مكنة لحام الأكياس بلحام عريض من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت عايز أسأل على مكنة تلحم الأكياس بلحام عريض

المهندس منسي : موجودة

العميل : عامله كام يا باشا؟

المهندس منسي : لحام بالسير، بيبقى معاها سير لحام

العميل : يعني كام بالمصري، ولا هدفع بال

المهندس منسي : يعني 3600 جنيه، لا مش هتدفع بال ولا حاجة هتدفع بالجنيه المصري، بس إحنا بنسمي بال عشان الثبات النسبي للأسعار، بكره تيجي تقولي بكام أقولك بقت بكذا.. بعده بقت بكذا… فهمتني، يعني عملية لثبات الأسعار بس إنما باخد منك بالمصري، بسمي بس بال، يعني كسعر استرشادي، يعني أنا من يوم ما ابتديت من 11 سنة فاتوا وما غيرناش أسعارنا

العميل : تمام… المكنة حضرتك عامله 1600 جنيه؟

المهندس منسي : 3600 جنيه،

العميل : طب مافيش حاجة تلحملي لحام عريض بدل مكنة كبيرة لأنه الأكياس صغيرة

المهندس منسي : والله لو إن شاء الله تكون الأكياس عرضها 1 سم، دي مكنة كونتينيوس

العميل : آه يعني اللحام….

المهندس منسي : إنت ما شفتهاش إنت لو شفتها تنبصت منها قوي، مكنة كونتينيوس يعني سير كده ترمي عليه ما بتحطش في المكنة، إنت بترمي على السير وهي تاخد وتلحم لوحدها ما تشغلش بالك بيها

العميل : تمام.. أنا اللي أقصده إن أنا عايز حاجة مش كبيرة قوي أنا مش مصنع بلاستيك

المهندس منسي : آه… هوه كل المكن اللي عندنا بتاع مصانع

العميل : طب حضرتك في مكن غير ده يلحم لحام عريض ولا هوه ده بس؟

المهندس منسي : ما هوه ده الوحيد اللي بيعمل اللحام العريض

العميل : لكن مافيش مكن تاني يعمل لحام عريض

المهندس منسي : إن شاء الله، لا مفيش، ده الوحيد اللي بيعمل لحام عريض

العميل : طب خلاص على العموم مكانكم فين يا باشا

المهندس منسي : هبعتهولك في رسالة حالاً