عبوات الجبنة  من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس إزي الصحة

المهندس منسي: أهلاً بيك

العميل: كنت عايز أستفسر من حضرتك على حاجة كده

المهندس منسي: اتفضل

العميل:بالنسبة لعبوات الجبنة أنا كنت شايف حضرتك محطوطة على النت وكده

المهندس منسي: آه

العميل:العبوات الجبنة اللي هي المربعة دي

المهندس منسي: آه

العميل: هوه العبوات دي سعتها كام؟

المهندس منسي: دي إحنا بنصنعها، وعندنا المكن اللي بيصنعها، عندنا مكن بيصنعها نص أتوماتيك

العميل:  لأ أنا بتكلم أنا عايز العبوة، أنا مش عايز المكنة

المهندس منسي:  ما هوه عبوات الجبنة المربعة ديت في منها تيرمو فورمينج، وفي منها حقن بلاستيك، فأستسمحك تبعتلي العبوة اللي عجبتك واخد بالك وإن شاء الله خير

العميل:طب دي سعرها كام ودي سعرها كام؟؟ ولا آجي أخدهم منك من مصر؟

المهندس منسي: ما هو العملية مش سعرها، لأنه كل عبوة بتبقى على حسب وزنها، وعلى حسب شكلها، وعلى حسب…

العميل: طب لو أنا جيتلك المكتب في مصر ما يفنعش آخد أسعارها على أساس إن أنا هوردها لشركة مواد غذائية

المهندس منسي: ماشي على عيني وعلى راسي، ولكن حضرتك بس فرجني على العبوة اللي عجبتك

العميل: ما هاخد العينات كلهم

المهندس منسي: ما هو احتمال ما تلقيش عينة، لإني أنا لو احتفظت بكل عينة أنا عملتها ده أنا كده مش محتاج شركة

العميل: ماشي اللي هي المربعة اللي هي بتشيل الجبنة

المهندس منسي: ما هوه الأشكال بتختال علينا، لأنه المربعة اللي بتشيل جبنة، في مربعة 5 سم ارتفاع…

العميل:  آه… 5 سم ارتفاع لأنها بيتحط فيها خرطة جبنة مش هينفع يتحط فيها خرطتين فوق بعض

ما هو أنا جايلك أهوه، في 5 سم ارتفاع، وفي 7 سم، وفي 6 ، وفي 4 ، وفي 2، وفي 6 × 9، وفي 6 × 6 ، وفي 9 × 9، وفي 9.3 ×…. لو عدتلك المقاسات هنقعد لغاية بكرة

العميل:أصل أنا لسه هوردها يا باش مهندس، لسه هودي العينة على أساس أنا هوريها للراجل

آه في الحالة دي بقى  حضرتك بتعمل إيه؟؟؟ تشوف مواصفاته في العلبة بتاعته إيه؟؟ بتصنع إنت عينات وبعد كده إنت بتوردها، والعينات دي بنصنعها على حساب حضرتك

العميل: آه… أصل لسة في البداية يا باش مهندس برده

المهندس منسي: ربنا يوفقك يا رب ويبقى عندك مصنع علب أد الدنيا

العميل: الله يخليك يا باش مهندس، إحنا كلنا تحت أمرك

المهندس منسي: يا باشا كله كان بدايته صغير وربنا وسع عليه

العميل:  أنا عارف والله يا باش مهندس، أنا عارفك ومتابع برده على النت من زمان وكده

المهندس منسي:  ده شرف ليا يا جميل

العميل:  الله يخليك ربنا يديك الصحة يا باش مهندس، وربنا يخليك يا رب… خلاص أنا هجيلك المكتب آخد العينات اللي موجودة وآخد أسعارها وأشوف لو هيترتب معايا هيوافق على عينة منهم مافيش مشكلة

المهندس منسي:  هبعتلك أنا دلوقتي تليفونات المبيعات بقى هتابع معاهم

العميل: طيب ماشي

المهندس منسي:  هبعتهولك في رسالة، مش هستخسر فيك رسالة والله

العميل:  الله يخليك يا باش مهندس، إنت كلك ذوق يا باش مهندس، وأنا عارفك صاحب واجب وراجل محترم جداً والله

المهندس منسي:   الله يبارك لك يا غالي

العميل: يارب يا ريس، مع ألف سلامة