عبوات ديتول بلاستيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس يا فندم
المهندس منسى: أيوه
العميل: كنت بسأل حضرتك على إزازة زي إزازة الديتول شفافة كده ألاقيها عندكم؟
المهندس منسى: زي إزازة إيه؟
العميل: الديتول
المهندس منسى: آه عندنا آه
العميل: موجودة يا فندم؟
المهندس منسى: آه إحنا اللي عاملين الديتول
العميل: يعني ألاقيها عندكم؟
المهندس منسى: إن شاء الله
العميل: طيب حجم الازازة منها موجود 200 مللي؟
المهندس منسى: آه كل الأحجام بتاعتها موجودة آه
العميل: طب عامله كام الإزازة اللي هي الحجم 120 مللي
المهندس منسى: عايز كمية أد إيه؟
10000 العميل: مبدئياً
المهندس منسى: طب هوه السعر مش حاضر في ذهني، بس حضرتك ممكن تشرفنا بالزيارة وإن شاء الله خير يعني
العميل: يعني تعمل في حدود كام دلوقتي عشان اعمل حسابى
المهندس منسى: ما هو أنا أقولك أي سعر كده وبس، هي العملية إن أنا أقول أي سعر وبس، ده شغل صناعة مش شغل مش حاجة نلبسها أو حاجة ناكلها
العميل: آه
المهندس منسى: فلازم الأسعار تبقى محددة، إنت راجل بتضبط أمورك عشان خاطر هتعمل مشروعك، أقوم أديلك سعر لازم يكون مضبوط 100% يا إما نبقى بنهزر ما يبقاش شغل صناعة ده، أنا ممكن أقولك مثلاً أي سعر كده
العميل: طب أكلم حضرتك إمتى؟
المهندس منسى: لا حضرتك شرفنا حسسنا بالجدية
العميل: لأ أنا عشان أكون محضر سعر معين كده مثلاً أشوفه على النت
المهندس منسى: حضرتك شرفنا بالزيارة، إنت دلوقتي عايز الإزازة بتاعت ديتول، وإنت اتأكدت إنها موجودة يبقى خلاص الموضوع بالنسبة لك خلاص، تيجي بقى عشان تتفق لو زادت الكمية تبقى أد إيه؟ لو قلت الكمية تبقى أد إيه؟ طب وزنها إيه؟ طب وريني شكل….. شوف الحاجات دي
العميل: طب حضرتك اديني العنوان
المهندس منسى: طب هوه أنا دلوقتي في المغرب مش عارف إن أنا أبعتلك العنوان، ولكن اكتب على الإنترنت عناوين شركة المهندس منسي، هيطلعلك العناوين كلها
العميل: ما هو أنا معايا تليفونات شركة المهندس، حضرتك فين دلوقتي؟
المهندس منسى: أنا دلوقتي في المغرب
العميل: آه… سلمنا على المغرب والناس اللي في المغرب
المهندس منسى: طب إزاي بقى أسلم على المغرب، أطلع فوق وأقولهم الباشا بيسلم عليكم سلام كبير قوي
العميل: أنا معايا تليفونات المهندس منسي، هي دي شركة منسي مش هي؟
المهندس منسى: آه هي شركة المهندس منسي
العميل: أصل أنا قالولي عندهم بياخدوا منهم حاجات، الدكتور أول ما قالتلي المهندس منسي قلتلهم المهندس منسي كان ظهر عندي أرقامه لأن أنا أرقامه عندي على الآي فون
المهندس منسى: آه هي دي شركة المهندس منسي
العميل: طيب أنا معايا تليفونات الشركة
المهندس منسى: آه.. كلم أي تليفون فيهم وقولهم هيقلولك عبوة الديتول قلهم لأ دي موجودة عندكم الاسطمبة بتاعتها موجودة عندكم، احتمال همه ما يكونوش عارفين إنها عندنا، ولكن هي عندنا
العميل: طب حددلي مكان عشان أقول أنا كلمت الباش مهندس…
عندنا حدائق القبة، مدينة نصر، باب الشعرية، 6 أكتوبر، وهي الاسطمبة موجودة في 6 أكتوبر
العميل: مدينة نصر أيوه أنا ساكن هناك ، فين بقى في مدينة نصر
المهندس منسى: طب خلاص كلم الجماعة بتوع مدينة نصر، كلم رقم التليفون اللي آخره 56
العميل: طب أنا أقولهم الباش مهندس مين
المهندس منسى: أنا اسمي المهندس منسي
العميل: حضرتك المهندس منسي؟
المهندس منسى: آه نفسه
العميل: شخصياً
شخصياً آه
العميل: أهلاً وسهلاً
المهندس منسى: أهلاً بيك
العميل: ماشي يا فندم، أنا هكلمهم آخد منهم تليفون مدينة نصر وهروحلهم حاضر
المهندس منسى: ماشي
العميل: شكراً يا باشا
المهندس منسى: مع السلامة
