ماكينة تعبئة الزيوت من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : أ/ منسي
المهندس منسي : أيوه
العميل : إزي حضرتك يا باشا
المهندس منسي : الحمد لله
العميل : حضرتك ليك في شغل مكن الزيوت بتاع زيوت
المهندس منسي : مكن إيه؟؟
العميل : مكن تعبئة الزيوت
المهندس منسي : أيوه يا باشا
العميل : بقول لحضرتك لو محتاجين نعمل مصنع تعبئة زيوت
المهندس منسي : آه مافيش مشكلة تحت الأمر
العميل : حضرتك منين؟
المهندس منسي : المعروضات بتاعتنا في القاهرة
العميل : تمام… فين في القاهرة يا باشا، أنا موجود في القاهرة ممكن نقعد مع حضرتك بدل الكلام علي الواتس
المهندس منسي : آه ولا حاجة، إحنا عندنا في حدائق القبة، مدينة نصر، باب الشعرية، 6 أكتوبر
العميل : دي مكاتب حضرتك
المهندس منسي : آه.. كل دي معارض
العميل : طيب لو عايزين نقعد مع حد نعرف الدنيا، في طبعاً التصنيع عند حضرتك، وفي مكن التعبئة…
المهندس منسي : آه في كل ده، تيجي تنورني
العميل : طيب إيه المطلوب طيب لما نيجي ولا النظام إيه؟
المهندس منسي : ولا حاجة إيه المطلوب إيه؟؟ إنت رايح المعرض عشان تعرف المكن، هوه في حد هيطلب منك حاجة، يعني إنت رايح معرض مكن بتبص على المكن بتاعك وتشوف المكن بتاعك وتفهم الدنيا، ولا حاجة، مش طالبين أي حاجة، إنت تشرفنا بالزيارة
العميل : فاهم.. فاهم حضرتك عندك معرض بالمكن
المهندس منسي : آه المكن موجود بضاعة حاضرة
العميل : ممكن تعملنا دراسة جدوى بالمشروع كله
المهندس منسي : دراسة جدوى أنا مش مكتب محاسبة، أنا عارض المكن، مصنعينه وعارضينه أهوه، واخد بالك، تيجي تبص عليه وتحت الأمر
العميل : المكن موجود عند حضرتك يعني
المهندس منسي : آه بضاعة حاضرة
