ماكينة تصنيع علب بلاستيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس معايا يا باشا
المهندس منسى: أيوه اتفضل
العميل: كل سنة وإنت طيب أولاً ورمضان كريم،تاني حاجة يا باشا أنا جبت الاكونت من على النت عشان حضرتك بتبيع ماكينات الفويل وكده مش كده يا باشا؟
المهندس منسى: آه
العميل: طيب معاك مصطفى من الغردقة وكنت حابب أفتح المشروع ده إن شاء الله، ودخلت على النت لقيت رقم حضرتك وطبعاً حضرتك كاتب كل حاجة عن المكنة وتشغيلها إزاي والكلام ده
المهندس منسى: هوه بس سعرها عامل كام يا باشا؟
العميل: مكنة إيه؟
المهندس منسى: مكنة فويل
العميل: ما مكن الفويل اللي عندنا كتير
المهندس منسى: طب قولي الأنواع اللي عندك، مش فاهم، في أطباق وفي…
العميل: شوف إنت عايز إيه وأنا هردلك عليه،قصدك مكن الفويل أنواعه يعني ولا..
المهندس منسى: يعني إنت عايز تعمل فويل إيه لأنه اللي عندنا مكن اللي بتلحم الفويل على بق العبوة، وعندنا اللي بتلحم الفويل على بق العلب البلاستيك، وعلب الزبادي وكده،وعندنا اللي بتلحم الفويل على العبوات والأزايز…
العميل: لأ أنا عايز بتاعت الأكل والحلويات دي
المهندس منسى: يعني إنت عايز تصنع إيه؟؟ هتغطي العلب بتاعت الأكل والحلويات
العميل: آه الفويل الشفاف
المهندس منسى: طب ماعندكش صورة للمنتج اللي إنت عايز زيه؟
العميل: لا والله، بس أنا هي معروفة الفويل بتاع الأكل، اللي بيتحط على علب البسبوسة في الأفران، وبيتحط على…
المهندس منسى: آه إنت عايز إنت بتسمي العلب البلاستيك الشفافة فويل
العميل: آه.. ما أعرفش أنا والله
المهندس منسى: آه لا هي اسمها علب بلاستيك شفافة
العميل: آه
المهندس منسى: الفويل بقى اللي هوه بيتحط الألومنيوم فويل، فويل يعني ألومنيوم فويل، الألومنيوم فويل بيتحط على بق العلبة دي
العميل: آه.. آه.. آه…
المهندس منسى: يبقى إنت دلوقتي اتفقنا إن إنت عايز تصنع العلب البلاستيك
العميل: آه الرول الشفاف
المهندس منسى: آه العلب البلاستيك الشفاف
العميل: آه
المهندس منسى: دي موجودة عندنا
العميل: تمام يا كبير، دي عامله كام المكنة دي إن شاء الله؟
المهندس منسى: دي عامله
العميل: يعني بما يعادل 25000
المهندس منسى: لما تيجي تتكلم تاني قول أنا عايز المكنة اللي بتصنع العلب البلاستيك الشفاف
العميل: تمام يا باشا، طب بالنسبة للمواد الخام موجودة عندكم؟
المهندس منسى: عندنا آه
العميل: أنا شفت العنوان بتاعكم في باب الشعرية؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: ربنا يوسع عليك يا باشا، بس المكان اللي بكلمك حالياً منه ده في باب الشعرية، نجيلك إمتى إن شاء الله، أنا من الغردقة ممكن أجيلك اليومين الجايين دول إن شاء الله
المهندس منسى: أنا استشاري مش مبيعات، هبعتلك رقم المبيعات تتابع معاهم؟
العميل: يا ريت يا باشا معلش أنا آسف يعني
المهندس منسى: ماشي
العميل: ماشي يا بيه
