ماكينة تغليف التمور بالفاكيوم من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : صبحك الله بالخير
المهندس منسي : الله يبارك لك
العميل : كيف حالك يا خوي
المهندس منسي : الحمد لله
العميل : عندكم مكاين تعبئة وتغليف التمور؟
المهندس منسي : آه.. هوه تعبئة وتغليف التمور ديت حاجات كتير قوي، في تعبئة وتغليف التمور بالفاكيوم، وفي تعبئة وتغليف التمور في أكياس، وفي تعبئة وتغليف التمور في علب…
العميل : لا أنا أبغى فاكيوم ألمانيا
المهندس منسي : آه.. إنت عايزها الأتوماتيك الكاملة؟
العميل : أيوه…
المهندس منسي : بتسألوا عليها وما بتنفذوش عشان سعرها غالي
العميل : أبغى ماكنتين على 3 طن
المهندس منسي : حاضر، هوه عموماً المكنة بـ 185000 يورو
العميل : كاملة بملحقاتها
المهندس منسي : آه كل حاجة
العميل : مع السخان والسير وكل شيء
المهندس منسي : إن شاء الله
العميل : ألمانية؟
المهندس منسي : ألماني آه
العميل : طبعاً بالنسبة العبوات يا أستاذ
المهندس منسي : نعم؟
العميل : عبوات.. عبوات
المهندس منسي : موجودة، هو بص بيخش رول وبيتفاكيوم الأول بيتشكل ويبقى عبوة وبعد كده يخش التمر عليها وبعد كده يتملي بالتمر وبعد كده يتغلق
العميل : طيب يا أستاذ العبوات أحجام العبوات للماكينة الواحدة إيش هي؟
المهندس منسي : لا ده هو كل مكنة بتعمل عبوة واحدة
العميل : نوع واحد يعني
المهندس منسي : آه
العميل : لا اللي مطلوب منا يا أستاذ كيلو ونص كيلو و200 جرام
المهندس منسي : عايز مكنة تعمل الـ 3 أحجام دول
العميل : أيوه… ومكتوب طبعاً المواصفات الماكينة 3 قوالب
المهندس منسي : آه نعملك مكنة دي سعرها يغلى شويه
العميل : والطاقة عندنا المطلوب 3 طن يا خوي شو أبو
المهندس منسي : عبد اللطيف
العميل : يا أبو عبد اللطيف 3 طن
المهندس منسي : دي هتبقى سعرها 245000 يورو
العميل : طيب.. طيب يا أبو…عندكم كم يا أبو…
المهندس منسي : دي بتتعمل بالطلب
العميل : يا أبو عبد اللطيف وين موقعكم
المهندس منسي : بالقاهرة
العميل : ما شاء الله تعمل بالطلب؟
المهندس منسي : آه
العميل : طيب يا أبو عبد اللطيف أنا ما أخفى عليك إحنا عندنا مصنع تيمور وأخذنا قرض من البنك الزراعي، معاي يا أبو عبد اللطيف
المهندس منسي : معاك يا غالي
العميل : وبعدين همه مطلوب منا مكاين الفاكيوم التنتين ومطلوب منا مكينة استريتش ومطلوب ماكينة معجون التمر وماكينة فطاير بالتمر وماكينة معمول بالتمر
المهندس منسي : آه…
العميل : كل الناس عندها هادي المكاين، قلنا نشوف يا أبو عبد اللطيف اللي موجود عندكم، ما عندكم شيء موجود
المهندس منسي : لأ في عندنا من المكن ده ماكينة الجبس وماكينة العجين، دي موجودة بضاعة حاضرة
العميل : صناعتها مصرية؟
المهندس منسي : ماركة، يعني إحنا صنعنا قطع الغيار في أي بلد وإحنا اللي ضمناها وإحنا اللي عملنا كل حاجة
العميل : طيب يا…
المهندس منسي : يعني ماركة
العميل : يا أبو عبد اللطيف
المهندس منسي : نعم
العميل : معلش أنا بعملك بوضعي عشان تكون على بينة، أنا عندي عقد مع البنك الزراعي قرض، هل أنتم عندكم استعداد السعر وتسويلي تسويات حتى إني أستلم المكن
المهندس منسي : مافيش مشكلة
العميل : ممكن.. ممتاز يا أبو عبد اللطيف، ممتاز جداً
المهندس منسي : تحت الأمر
