اكياس تغليف المنتجات من شركة المهندس منسي

العميل : سلام عليكم

المهندس منسي : أهلاً بيك

العميل : لو سمحت يا باش مهندس عندكم أكياس تغليف؟

المهندس منسي : آه..

العميل : طب الأسعار بالنسبة للكيلو يعني من كام لكام؟

المهندس منسي : إنت عايزها سادة ولا مطبوعة؟

العميل : سادة

المهندس منسي : آه هوه المفروض إن حضرتك بتجيبلي… بتيجي تنقي الخامة اللي إنت عايزها وبناء عليها نبدأ نقولك سعرها، لأنه الخامات اللي عندنا خامات حديثة مش قديمة، يعني إزاي؟ يعني كله تغليف حديث، يعني هتلاقي عندنا الميتالايز الذهبي والفضي، والميتالايز ميتالك ألوان، ألوان معدنية، وهتلاقي عندنا كمان ألومنيات اللي هوه الكيس المفضض اللي هوه بيبقى عبارة عن ألومنيا، وهتلاقي عندنا كيس ورق على ألومنيا على بولي إيثيلين اللي هوه زي كيس الفوار وكيس الأدوية كده، وزي الأكياس الحاجات المهمة يعني أكياس الكمبيوتر وكده يعني

العميل : آه…

المهندس منسي : فده الشغل بتاعنا في التغليف، مش بنعمل بولي إيثيلين بس، أو بولي بروبلين بس، اللي هوه النظام القديم، لأ إحنا عندنا كله حديث

العميل : أيوه.. أيوه.. أيوه.. طيب يعني أنا لو عايز مثلاً تفصيل وليا أكياس على الحاجة اللي أنا هعبيها ممكن؟

المهندس منسي : آه عادي ممكن يفصلولك أكياس براحتك

العميل : يا الله طب معلش يعني يا باش مهندس يعني تقريباً تبتدي من كام عشان أنا آجيلكم جاهز

المهندس منسي : يعني أقولك أي سعر وبس، يعني مثلاً لما نكون بنتكلم في حاجات مثلاً بـ وحاجات بـ 10000 ، وحاجات بـ 2000 ، وحاجات بـ ….. يعني هوه سعر وبس، مش لازم أشوف الحاجة عشان أعرف أقولها إيه؟؟ ما هو السعر لو من كذا لكذا كنت قلتلك عليه، إنما الأسعار متفاوتة بينها وبين بعضها تفاوت كبير

العميل : آه… آه… كويس.. كويس، خلاص مافي مشكلة أنا إن شاء الله بكرة أجيلكم….

المهندس منسي : كمان سيادتك مش هتلاقي يعني… ده إنت كمان هتلاقي في عندنا مكن تعبئة وتغليف وهتلاقي عندنا… هتنبص يعني، هتلاقي ماركت كامل سوق كامل لكل مشتملات التعبئة والتغليف، يعني هتلاقي عبوات، وهتلاقي خامات تعبئة وتغليف، هتلاقي رولات تعبئة وتغليف، ورق تعبئة وتغليف، هتلاقي مكن تعبئة وتغليف، هتلاقي مكن نص أتوماتيك، ومكن أتوماتيك، هتلاقي ابتكارات وحلول في التعبئة والتغليف

العميل : أيوه.. أيوه…

المهندس منسي : يعني مثلاً هتلاقي مثلاً مكنة بتصنع الأكياس وصغيرة كده على الأد ممكن الواحد يحطها أدامه على المكتب، هتلاقي مكنة تانية… ابتكارات بقى، هتلاقي ابتكارات حلوة قوي، هتلاقي مكنة تانية.. عاملين ابتكارات عالية، يعني مش بنتاجر وبس

العميل : لا ما شاء الله يعني، أنا قريت نبذة كويسة عن الشركة وشفت صور في الإنترنت وكده..

المهندس منسي : آه إحنا مصنعين ومبتكرين في نفس الوقت

العميل : آه.. آه.. كويس..

المهندس منسي : لا عاملين شويه شغل حلوين

العميل : ما شاء الله

المهندس منسي : إحنا روحنا عرضنا منتجاتنا في قلب الصين وطحنا الدنيا هناك، رفعنا اسم العرب يعني، العرب كانوا في قمة سعادتهم إن إحنا أهوه جايين في الدولة اللي مافيش حد قدر عليها

العميل : أيوه.. أيوه صح

المهندس منسي : هي مش المشكلة إنك تعرض وبس، المشكلة إنك تعرض وتتفوق في عرضك

العميل : أيوه… صح.. صح

المهندس منسي : تتفوق سعر وكفاءة وتكنولوجيا

العميل : أيوه… أيوه….

المهندس منسي : فكان الحمد لله لينا السبق يعني، يا ريت يبقى في عدد كبير من الشركات كده، ولكن…

العميل : لا هوه ما شاء الله، إن شاء الله دايماً إنتم في تطور ودايماً في تفوق

المهندس منسي : الحمد لله، ربنا كريم

العميل : إن شاء الله، أنا والله مشروعي جديد، أنا مشروعي في السودان بشتغل في الكيك أنا، كويس

المهندس منسي : آه

العميل : فيدوب إحنا في بداية عمل، فإن شاء الله إحنا نبدأ معاكم، وشويه شويه نتطور بيكم إن شاء الله

المهندس منسي : إن شاء الله

العميل : إن شاء الله، أنا إن شاء الله أنا بكرة أجيلك الشركة في باب الشعرية، أنا اتصلت عليك قلتلي في باب الشعرية مش كده

المهندس منسي : آه

العميل : أنا بإذن الله بكره أصلكم بالمكتب إن شاء الله

المهندس منسي : إنت تيجي تنورني، هبعتلك أنا بقى تليفونات المبيعات عشان تتابع معاهم

العميل : خلاص أوكيه…

المهندس منسي : هوه إحنا عندنا غمرة، حدائق القبة، مدينة نصر، باب الشعرية

العميل : أنا لأنه في وسط البلد باب الشعرية أقرب حاجة

المهندس منسي : إن شاء الله، هبعتهولك في رسالة حالاً

العميل : إن شاء الله شكراً يا باش مهندس

المهندس منسي : ماشي يا غالي