العبوات البلاستيك من شركه المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: مصنع المنسي يا فندم

المهندس منسي: أيوه

العميل: لو سمحت كنت عايز أسأل على الكيس اللي هوه 3 طبقات ده، كنت عايز أعرف سعره كام

المهندس منسي: كيس إيه؟؟؟

العميل: العبوات اللي….. أنا شفت عبوة مثلاً كنت عايز أسأل على سعر الكيس اللي هوه 3 طبقات ده

المهندس منسي:ألومنيوم على….

العميل: آه ألومنيا أنا بستورد حاجات هجيبها من بره، بس مستورد عبوات كبيرة، فكنت عايز أعبيها في عبوات أصغر شوية

المهندس منسي:هوه حضرتك عايز المقاس بتاعك عايزه أد إيه؟

العميل: هوه المقاس اللي أنا عاوزه لو في 15 × 15 مثلاً، أو 15 × 20 ماشي

المهندس منسي: آه ده هيبقى عامل

العميل: اللي هوه 3 طبقات

المهندس منسي: آه.. بولي إستر على ألومنيوم سيل على بولي إيثيلين

العميل: تمام.. طب آجي لحضرتك أفضل وأشوف العبوات وأشوف الحاجة يبقى أفضل، بس أنا من الشرقية بس

المهندس منسي: هتيجي هتاخد بضاعتك وإنت ماشي

العميل: طيب أستأذن ساعدتك برده بالنسبة في العبوات البلاستيك أنا هعبي حاجة سايلة نفس الوضع، العبوة اللتر

المهندس منسي: هتشوف بقى المبيعات إيه العبوات المتاحة وكده بناء على وزنها وبناء على حجم بنحدد السعر

العميل: طب لو أنا عاوز أعمل اسطمبة، لو عايز أعمل عبوة ليا أنا خاصة، في عبوة عاجباني وعايز أعمل عبوة ليا أنا يعني

المهندس منسي: ده أساسي في شغلنا

العميل: طيب خلاص توكلنا على الله، طب حضرتك أدخلك منين في باب الشعرية، يعني أنا عارف الوصفه لباب الشعرية بس ما أعرفش أوصل هناك

المهندس منسي: هبعتلك العنوان في رسالة حالاً

العميل: العنوان على الموقع، ما العنوان معايا… ماشي مافيش مشكلة أنا هتصرف وآجي لحضرتك، ماشي يا فندم شكراً.. شكراً