ماكينة تعبئة وتغليف الحبوب من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: بعد إذنك أنا إن شاء الله ناوي أعمل مشروع اللي هوه بتاع التعبئة والتغليف اللي هوه الحبوب، السكر، والرز، والملح…. تمام يا فندم، فمعلش كنت عايز إفادة منكم، إن أنا عايز حاجة على أد إديه..
المهندس منسي: آه في حاجة نص أتوماتيك وفي حاجة أتوماتيك
العميل: طب بالنسبة للنص أتوماتيك عامله كام؟
المهندس منسي: 1000 يعني 16000 جنيه
العميل: طب الضمان حضرتك؟
المهندس منسي: لمدة سنة ضد عيوب الصناعة و10 سنين توفير قطع الغيار لحساب العميل
العميل: يعني إنت حضرتك بتوفرلي قطع الغيار 10 سنين
المهندس منسي: آه..
العميل: بس على حسابي أنا
المهندس منسي: آه
العميل: 16000 جنيه نص أتوماتيك معلش وضحلي هي إيه بالضبط؟
المهندس منسي: بتعبي نص أتوماتيك، يعني إنت بتحطلها الكيس هي تعبيهولك، بعد كده إنت بتحطها على سير، السير يلحمها ويوديها الناحية التانية
العميل: بتشتغل على الرول ولا إزاي؟
المهندس منسي: لا على الأكياس
العميل: على الرول صح؟ يعني بحطلها الرول…
المهندس منسي: لأ بتشتغل على الأكياس، اللي بتشتغل على الرول الأتوماتيك الكاملة
العميل: يعني أحطلها الكيس هي تقفله…
المهندس منسي: تحطلها الكيس متقفل هي تعبيه وبعد كده تحطها على سير، السير ده يلحمه ويودي الناحية التانية… تعالى شرفنا، المكنة دي بضاعة حاضرة واتعامل معاها عياناً بياناً، حسسنا بالجدية بس
العميل: ماشي يا باش
المهندس منسي: حضرتك شرفنا بالزيارة اتفرج على المكن اللي إنت عايزه ده هيكون أفضل بالنسبة لنا يعني
العميل: خلاص ماشي يا باشا
المهندس منسي: مع السلامة
العميل: سلام
