ماكينة تغليف علب الادوية الصغيرة بالشرينك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : مكتب المهندس منسي

المهندس منسي : أيوه

العميل : لو سمحت بسأل على ماكينة تغليف علب الأدوية الصغيرة دي

المهندس منسي : مكنة تغليف إيه؟

العميل : اليدوي الصغيرة اللي بتغلف علب الأدوية

المهندس منسي : آه.. ما هوه في مكن كتير لتغليف علب الأدوية

العميل : اللي هي الصغيرة يا فندم اليدوي دي، بتحطلها العلبة بإيدك…

المهندس منسي : هوه حضرتك هتغلف إزاي بالضبط، يعني عايز إيه في التغليف؟

العميل : هغلف علب كريمات وأزايز

المهندس منسي : آه.. إنت عايز العدة اللي بتلحم الألومنيا اللي عليها

العميل : لأ مش ألومنيا الشرينك اللي هوه البلاستيك

المهندس منسي : آه.. آه… مكنة تغليف شرينك لعلب الأدوية ومستحضرات التجميل وعلب العطور

العميل : آه بالضبط الصغيرة دي اليدوية

المهندس منسي : هي مش يدوية ده سير

العميل : لا في مكنة تانية شفتها على اليوتيوب فيديو مكتوب ماكينة تغليف يدوية صغيرة الحجم التي نقدمها نحن شركة إم تو باك….

المهندس منسي : لأ ممكن تكون خطأ من اللي كتب…

العميل : هوه جاه الفيديو قدامي هي علبة صغيرة كده علبة أدوية جيه شدها كده وحاجة عامله زي علبة صغيرة كده، علبة ممكن تكون 20 × 20 سم، الماكينة كلها ممكن….

المهندس منسي : هي عموماً أصغر مكنة عندنا هي مكنة سير، هي مكنة على سير حضرتك بتحطلها الحاجة بكم كده في خرطوم سلوفان وترميها عليها وهي تطلع من الناحية التانية متشرنكة جاهزة

العميل : السلوفان ده الألومنيوم صح؟

المهندس منسي : لأ السلوفان لوحده والألومنيوم لوحده، الألومنيوم ده اللي بيبقى على بق الغطا، بق العلبة، أما السلوفان ده هوه يعتبر طبقة السلوفان الشفافة اللي على العلبة

العميل : آه البلاستيك الشفاف

المهندس منسي : وممكن كمان طبقة السلوفان الشفافة تبقى مطبوعة، يعني في أساليب كتيرة جداً في التغليف، وحلول كتيرة جداً في التغليف

العميل : أصل أنا لسه يعتبر جديد وكده فهجيب المكنة دي دلوقتي صغيرة كده وشغلها يدوي، ما بتعملش كميات كبيرة يعني، فالفيديو ده على اليوتيوب

المهندس منسي : آه اتفضل معاك

العميل : اللي منزله واحد اسمه عبد السلام النجار

المهندس منسي : معاك يا غالي

العميل : دي موجودة يا فندم المكنة دي؟

المهندس منسي : آه موجودة آه

العميل : طب دي سعرها أد إيه؟

المهندس منسي : 430 ، يعني 4300 جنيه مصري السعر ده ساري لغاية 1 أكتوبر، بعد 1 أكتوبر هنرفع السعر بسعر ال الحقيقي

العميل : آه.. اللي هي المكنة الصغيرة دي اللي هي 20 × 20 سم

المهندس منسي : نعم؟

العميل : الحاجة موجودة في أكتوبر يا فندم ولا في باب الشعرية؟

المهندس منسي : موجودة في كل الفروع بتاعتنا

العميل : الفرع بتاع أكتوبر فين

المهندس منسي : لأ في مجمع الأمل، أنا هبعتلك دلوقتي تليفون

العميل : مجمع الأمل، أنا في مجمع الأمل، إنت فين يا فندم

المهندس منسي : يعني إحنا جيران

العميل : آه جيران يا فندم، ممكن تعملنا خصم الجيرة بقى

المهندس منسي : ماشي يا غالي

العميل : إنت جنب إبراهيم شقرة بتاع الاكل السوري

المهندس منسي : لأ أنا واخد وسط مبنى عطوة

العميل : آه إنتم عند المسجد عند عم جمال بتاع الهيونداي

المهندس منسي : تقريباً، هوه اسم الشركة عندك اسمها نسر الشرق، هي شركتنا برده، أحد قلاع شركة المهندس منسي، يعني في نسر الشرق، وفي شركة نيفينا، وفي رائد الهندسة الصناعية…

العميل : يعني أروح دلوقتي مبنى 10 في مجمع الأمل الصناعي في المنطقة الخامسة اللي إحنا فيه دلوقتي أسأل على شركة نسر الشرق، هلاقي المكنة موجودة هناك جاهزة ولا…

المهندس منسي : آه جاهزة آه، قوله مكنة شرينك اللي هنا فين

العميل : طيب خلاص أشوف بقى، مادام إحنا جيران بحراتنا برده

المهندس منسي : ماشي تحت أمرك يا غالي

العميل : ماشي ربنا يصلح الأحوال

المهندس منسي : ماشي