مكنة لحام أكياس من شركة المهندس منسي

العميل: سلام عليكم.

المهندس منسي: سلام عليكم ورحمة الله.

العميل: إزاي معاليك يا باشا شركة المهندس لماكينات اللحام.

المهندس منسي: آيوه.

العميل: أهلاً وسهلاً بيك..معالي الباشا عايز مكنة لحام أكياس اللي هي إيه، منتجات غذائية السكر والرز كده يعني.

المهندس منسي: آه.

العميل: موجودة عندك يا باشا؟

إن شاء الله.

العميل: طيب تعمل كام سعرها يا بيه؟

المهندس منسي: في حاجة نص أتوماتيك وفي حاجة أتوماتيك كاملة.

العميل: طب الأتوماتيك كاملة دي تعمل كام، زي المعروض على الموقع ولا غير؟

المهندس منسي: آه نفسه آه.

العميل: يعني تقريباً.

المهندس منسي: 300   إزاي، هي مكتوبة على الموقع . مكنة لحام   اللي موجودة على الموقع لحام  مش أتوماتيك.

العميل: تمام اللي هي بتلحم وتطبع وكله.

المهندس منسي: آه بتلحم وتطبع تاريخ الإنتاج على الكيس، مش مكنة تعبئة وتغليف أتوماتيك.

العميل: أنا فاهم مكنة تعبئة كبيرة يا معالي الباشا مش هتعمل ، سعرها 10000 .

المهندس منسي: لا سعرها عندنا إحنا بقى 6.

العميل: 6500.. دي الأتوماتيك كاملة؟

المهندس منسي: دي الكبيرة..

العميل: أيوه أنا فاهم.

المهندس منسي: وفيه نص أتوماتيك عامله ، وفيه اللي على الربع كيلو عامله .

العميل: لا الكيلو يا باشا.

المهندس منسي: الكيلو عامله 6.

العميل: لكن مكنة التعبئة دي عندك، مكنة اللحام عند معاليك؟

المهندس منسي: آه.

العميل: كلام جميل، يعني سعرها كله بالمصري يعمل كام؟

المهندس منسي: سعر إيه؟

العميل: سعر مكنة اللحام.

المهندس منسي: امسك ورقة وقلم وروح ماسكها، ال النهاردة بكام، وروح حاسب دي في دي.

العميل: هوه اللي أعرفه إمبارح ال كان بـ 9.75 ما عرفش بقى زاد ولا إيه العمل والله.

المهندس منسي: إنت ونصيبك يا الله، والله من يوم الثورة اللعينة ديت وإحنا عمالين نجري ورا ال.

العميل: معلش.. معلش ربنا إن شاء الله هيسترها معانا.

المهندس منسي: زهقونا.

العميل: باب الشعرية إنتم يا باشا.

المهندس منسي: إن شاء الله.

العميل: طب في عندك شحن؟

المهندس منسي: عندنا آه.

العميل: شحن الصعيد قنا؟

المهندس منسي: شحن لأي مكان.

العميل: كلام زي الفل، بإذن الله هكلم حضرتك النهاردة أو بكرة، بس في عندك واتس أب يا باشا.

المهندس منسي: آه عندنا آه.

العميل: على نفس الرقم ده؟

المهندس منسي: نفسه.

العميل: طيب ياريت بس هكلم حضرتك دلوقتي ع الواتس ابعتلي صورتها إيه قريبة لأن هي على الموقع مش ظاهرة خالص والله.

المهندس منسي: يعني هرد عليك على الساعة 5 ولا حاجة.

العميل: معنديش مشكلة يا باشا المهم بس عشان خاطر معايا شركات وكده يشوفوها برده.

المهندس منسي: إن شاء الله.

العميل: ماشي يا معالي الباشا ألف شكر وآسفين لإزعاج معاليك.

المهندس منسي: ولا يهمك يا غالي.

العميل: ماشي مع السلامة.