البولي أوليفين شرينك من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	إزي يا باش مهندس
المهندس منسي	:	أهلاً بيك
العميل	:	بسأل على البولي أوليفين شرينك
المهندس منسي	:	آه عندنا آه، موجود بضاعة حاضرة
العميل	:	عرض 35 و عرض 40 ـ 15 ميكرون
المهندس منسي	:	إن شاء الله
العميل	:	طيب أنا جاي بكرة مصر إن شاء الله، يوم السبت الصبح هتكون موجود إنت في الشركة ولا في مدينة نصر ولا فين؟ ولا باب الشعرية؟
المهندس منسي	:	مش شرط تقابلني، إنما حضرتك ممكن تيجي أي فرع وتقولهم عايز بولي أليفان وضعه كذا كذا كذا… وفي عندنا أوردي ستوك موجود دلوقتي في مخزنا في العبور
العميل	:	طيب خلاص أمشي على العبور أحسن، ابعتلي عنوان العبور وأنا أروح على العبور على طول عشان أشوف الستوك اللي موجود شكله إيه
المهندس منسي	:	آه ده بالنسبة للبولي أوليفان 35 ميكرون موجود بضاعة حاضرة
العميل	:	لا 15 ميكرون، العرض بتاعته 35 سم و 40 سم
المهندس منسي	:	مافيش مشكلة، يستحسن لو جبت عينات معاك
العميل	:	طيب عندي الدباجة بتاعت الكرتونة بتاعته القديمة
المهندس منسي	:	ماشي كويس
العميل	:	بيبقى دبل مع بعض، بيركب في المكنة يغلفوا بيه الكراسة، 15-20 كراسة يحطوهم مع بعض ويغلفوهم بيها، المكنة الأتوماتيك دي
المهندس منسي	:	آه ما هو ده اسمه بولي أوليفان شرينك
العميل	:	بالضبط كده، أيوه نعم، وعايز الشرينك التاني اللي هو بتلف بيه البلاتيتات كاملة، اللي هو مكنة أتوماتيك بيلفوا زي ما بيلفوا بيه الشنط في المطارات والحاجات دي
المهندس منسي	:	إن شاء الله، تيجي تنورنا إن شاء الله
العميل	:	تسلم يا باش مهندس، مع السلامة
المهندس منسي	:	مع السلامة