ماكينات لحام السير للحام الأكياس البلاستيك بجميع أنواعها من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : إزيك يا باشا أخبارك
مهندس منسي : الحمد لله
العميل : لو سمحت كنت سألت على مكنة لحام عرض 70 سم 2سم ألاقيها موجودة؟
مهندس منسي : لحام إيه؟؟
العميل : لحام بلاستيك
مهندس منسي : آه موجودة آه
العميل : بس عايز عرض اللحام يكون 70 سم
مهندس منسي : إن شاء الله
العميل : أكيد عشان أنا…
مهندس منسي : ما هو لو مش موجودة هقولك موجودة ليه يعني؟
العميل : يا باشا إحنا من بعيد يعني أنا بجيلك من إسكندرية
مهندس منسي : اسأل الأول عن شركة المهندس منسي وبعد كده كلمني
العميل : يا باشا أنا واخد منكم أنا ما بقولكش حاجة، أنا بس أنا بقولك المواصفات عشان لو كده أجيب الفلوس وآجي
مهندس منسي : آه.. آه.. موجودة والله، اللي موجود منها 65 أما فيها لحام اسمه كونتيوس لحام مستمر، اللي موجودة دلوقتي بالنسبة للحام اللي هوه 1.5سم ده عرض 65 سم
العميل : اللي هوه عرض 1.5سم
مهندس منسي : آه
العميل : وعرضها 65سم
مهندس منسي : أيوه
العميل : تمام.. يعني مافيش منها مش موجودة؟
مهندس منسي : موجودة والله المستمرة اللي هي بتلحم 2سم دي موجودة
العميل : آه أفقي ولا النايمة دي؟
مهندس منسي : الـ 2 عندنا الأفقي والنامية والمنفاخ، اللي بتنفخ مع التشغيل
العميل : تمام.. طب إنتم يوم الجمعة أجازة ولا إيه؟
مهندس منسي : آه يوم الجمعة أجازة
العميل : خلاص هجيلك، هي كل القصة بس عايز أشوفها بدل ما أجيب حاجة تطلع مش هي
مهندس منسي : لا ولا يهمك، تعالى شوفها واتأكد منها وجرب وتوكل على الله
العميل : خلاص ماشي شاكرين أفضالك يا باشا
مهندس منسي : ماشي يا غالي، هبعتلك بقى تليفون المبيعات تابع معاهم بقى
العميل : خلاص ابعتلي التليفون حاضر
مهندس منسي : ماشي مع السلامة
العميل : شكراً يا باش مهندس
