مكنة لحام الأكياس من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة إم تو باك
المهندس منسي: أيوه
العميل: أهلاً بيك يا باشا معاك وجيه عبد العليم من المنوفية
المهندس منسي: أهلاً بيك
العميل: أهلاً بيك إزيك يا باشا، معلش أنا جبت الرقم من على النت وكنت بتصل بخصوص مكنة لحام الأكياس اللي هي الهاف أتوماتيك دي
المهندس منسي: أيوه اتفضل
العميل: بسأل دي سعرها كام؟
المهندس منسي: 1700
العميل: اللي هي 301 دي
المهندس منسي: آه
العميل: ده آخر سعرها يعني مافيش كلام تاني؟
المهندس منسي: إن شاء الله
العميل: طب في موديلات تاني حاجة أعلى يعني غير الموجودة على النت ده؟
المهندس منسي: يعني حاجة أعلى من ناحية إيه؟
العميل: يعني في إمكانية إن أنا أطبع بيها على الكيس نفسه، ولا لازم الطباعة تكون مكان اللحام؟
المهندس منسي: الطباعة بتبقى خارجية
العميل: آه… في مكان اللحام
المهندس منسي: إنما لو عايز تطبع تاريخ الإنتاج بس هي بتطبع تاريخ الإنتاج
العميل: آه.. بس كده
المهندس منسي: آه
العميل: تمام.. حضرتك موجودين فين يا فندم؟
المهندس منسي: إحنا عندنا حدائق القبة، مدينة نصر، باب الشعرية
العميل: وبتلصق أي خامة طيب؟
المهندس منسي: آه
العميل: أي خامة أكياس، أنا هعبي رز وهعبي ملح
المهندس منسي: مافيش مشكلة
العميل: طيب خلاص ماشي متشكر قوي
