش حاجة غير الغرف يا باش مهندس لو تكرمت؟
المهندس منسي : في بقى اللي هي الرأسي
العميل : أنا جايب الرأسي ديت صيني بس مش عجباني
المهندس منسي : مش عملية صيني، أصل الصيني درجات، يعني إيه؟؟؟ في يعني في منها، إحنا بنصنع لحسابنا في الصين، فبنجيب أعلى درجة عشان خاطر مش عايزين وجع دماغ ولا مشاكل وعايزين نعمل اسم مضبوط وبنظافة
العميل : موجود يا باش مهندس متوفر عند حضرتك دلوقتي
المهندس منسي : هنشوف بقى المقاس اللي حضرتك عايزه إيه وإذا كان موجود موجود، مش موجود نعملهولك بالطلب
العميل : خلاص عايزين حاجة اللحام بتاعها ما يقلش عن 60
المهندس منسي : هوه إنت تلحم على الـ 60، مش المفروض إنه 40 × 60 تلحم على الـ 40
العميل : أيوه بس افرض الكيس زاد أو قل مش هنجيب اللحام على أد الـ 40 بالضبط
المهندس منسي : آه يعني إنت عايز في حدود 45 مثلاً
العميل : لا.. لا.. يفضل يكون واسع لو كبرت الكيس، ممكن العبوة تكبر معايا
المهندس منسي : مافيش مشكلة
العميل : اللي المكنة اللي أنا جايبها 65 من عند القاضي
المهندس منسي : مافيش مشكلة عندنا خالص
العميل : والقاعدة بتاعتها الاستاند بتاعها بيزيد وبيعلى حسب الوضع وفيها خرطوم هوا، وفيها نيتروجين كمان
المهندس منسي : ماشي يا باشا
العميل : طيب أنا منتظر عرض من حضرتك بالمكنة ديت أنا محتاج كمان مكنة
المهندس منسي : أنا هبعتلك المبيعات تليفون المبيعات حضرتك هتتابع معاهم
العميل : طيب ماشي يا باش مهندس شكراً ربنا يعزك
المهندس منسي : ماشي يا باشا مع السلامة