العميل : طب ممكن واحد يزورنا يشوف المصنع ونكتب معاه العقد ونعطيكم عربون وتعطينا طويل العمر برده المكاين
المهندس منسي : إن شاء الله، حضرتك برده تيجي تشرفنا بالزيارة تمر على الفروع بتاعت الشركات بتاعتنا
العميل : أنا في السعودية
المهندس منسي : لأ حضرتك لو عايز تيجي بالقاهرة
العميل : ما لكم فرع بالسعودية؟
المهندس منسي : لأ لسه مالناش، مش راضين يدونا أرض عندكم، أدمنا على أرض مش راضين يدونا أرض عندكم
العميل : طلبتم أرض ما أعطوكم أرض
المهندس منسي : لأ مش ما أعطونا، عايزين متابعة جامدة قوي، إيه ده، يعني متعبين قوي
العميل : لا بالعكس والله ما في أسهل منها
المهندس منسي : أسهل من إيه؟؟ من السعودية؟؟
العميل : أنا أسويلكم.. أنا أسويلكم
المهندس منسي : هوه حضرتك مكانك فين؟
العميل : أنا في القصيم
المهندس منسي : القصيم دي اللي قريبة من البحرين
العميل : لا القصيم في الوسط بين جدة والرياض
المهندس منسي : آه
العميل : يعني الدمام وجدة، المسافة واحدة كله ألف متر، بينا وبين جدة ألف متر، وبينا وبين الدمام ألف كيلومتر، في الوسط، القصيم، يمكن سمعت عنها
المهندس منسي : آه سمعت عنها آه، يا مرحب بيك والنعم
العميل : الله يرضى عليك، طيب يا أبو عبد اللطيف إن شاء الله إنت بتشوفلي مكاين وإن شاء الله تعالى نكتب عقد معاكم، أنا الحقيقة أنا بصراحة ما أقدر آجي هناك على مصر لكن ممكن ترسلوا لنا واحد يزورنا
المهندس منسي : مافيش مشكلة، ما تقدرش تيجي مصر ليه؟
العميل : والله يا ابن الحلال صعب معانا لأن عندي أشغال كتيرة وما أقدر أروح
المهندس منسي : يا راجل فك عن نفسك 3 ـ 4 أيام كده، فك عن نفسك تعالى اتفرج في البلد وشوف الدنيا ماشيه إزاي
العميل : والله يا أبو عبد اللطيف من عندنا للإمارات كان في الإمارات معرض شركة ألمانية عارضة مكاين ومصانع التمور، ماشين من عندنا ما قدرت أروح معهم، زملائي رايحين يدوروا على ما تمكنت أروح معهم، إيه والله، لكن خلنا في الإمكان نرسلكم صور المصنع ونصور المواقع كلها ونصور مواقع الثلاجات، عندنا ثلاجات إنتم عندكم.. عندنا 10 ثلاجات على 12 × 13 × ارتفاع 7 متر
المهندس منسي : ما شاء الله
العميل : برده تركبوا الثلاجات 10
المهندس منسي : إن شاء الله
العميل : طيب يا أبو محمد، طولنا عليك الله يرضى عليك
المهندس منسي : ولا يهمك يا غالي، مين معايا؟
العميل : محمد السلطان أبو علي
المهندس منسي : أهلاً بيك، تشرفت بيك يا أبو علي
العميل : الله يشرفك يا أبو عبد اللطيف ويسلمك
المهندس منسي : الله يبارك لك
العميل : طيب يا أبو عبد اللطيف إن شاء الله نتواصل معاك تشوفلنا الأسعار وتعلمونا إن شاء الله
المهندس منسي : إن شاء الله، رتب الموضوع كده يا أبو علي وإحنا إن شاء الله تحت الأمر
العميل : أنا جاهز المبنى خلص عندي كله، يعني المبنى المصنع خالص، مساحته 90 × 50، كله مغطى وجاهز وخالص وصارفين الأرضيات، وكذلك مبنى الثلاجات 60 × 30 × ارتفاع 8 متر، هادا برده جاهز
المهندس منسي : آه يعني حضرتك هتعمل ثلاجات ولا إنتم جيبتوها خلاص؟
العميل : الثلاجات لأ هادا المنى هادا الهنجر ارتفاعه 8 متر تكون الثلاجات جواه يا أبو عبد اللطيف
المهندس منسي : الثلاجات إيه؟
العميل : من داخله، من داخل المبنى
