ماكينة لحام الانابيب البلاستيك من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : المنسي

مهندس منسي : أيوه

العميل : أنا كنت عايز من حضرتك مكنة لحام

مهندس منسي : آه.. هتلحم إيه؟

العميل : معجون

مهندس منسي : طب اتكلم، ادخل في الكلام كده مش هسحب كلمة كلمة، قولي أنا عايز كذا…

العميل : حضرتك هي مكنة تلحيم اللي هي للعبوات بتاعت الأنابيب، زي الأنابيب البلاستيك دي حضرتك زي بتاعت المعجون كده

مهندس منسي : ما هو في فرق بين أنابيب البلاستيك وبين أنابيب المعجون، دي خامة ودي خامة تانية، ودي مكنة ودي مكنة تانية

العميل : أنابيب البلاستيك حضرتك

مهندس منسي : آه المكنة دي موجودة

العميل : أنا جايلك من طرف أ/ جورج

مهندس منسي : آه أهلاً بيك

العميل : أهلاً وسهلاً بحضرتك

مهندس منسي : هوه إحنا عندنا المكنة اللي بتلحم الأنابيب البلاستيك بالألتراسونيك مش بالحرارة، لأنه بالحرارة مشاكلها كتير جداً، بتفك وكده يعني، فاللحام الصح للأنابيب البلاستيك هوه الألتراسونيك، حاجة اسمها موجات الألتراسونيك، فده الصح بتاع الأنابيب البلاستيك

العميل : أيوه ما هو أنا عايز حاجة مضبوطة.. حاجة تمام، عشان ما ينفعش آخد حاجة…

مهندس منسي : آه.. فدي عامله ، وفي حاجة بـ ، أنا مش متذكر السعر هل هوه 2500 ولا 3000، هبعتلك أنا تليفون المبيعات دلوقتي في رسالة هتتابع معاهم، هتقولهم عايز مكنة اللي بتلحم أنابيب الألتراسونيك

العميل : يعني عامله 2000 وكام؟

مهندس منسي : × 18

العميل : لا أنا جوه مصر مش بره مصر، أنا ماليش دعوة بالات، حضرتك معاملتك إيه؟

مهندس منسي : ما هو إنت بالنسبة لك هتدفعلي بالمصري عادي، بس أنا بسميلك بال عشان خاطر لو جيت بعد شهر ولا حاجة ما تلقيش السعر زاد، إنما أنا هاخد منك بالمصري عادي، وهضربلك على 18 جنيه، يعني هتضرب × 18 هيتطلعلك السعر بتاعها

العميل : طب ما حضرتك كده بالنسبة لي أنا غالية

مهندس منسي : آه…..

العميل : لا أنا عايز حاجة سعرها معقول يا أستاذ

مهندس منسي : هبعتلك أنا المبيعات دلوقتي في رسالة شوف بقى عندهم حاجة حراري أو كده لأنه أنا بالنسبة لنا ما عندناش إلا الألتراسونيك، والألتراسونيك ده سعرها ده أرخص سعر في العالم كله، مش أرخص سعر عندي بس، لأ ده أرخص سعر في العالم

العميل : اللي هي بالموجات الحرارية ولا إيه يعني؟

مهندس منسي : لأ موجات الألتراسونيك

العميل : طب خلاص ابعتلي حضرتك بتاع المبيعات ده أنا أتكلم معاه

مهندس منسي : ما هو هتتكلم معاه في إيه إحنا أسعارنا نهائية؟

العميل : يعني 2500 دي نهائية

مهندس منسي : ، دور في السوق وسيبني أنا للآخر

العميل : طيب خلاص ما عندكش حاجة تانية أقل حضرتك؟

مهندس منسي : ما هو على حسب الأنبوبة، أنبوبة بلاستيك على ألومنيا ولا الأنبوبة بلاستيك بس؟

العميل : لأ بلاستيك بس

مهندس منسي : آه بلاستيك بس يبقى صحها الألتراسونيك، أما لو بلاستيك على ألومنيا يبقى في مكنة تانية تلحمها بتعمل يعني 3600 جنيه مصري

العميل : طيب ودي اللحام بتاعها شديد يعني ولا…

مهندس منسي : آه شديد وزي الفل بس الخامة نفسها بتبقى حاجة اسمها ألومنيا على بلاستيك، إنما لو بلاستيك بس صافي ما ينفعش معاها إلا مكنة لحام الألتراسونيك

العميل : خلاص ماشي هكلم حضرتك تاني

مهندس منسي : مع السلامة

العميل : ألف شكر يا باشا