تصنيع خامات الألومنيوم فويل من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : إزيك يا باش مهندس

مهندس منسي : أهلاً بيك

العميل : معاك د/ وليد

مهندس منسي : أهلاً وسهلاً

العميل : قلت أكلمك النهاردة بخصوص مش عارف أسميهولك إيه؟ الفويل اللي هوه الالومنيوم ….

مهندس منسي : آه

العميل : عندك كام ميكرون؟

مهندس منسي : لأ هوه حضرتك ممكن تكون كلمت المهندس حمادة

العميل : هوه النمرة دي اللي هيا كنت اتكلمت عليها قبل كده اللي هيا …. كنت انت كتبتهالي قبل كده هنا علي الشات ، و أنا كلمت حمادة فعلاً، بس أنا اتكلمت على النمرة دي يعني  المهم

مهندس منسي : إنت سجلته بقى تليفون المهندس حمادة، ولكن هوه تليفون، ده تليفون المهندس منسي، بس هوه يستحسن لو حضرتك رحت اتفرجت على الألومنيا…

العميل : ما هو يا باشا بتأكد عشان لو كده أبعت.. أروح أتفرج أو أبعت عينة على طول، الخامة مش محتاجة إن أنا أروح، لأن هروح هيقولي أنا عندي كذا ميكرون، هعرف تمام هبعت آخد العينة على طول

مهندس منسي : هوه حضرتك عايز ألومنيات تعمل بيها إيه؟

العميل : حاجة بنعمل فيدينج بتتلحم مش للأكل، حاجة محتاجة ميتاليز وهتتلحم، فيدينج زي حاجات الأكل بالضبط، بس مش أكل، أخف من 20 ميكرون، فهل في حاجة في الحدود دي؟

مهندس منسي : لأ إحنا شغالين بكل الميكرون، وبعدين في الفيدينج يبقى لازم تكون عندنا، ولو مش عندنا لازم نوفرها

العميل : يا سلام عليك

مهندس منسي : لأ ده أساسي شغلنا

العميل : طب كويس، طب لو عندك حاجات تانية زي مثلاً عندي كيس ممكن أبعتهولك مع الشخص اللي هياخد العينة، طبعاً بتقول لازم يبقى عندكم…

مهندس منسي : ما هو بص صلي على النبي، هو القضية في إيه؟ لو مش عندنا يبقى خلاص إحنا كده نقفل ونمشي

العميل : ليه كده بس يا بيه؟

مهندس منسي : الألومنيات بالذات إحنا مبدعين فيها

العميل : برافو عليك

مهندس منسي : فده أساسي شغلنا، يعني حضرتك مثلاً بتروح دي عندك، لأ مش عندي، طيب خد ووفرهالي، بس، لازم نوفرها، لازم

العميل : يا سيدي هقولك حاجة، أبعتلك حد بالعينة بكرة

مهندس منسي : إن شاء الله

العميل : وخد وفرهالي، يا ريت، إنت تاخدها قيس اللي عندي دي كام ميكرون وجيب زيها

مهندس منسي : مافيش مشكلة، ماشي

العميل : كلام مضبوط ولا مش مضبوط، مافيش مشكلة

مهندس منسي : إن شاء الله

العميل : طب خلاص هبعتلك حد بيها بكرة إن شاء الله، حاجة تانية هل إنت بتشتغل ألومنيات بس ولا لو عندي حاجة زي الشفاف تي…. أنا مش عارف أنا هبتعهالك عايز تشوفلهالي برده معاك

مهندس منسي : كل خامات التعبئة والتغليف، ومكن التعبئة والتغليف كمان

العميل : خلاص أنا هبعتلك حد بالعينتين، كيس من ده، ورول من ده

مهندس منسي : إن شاء الله

العميل : إنت بتعمل أكياس ولا بتعمل رولات؟

مهندس منسي : الـ 2

العميل : كمان، يعني عايز المادة اللي بكلملك عليها أكياس تقصهالي كمان، مافيش مشكلة

مهندس منسي : إن شاء الله

العميل : توكلنا على الله، بكره هبعتلك حد على المكتب، أبعتلك في المكتب بتاع باب الشعرية

مهندس منسي : مافيش مشكلة

العميل : شكراً يا بيه

مهندس منسي : مع السلامة