مكنة لحام الأكياس من شركة المهندس منسي
العميل: سلام عليكم
المهندس منسي: وعليكم السلام ورحمة الله وبركاته
العميل: باش مهندس منسي معايا
المهندس منسي: أيوه
العميل: والله بتصل بخصوص مكنة لحام، كان في مكنة لحام كده اللي هي في منها يدوي بالإيد، وفي منها بالرجل، اللي هي نص أتوماتيك
المهندس منسي: آه
العميل: دي عامله كام؟ … اللي هي اليدوي اللي هي أم سير؟
المهندس منسي: آه… دي مش يدوي، دي نص أتوماتيك
العميل: آه…
المهندس منسي: يعني إنت بتمسك الكيس تعبي وترمي على السير هي تاخده تلحمه وتحطهولك الناحية التانية، إنتاجية هي
العميل: أيوه أنا خدت واحدة من حضرتك من فترة كبيرة
المهندس منسي: آه… خدت إيه؟
العميل: خدت واحدة كان يوم جمعة كنت إنت فاتح بظروفها..
المهندس منسي: آه.. آه.. إنت اللي قلتلي بس هناخدها على طول في الكرتونة هناخدها على طول ما تقلقش، وبعد ما جبنا الكرتونة افتحها بس افتحها نبص عليها وبعد ما فتحنا نجربها بقى ونشوف دنيتها إيه، مش إنت اللي عملت كده؟
العميل: لأ مش أنا خالص، إنت جيبتهالي ونزلت جبتلك الفلوس من البنك، قلتلك هجيبلك الفلوس سيبت الحاجات عندك واشتريت واحدة منك
المهندس منسي: ماشي يا غالي … هي عامله النهاردة يعني 2000 جنيه مصري
العميل: عامله 2000 جنيه، أنا كنت واخدها 1200 جنيه
المهندس منسي: كان يا ما كان، كان ال بـ 5.50
العميل: ال عمره ما كان بـ 5.50
المهندس منسي: أيام أبويا مبارك الله يعافيه كل العافية
العميل: آه.. يعني 2000 جنيه
المهندس منسي: آه..
العميل: طب واللي هي قلتلي في واحدة شغاله بالرجل وكده
المهندس منسي: آه… موجودة وكل حاجة بس دي أحسن من اللي بالقدم بمراحل، ليه لأنك بالقدم تمسك الكيس تحطه، وبعد كده تدوس، وبعد كده تستنى لما يتلحم وبعد كده تاخد الكيس وتنقله، فإنهي الأحسن؟
العميل: آه.. دي الأحسن صح، آه.. طب في مكن فاكيوم اللي هي غرفتين اللي هي 603
المهندس منسي: آه…
العميل: أنا بعمل بيتزا وكده فكنت عايز أغلف بالفاكيوم مكنة الفاكيوم اللي هي الحجرتين دي
المهندس منسي: آه مفيش مشكلة
العميل: دي عامله كام دي برده؟
المهندس منسي: أنا افتكرتك إنت اللي كنت عامل مشروع البيتزا في البيت
العميل: أيوه بالضبط
المهندس منسي: آه.. عامل في الفرن في البيت وإنت أساساً كنت شيف في مطعم أو في فندق
العميل: في إيطاليا
المهندس منسي آه.. في إيطاليا آه، وعملت مشروع البيتزا اللي هوه البيتزا اللي إنت هتنزلها نص مستوية
العميل: أيوه بالضبط
المهندس منسي: شفت إزاي ذاكرتي فولاذية إزاي
العميل: بس إنت بتقول إن أنا عذبتك في المكنة أنا ما عذبتكش..
المهندس منسي: آه.. ما هوه مش إنت بقى ده واحد تاني، جه قالي إيه، قلتله النهاردة أجازة والنهاردة الجمعة، وبعدين إنت هتعذبني، وأنا ورايا شغل والناس قاعدين أهو، قالي لا.. لا.. لا هشوف الكرتونة هخدها على طول بتقفيلتها وهمشي، قلتله ماشي…
راح بعد ما جيبتله الكرتونة قالي معلش بس أبص عليها لتكون مكنة غلط، قلتله ماشي فتحناها له، جيه قالي معلش معلش نبص عليها يعني نجربها يعني افرض مش شغاله، أنا مآمن حضرتك بس نجرب، قلتله شفت… يعني كل المراحل اللي أنا قلتلك عليها إنت عملتها….
العميل: طب المكنة اللي هي الـ 603 عامله كام يا فندم؟
المهندس منسي: النهاردة بتعمل ، يعني 15000 جنيه مصري
العميل: طيب… عايز برده لما آجي لحضرتك البيتزا كده ترشحلي مكنة فاكيوم….
المهندس منسي: خلي بالك إحنا أسعارها مرتبطة بال فإحنا بنحسب ال النهاردة على 10 ولكن هوه في السوق أعتقد إن هوه أعلى من كده، فإحنا بنزود الأسعار بناء على ال اللي هوه السعر الحر، يعني هنشوف السعر إيه يوم 1/9 كام وهنبدأ نزود بناء عليه…
العميل: ربنا ييسرها إن شاء الله
المهندس منسي: عشان متجيش يوم 1/9 تقولي ما هوه إنت قايلي في التليفون كذا، هقولك ما هوه كنت حاسبين ال في شهر 8 على 10 جنيه
العميل: لا إحنا مكتبناش عقد بكده
المهندس منسي: لما بنيجي نزود بنزود كل 3 أشهر بناء على ال، سعر ال الموجود، لأن شغلنا كله بال للأسف
العميل: ماشي ربنا يسهل إن شاء الله نجيلك بس يا باش مهندس ونضبط
المهندس منسي: إن شاء الله
العميل: ماشي.. شكراً
المهندس منسي: مع السلامة