المهندس منسي : آه.. ما أنا فاهم، إنتم لما جيتم صممته المبنى صممته المبنى على أساس إنه هيبقى جواه ثلاجة ولا إنتم صممته بنيتوا بس وبعد كده…
العميل : لا… لا.. حسب المخططات يا أبو عبد اللطيف عندنا مخططات متكاملة للمصنع، حتى الماكينات يا طويل العمر 60 × 30 جواها طواف شارع 4 متر عشان الرافعة الشوكية، وعلى اليمين 5 ثلاجات وعلى اليسار 5 ثلاجات
المهندس منسي : آه.. بص يا طويل العمر، الجدار نفسه المفروض يكون فيه حاجة جواه عازلة، هل إنتم عملتم حاجة جواه عازله
العميل : أيوه.. شوف يا أبو عبد اللطيف الله يطول عمرك 30 × 60 × ارتفاع 8 متر هادا مسقوف بهنجر وعازل، 8 متر ارتفاعه، الثلاجات هتكون جواه عشان الشمس والحرارة، هتكون جواه الماكينات، من داخل المبنى على اليمين 5 وعلى اليسار 5
المهندس منسي : على العموم إن شاء الله يلزمنا زيارة، حضرتك هتعملنا دعوة، واخد بال حضرتك
العميل : إن شاء الله
المهندس منسي : تعملنا دعوة عندك وإقامة، المهندس اللي هيجيلك تعمله إقامة في فندق، وإن شاء الله يلزمنا دعوة يعني حد هيجيلك هيصورلي المصنع تصوير هندسي
العميل : إن شاء الله
المهندس منسي : لما يصوره تصوير هندسي، هنبدأ نرسمه وهنقولك الماكينات دي هتبقى في القطعة الفلانية، ولا حضرتك عملت كل حاجة يعني خططت كل حاجة وإحنا علينا توريد المكن بس
العميل : إن شاء الله
المهندس منسي : لا بسأل حضرتك يا أبو علي، حضرتك خططت كل حاجة، يعني خلاص النظام عندك متضبط على الشغل على طول، ولا محتاج حد الأول يشوف…
العميل : أيوه خالصين يا أبو عبد اللطيف
المهندس منسي : آه.. آه.. يعني كل حاجة
العميل : بنينا مبنى للمصنع للمكاين 90 × 50 متر، يعني مساحة 4500 متر2 ومبنى خاص ثاني للثلاجات 30 × 60
المهندس منسي : آه.. آه.. آه…
العميل : الثلاجات هتكون أطوالها 13 × 12 × ارتفاع 7 متر، يعني بينها وبين السقف حوالي متر
المهندس منسي : آه.. آه…
العميل : عشان يكون عالي من الحرارة
المهندس منسي : هوه عموماً أنا بطلع تأشيرة رجال أعمال من عندكم بحيث إن أنا جاي السعودية عشان خاطر أروح وزارة الاستثمار أشوفهم عطللنا ورقنا ليه
العميل : أيوه
المهندس منسي : لأن كل كنا بنبعت لهم من هنا وكده يعني، فأنا عايز أروح أعمل تأشيرة رجال أعمال وأروح السعودية إن أنا أشوف بقى أخش وزارة الاستثمار وأشوف الدنيا متعطله ليه
العميل : إشلون متعطلة
المهندس منسي : مافيش، ما بيردوش خالص يا أبو علي، إذا رد مرة ما يردوش 10 مرات، إنت عارف حضرتك عملنا الفرع بتاعنا في هونج كونج في يوم بليلة
العميل : طيب…
المهندس منسي : عملنا كل حاجة وقالك 15 يوم وتستلموا، 15 يوم وكنا مستلمين كل حاجة
العميل : طيب يا أبو عبد اللطيف، شوف السفارة السعودية بالقاهرة واتفاهم معهم على أساس إنك تقوم بزيارة يعني
المهندس منسي : إن شاء الله
العميل : مر على السفارة وهم على طول هناك ما عندهم أي مانع يعطونك، لو واحد جاي هاي الأيام مهندس مصري جاي يقول إن رحت مريت على السفارة وعلى طول على طول التأشيرة تجيلك
المهندس منسي : دي مافيهاش مشكلة دي عادي، ولكن إحنا بس تأشيرة رجال أعمال عشان تقعد معايا فترة طويلة، عشان أدول عادي
العميل : آه.. فهمت عليك
