ماكينة سلوفان حراري من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : والله أنا جبت النمرة دي من على النت بخصوص مكن السلوفان
المهندس منسي : آه
العميل : طيب أنا كنت بدور على مكنة سلوفان حراري مقاس الفرخ، يا ترى عندكم حاجة؟
المهندس منسي : مقاس إيه؟
العميل : الفرخ 70 × 100
المهندس منسي : آه اللي موجود عندنا.. في عندنا مقاس 65 مش عندنا التانية، إنما إنت لو عايز 70 × 100 ده إحنا ممكن نجيبهالك بالطلب
العميل : تمام.. المكن ده صيني ولا إيه؟
المهندس منسي : إن شاء الله
العميل : طيب ودي فيها تقطيع أتوماتيك؟
المهندس منسي : ما هو إنت اللي بتقولي على مواصفاتك، حضرتك تشرفنا بالزيارة ونقعد مع بعض ونشوف المواصفات اللي إنت عايزها إيه ، ونبدأ نقولك دي هتبقى سعرها كذا، هوه إحنا شغلنا الأساس مكن تعبئة وتغليف، ده بضاعة حاضرة، أما المكن التاني ده بنسبورتد بيه على مكتبنا اللي في الصين
العميل : طيب إنك قلتلي على الموضوع ده، بالنسبة للمكن الشرينك اللي هوه الأتوماتيك، إن أنا برمي على السير وهوه يعمل الشرينك ويطلعه من الناحية التانية معمول شرينك للكتب، ده موجود؟
المهندس منسي : للـ إيه؟
العميل : كتب، كتاب أو مجلة
المهندس منسي : آه.. آه.. ده بنجيبه آه، الموجود عندنا دلوقتي الوحدة التانية اللي هي حضرتك تقدر تغلف دلوقتي، أما عملية إن إحنا نخليها لك أتوماتيك ديت بنجهزهالك على طول وإنت واقف، يعني تاخد معانا فترة بسيطة جداً
العميل : طيب ممكن معلش أعرف رينج الأسعار بتبقى في حدود كام بالنسبة لمكنة السلوفان ومكنة…
المهندس منسي : ، مكنة الشرينك اللي هي تقدر تشتغل بيها دلوقتي، كل العملية إنك تدخل الكتاب بتاعك في كيس وترميه عليها يطلع من الناحية التانية متغلف جاهز
العميل : فهمتك.. فهمتك، بعدي في اللي هوه بيسموه سانيل أو اللصق الحراري ده، صح كده؟
المهندس منسي : آه.. السانيل أو اللصق الحراري فعلاً آه
العميل : طيب هوه إنتم بتبيعوا برده البكر الشرينك بتاعه
المهندس منسي : بنبيع خامات الشرينك آه، النهاردة عامله 36 ـ 38
العميل : في الحتة دي
المهندس منسي : آه
العميل : وبالنسبة للمكنة بتاعت السلوفان في حدود كام معلش؟
المهندس منسي : ما هو أنا هقولك في حدود كام بناء على إيه؟ أنا عندي في حدود أكتر من 30 صنف، لازم حضرتك تشرفنا بالزيارة ونبدأ نرد…
العميل : طب…
المهندس منسي : عندي حاجة أفيربول دلوقتي تعمل في حدود 2000 ، حضرتك تيجي تتفرج عليها لو عجبتك ، واخد بالك، فإحنا بنتكلم من 2000 لـ 3، حسب الأوبشن وحسب… يعني مثلاً إنت النهاردة شايل جهاز، في جهاز موبايل مثلاً بـ 500 جنيه، وفي جهاز بـ 13000
العميل : فهمتك، طب ممكن تديني العنوان بعد إذنك؟
المهندس منسي : هبعتلك العنوان في رسالة حالاً
العميل : طيب ماشي يا بيه كتر خيرك، سلام عليكم
المهندس منسي : سلام عليكم
