ماكينة تغليف المنتجات بالشرينك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أهلاً بيك
العميل : يا أهلاً بحضرتك أحمد الغنام من البحيرة اللي كنت كلمت حضرتك قبل كده على مكنة الشرينك
المهندس منسي : آه أهلاً وسهلاً
العميل : يا أهلاً بحضرتك، حضرتك قلتلي هبعتلك العنوان في رسايل أو حاجة زي كده عشان تتابع مع الناس
المهندس منسي : آه
العميل : مابعتش حضرتك حاجة يعني، طيب بقول لحضرتك إيه؟
المهندس منسي : اتفضل
العميل : هي الحاجة جاهزة نيجي ناخدها على طول ولا هندفع فلوس ويومين مثلاً ونيجيلك
المهندس منسي : لأ موجودة بضاعة حاضرة
العميل : يعني نيجي ناخدها إن شاء الله وندفع فلوسها ونمشي
المهندس منسي : إن شاء الله
العميل : طيب المقاسات اللي إحنا قلنا عليها يا باش مهندس، أنا أكبر مقاس عندي العرض 70
المهندس منسي : آه طب قولي كده العرض والارتفاع والطول
العميل : الارتفاعات مش قوي، يعني كله حاجات بسيطة قوي، يعني السلم 15-20 سم ما يكملش، المنشر زيه أو أقل من كده
المهندس منسي : آه…
العميل : هوه المنشر والسلم وترابيزة المكواة بس اللي أنا بغلفهم
المهندس منسي : المنشر والسلم وترابيزة المكواة
العميل : أيوه
المهندس منسي : لا هوه اللي موجود بضاعة حاضرة أوسع عرض عندنا هوه 40 سم
العميل : طيب أنا بتكلم دلوقتي عايزين 70
المهندس منسي : آه 70 دي بقى تتعمل لحضرتك كستومايز يعني إعدادات خاصة يعني
العميل : تمام… طب ينفع أعرف هتتكلف أد إيه وتخلص في وقت أد إيه؟ ولو كده بدل ما نيجي ونخبط المشوار عشان من البحيرة لحد القاهرة حوالي 3 ساعات نحط فلوس في بنك أو البريد أو أي حاجة أو زي ما إنتم عايزين وآجي آخدها في الوقت اللي هتخلص فيه؟
المهندس منسي : 5 دقايق كده واتصل بيه أشوف تكلفتها كام؟
العميل : مافيش مشكلة ماشي
السلام عليكم
المهندس منسي : عليكم السلام ورحمة الله وبركاته
العميل : باش مهندس
المهندس منسي : أهلاً بيك
العميل : إيه حسبتها
المهندس منسي : آه هتبقى عامله لو هي فرن واحد هتبقى عامله تسليم 45 يوم، طب لو هي عامله 2 فرن جنب بعض دبل وفيها إمكانية إنها تغلف بالبولي إيثيلين تبقى عامله 4
العميل : ده الفرق كبير قوي يا باش مهندس عن التانية أم
المهندس منسي : آه ليه بقى؟؟ لأنه حضرتك لما تعمل سلم واحد غير لما تعمل اسطمبات ويبقى عندك خط إنتاج من نفس السلم
العميل : يعني هي كل منتج ليه اسطمبة؟
المهندس منسي : بص يا سيدي، إنت دلوقتي بتعمل المنتج بتاعك مكنة واحدة
العميل : تمام
المهندس منسي : طب لما تكون إنت بتقعد تنتج منها بصفة مستمرة واللي بتيجي بتبيعه منها أنهو التكلفة تبقى أقل؟؟
العميل : لأ لما أنتج كتير طبعاً
المهندس منسي : آه
العميل : إنما دي واحدة بس..
المهندس منسي : وبعدين إحنا أسعارنا اسأل بره وشوف، إحنا أسعارنا أرخص سعر في العالم كله
العميل : لو عادية
المهندس منسي : آه لو عادية تشتغل بي في سي وبولي إليفان وممكن تشتغل بولي إيثيلين، أما لو هي التانية اللي هي الفرن بتاعها هيبقى حوالي 2- 2.25 متر، اللي هوه 2 متر 2.25 طول يعني تشتغل بولي إيثيلين تشتغل بي في سي تشتغل كل الحاجات دي 4
العميل : تشد أي نوع شرينك؟
المهندس منسي : الـ 2 يشدوا أي نوع شرينك، ولكن التانية جايه أساساً على بولي إيثيلين، إنما الأولانية جاية أساساً على بي في سي، بس تجاوزاً يعني بنشتغلها بولي إيثيلين بس مش هيفي بيوتي يعني زي ما يكون عندك عربية ومحمل عليها حمل زيادة
العميل : آه… تمام… إنما شغلها الطبيعي اللي هوه العادي بي في سي بيبقى سهل
المهندس منسي : بي في سي وبولي إيفان ومافيهاش مشكلة
العميل : آه تمام…. طب معلش أستأذنك بس 10 دقائق وأديك تليفون تاني
المهندس منسي : خد راحتك
العميل : ماشي يا باشا
