عبوات بي في سي مطبوعه من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس يا فندم

المهندس منسي : أيوه

العميل : يا أهلاً بحضرتك مع حضرتك المهندس محمد فوزي من شركة موجة للدعاية والإعلان

المهندس منسي : أهلاً بيك

العميل : أهلاً بحضرتك يا فندم، كنا عاوزين نعرف بس أسعار الـ بي في سي عند حضرتك إيه؟ الروتو والفلكسو

المهندس منسي : حضرتك عايز تعرف إيه؟

العميل : أسعار الروتو والفلكسو بالنسبة للـ بي في سي

المهندس منسي : آه.. حضرتك راسلنا على الإيميل وهيتواصل معاك فريق المراسلات

العميل : عن طريق المراسلات، يعني مقدرش آخد من حضرتك سعر علي الواتس

المهندس منسي : هديلك سعر في إيه، حضرتك بتقولي عايز الروتو والفلكسو، فجبتلي عالم كله وعالم كله، فلو محدد حاجة معينة ممكن أديلك سعرها

العميل : طيب ماشي يا فندم حاضر، نخلينا في الحاجة المعينة، أنا معايا طباعة 2 لون، بنطبعها بي في سي زي نفس الخامة بتاعت بيبسي أو كولا أو أي حاجة من دي

المهندس منسي : ما هوه يا سيدي الفاضل افهمني

العميل : اتفضل

المهندس منسي : العملية عملية إيه إن أنا دلوقتي محتاج أعرف الكمية، ومحتاج أعرف الرسمة فيها عدد الألوان

العميل : تمام.. هوه عدد الألوان 2 لون

المهندس منسي : ما هوه أنا جاي لحضرتك والتكنيك والكمية والطول والعرض…

العميل : الكمية ربع طن، والطول متر ، والعرض…

المهندس منسي : عموماً ابعتلنا على الإيميل صدقني مش هتنفع الموضوع، هنرد عليك على طول

العميل : أنا معنديش مشكلة في كلام حضرتك…

المهندس منسي : في بضاعة بالذات ما ينفعش التسعير فيها كده، لازم نشوف الحاجة ونرتب أوراقنا بناء عليها

العميل : تمام سيادتك، أنا هوضح لحضرتك نقطة صغيرة خالص الفكرة إن أنا إحنا شركة ماركتينج أصلاً تمام، والقسم ده أو الإعلان ده حاجة مشتقة من قسم التسويق، تمام سيادتك، فالفكرة إن في عميل المفروض كنت أبعتله عرض سعر النهاردة فالقصة كلها اللي خلاني ابحث وبعمل سيرش وتواصلت مع حضرتك عن طريق الويب سايد مش أكتر، فأنا حتى حابب أعرف حتى سعر مبدئي بحيث إن أنا أقدر أتكلم بيه مع العميل مش أكتر، عايز أبعت أوفر دلوقتي للعميل

المهندس منسي : ولا حاجة قوله بكره مافيهاش مشكلة

العميل : ماشي.. مافيش مشكلة، خلاص ماشي الميل بتاع حضرتك اللي موجود عندي دلوقتي

المهندس منسي : إن شاء الله

العميل : ماشي حضرتك متشكر لذوقك خالص.. شكراً

المهندس منسي : سلام عليكم

العميل : الله وبركاته