عبوات تعبئة من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: شركة المنسي

المهندس منسى: أيوه

العميل: إزي حضرتك يا فندم أخبارك إيه، معاك د/ محمود

المهندس منسى: أهلاً بيك

العميل: أهلاً بيك يا فندم إزي حضرتك إخبارك إيه،والله أنا كنت محتاج كنت شفت على النت إن إنتم ممكن تعملوا الديزاين بتاع العلب أو عندكم علب مستحضرات التجميل أو كده، دي موجودة عند حضرتك ولا…

المهندس منسى: آه إن شاء الله موجودة

العميل: طب دي مثلاً يعني سعرها كام، أو ممكن مثلاً أبعتلك الواتس بتاعي تبعتلي أشكال وقائمة أسعار؟

المهندس منسى: اكتب عبوات المهندس منسي على الإنترنت اتفرج على عبوات المهندس منسى

العميل: ثانية واحدة كده، عبوات الأستاذ منسي

المهندس منسى: المهندس منسي

العميل: نكتب كده على النت عبوات المهندس منسي، طب دي سعرها كام يا باش مهندس؟

المهندس منسى: يعني أقول سعر إيه؟؟؟ ما هوه …

العميل: لو حاجة 50 جرام

المهندس منسى: ما هوه 50 جرام في شكل إيه في عبوة إيه وزنها إيه ….

العميل: في شكل جار مثلاً

المهندس منسى: حضرتك اختار العبوة وابعتلي وأنا إن شاء الله خير يعني

العميل: طيب خلاص ماشي، طب ده عليه واتس

المهندس منسى: إن شاء الله

العميل: طب هشوف كده لو في علبة عجبتني مثلاً أبعتلك على الواتس وإنت حضرتك تقولي سعرها كام وكده؟

المهندس منسى: آه ييسر ربنا حاضر، يا تبعتلي على الواتس يا تبعتلي على الإيميل، ويستحسن على الإيميل

العميل: اللي إنت عايزه أبعتلك على الواتس ولا على الميل؟

المهندس منسى: الإيميل أفضل بالنسبة لي

العميل: طب هبعتلك على الـ 2 إيميلك إيه طيب؟

المهندس منسى: هبعتهولك حالاً

العميل: طيب وأنا هبعتلك على الواتس وأبعتلك على الميل، وهكلمك بكره إن شاء الله

المهندس منسى: ماشي يا غالي

العميل: ماشي متشكرين يا باش مهندس، معاك د/ محمود

المهندس منسى: أهلاً بيك

العميل: طب مكانكم فين طيب في مصر الجديدة ولا مدينة نصر

المهندس منسى: إحنا عندنا حدائق القبة، مدينة نصر، باب الشعرية

العميل: لا خلينا في مدينة نصر، أنا ساكن في مدينة نصر إن شاء الله على خير بإذن الله

المهندس منسى: ماشي يا باشا

العميل: بس تراعينا أهم حاجة في السعر يا باش مهندس، عشان لو الحاجة كويسة إن شاء الله هناخد كمية

المهندس منسى: إن شاء الله، كمية أد إيه

العميل: يعني ممكن مثلاً في الأول ناخد 50 – 100 واحدة….

المهندس منسى: أقل كمية ممكن نعملها في حدود 25 ألف عبوة

العميل: طب دي تقريباً.. مش عارف، طب أسعارها إيه الـ 25 ألف دي

المهندس منسى: حضرتك بقى شوف العبوة اللي إنت عايزها وأنا أقولك سعرها إيه

العميل: مش عارف إنت خضتني بالرقم ده، ليه 25 ألف علبة، مش أجرب الأول أشوف الدنيا ماشيه إزاي

المهندس منسى: آه… هوه ممكن بقى نعمل حاجة تانية بقى، ممكن نعملك الاسطمبة وبعد ما ننصنع الاسطمبة نبدأ ننفذ، الاسطمبة بتتكلف

العميل: الخامة إيه….

المهندس منسى: الاسطمبة بتتكلف

العميل: يعني إيه اسطمبة طيب؟

المهندس منسى: طيب وإنت بتسرش اكتب اسطمبة المهندس منسي

العميل: ماشي كده 15000 جنيه تقريباً بس أنا مش فاهم

المهندس منسى: حضرتك مانتش عارف يعني اسطمبة ومانتش عارف يعني إيه عبوات، حضرتك إبحث شوف إعرف الدنيا ماشيه إزاي الأول وبعد كده إبقى كلمني

العميل: آه…

المهندس منسى: ماشي يا باشا

العميل: ماشي يا باشا