المهندس منسي : إنما تأشيرة الزيارة عادي ما همه بيبعتوا التأشيرة بيخشوا السفارة ياخدها ويطلع على طول مافيهاش مشكلة، سيبك من العالم بتوع الإعلام والكدابين دول
العميل : عرفت.. عرفت
المهندس منسي : بصراحة يعني إحنا بنعتبر السعودية ديت هي ومصر حتة واحدة، طول عمرنا، همه جايين بقى عملين يخربطوا الدنيا
العميل : إحنا نفس الشي، والعالم العربي كله يعتبروا مصر أم الدنيا
المهندس منسي : الحمد لله، إخوات
العميل : أم الدنيا، والمسلمين كلهم إن شاء الله إخوة يا عبد اللطيف
المهندس منسي : إخوات وربنا يقدم اللي فيه الخير
العميل : لا بس إن شاء الله روحلهم ويعطونك إن شاء الله تعالى، يعطونك فيزا زيارة عشان تيجي…
المهندس منسي : لأ أنا مش عايز آجي زيارة، أنا عايز آجي تأشيرة رجال أعمال
العميل : إيه… والله أنا ما أعرف عنها شيء دي يا أبو عبد اللطيف، لكن برده السفارة…
المهندس منسي : أنا ممكن أبعت لحضرتك مهندس من الشركة
العميل : الله يرضى عليك، طيب شيء طيب
المهندس منسي : إن شاء الله
العميل : طيب يا أبو عبد اللطيف
المهندس منسي : شوف إنت عايز مني إيه، إيه الطلبات اللي حضرتك عايزها مني وأنا تحت الأمر، أنا اتشرفت بيك يا أبو علي
العميل : الله يشرف قدرك، أنا أبي هادي المكاين الفاكيوم
المهندس منسي : أنا دلوقتي أول خطوة هنعملها إيه؟
العميل : أول خطوة المكاين الفاكيوم، والباقي درجات يعني، هنشوف ماكينات الفاكيوم يا أبو عبد اللطيف تكون الطاقة 3 طن في الساعة كل واحدة
المهندس منسي : إن شاء الله
العميل : وكل واحدة تكون 3 قوالب، والعبوات كيلو ونص كيلو و200 جرام
المهندس منسي : لو العملية متاحة معاك يا أبو علي والدنيا حلوة اعمل إيه؟؟ اعمل 3 ماكينات، مكنة للربع ومكنة للنص ومكنة للكيلو، لو العملية مفرودة معاك، عشان خاطر ما تتعذبش مع الفنيين، يعني إزاي؟؟ يعني إنت عارف تغيير القالب، إنت دلوقتي عايز تغير القالب، معايا
العميل : القالب عشان لما…
المهندس منسي : لما تغير من الربع كيلو للنص كيلو، أو من النص كيلو للكيلو، فتغيير القالب دوت وجع دماغ ومشكلة، واخد بالك
العميل : أكيد إيه
المهندس منسي : فهنا النهاردة هتبقى مضطر للفني، الفنيين..
العميل : طيب يا أبو عبد اللطيف، هل ما في داعي، ها المكنتين.. عموماً بعدين إن شاء الله حنا طبعاً بنطور، فإن شاء الله بيكون تطويرنا باستمرار للمصنع إن شاء الله وبنكون على اتصال بيك يا أبو عبد اللطيف
المهندس منسي : إن شاء الله
العميل : خدمك المال والبنون يا أبو عبد اللطيف
المهندس منسي : الله يبارك يا رب
العميل : ألف ألف ألف شكر
المهندس منسي : شكراً لذوقك وأدبك يا أبو علي
العميل : الله يعزك.. الله يعزك، يخليك أولادك ويوفقك إن شاء الله
المهندس منسي : هو حضرتك بقى سيرش علينا اكتب المهندس منسي كده على النت واتفرج على قوة شركتنا واتفرج على المعارض اللي إحنا دخلناها، واتفرج برده على الاستيكارات اللي إحنا عملناها
العميل : والله يا أبو عبد اللطيف كان ودي بس والله ما عندي إمكانية دلوقتي، لكن أنتم عندكم مهندسين شباب ترسلنا واحد ييجي ونوريه المصنع إن شاء الله
المهندس منسي : إن شاء الله
العميل : وخلينا على اتصال على طول يا أبو عبد اللطيف
المهندس منسي : ماشي يا غالي
العميل : خدمك المال والبنون، ألف شكر
المهندس منسي : شكراً
