العبوات البلاستيك بي اي تي من شركة المهندس منسي

 العميل: سلام عليكم

المهندس منسي: عليكم السلام ورحمة الله وبركاته

العميل: إم تو باك

المهندس منسي: أيوه

العميل: مع حضرتك وليد من شركة سيما

المهندس منسي: أهلاً بيك

العميل: أهلاً وسهلاً بحضرتك..حضرتك شغالين في العبوات البلاستيك والـ بي في سي وكده؟

المهندس منسي: الـ بي في سي ولا الـ بي إي تي؟

العميل: أنا محتاج الـ 2

المهندس منسي: آه.. الـ بي إي تي إحنا بنورد المكن بتاعها وبنورد الاسطمبات، ولو عندك طلبية كبيرة بنمسكها من الإيه تو زد

العميل: تمام.. يعني إحنا دلوقتي المنتج بتاعنا مصاصة، فإحنا كنا بندورله على برطمان بي في سي يتحط فيه بحيث إنه يشيل 50 مصاصة

آه…
العميل: هنحتاج مثلاً من 30 ـ 40 ألف في الشهر عبوة

المهندس منسي: ده إحنا ممكن نشغلكم خط يعني نجهزلكم خط ليكم

العميل: تمام..

المهندس منسي: بس بيبقى في تعاقد وكده

العميل: مافيش مشاكل

المهندس منسي: آه.. وشرط جزائي

العميل: هوه إحنا محتاجين إحنا في عندك اسطمبات جاهز حالياً بحيث إن أنا آخد عينات

المهندس منسي: آه في اسطمبات جاهزة آه… إنما كأجربهالك وأطلع لك عينات عليها يعني؟

العميل: لا مش قصدي كده، إنما إنت الأول بتعمل اسطمبة

المهندس منسي: عندي آه، ما هوه إحنا بنعمل إحنا أوقات بنخش عمليات مناقصات بنخشها بس دي بنبقى مجهزينها ما يبقاش الطلب سريع زي عندكم كده، يعني الطلب عندكم كده سريع

العميل: يعني عندكم المصنع بتاعكم ولا حضرتك بتورد مكن بس؟

العميل: إحنا عندنا 12 مصنع واقفين من غير شغل

المهندس منسي: تمام…

العميل: طب أقدر دلوقتي لو عايزين نشوف كام عينة من عندك

المهندس منسي: ما هوه دلوقتي أنا أقدر أوريهالك اسطمبات

العميل: آه.. حاجات جاهزة إنت عاملها قبل كده يعني

المهندس منسي: آه.. آه.. لأن أنا أوردي ببيع اسطمبات، ببيع مكن وببيع اسطمبات، بص صلي على النبي، إحنا بنورد المكن، وبنورد الاسطمبات، وبنصنع العبوات، بس بنخش في العمليات الكبيرة بس

العميل: تمام…

فهمتني حضرتك

العميل: آه.. أنا دلوقتي محتاج أشوف عينة من البرطمانات الـ بي في سي.. تمام…

المهندس منسي: بي إي تي.. بي إي تي، الـ بي في سي خلاص ما عدش… خلاص دلوقتي خلاص بقى كله بي إي تي

العميل: ما عندكش بي في سي؟

المهندس منسي: لا معنديش عندي بي إي تي بس

العميل: طيب عندك عينات من….

المهندس منسي: اتأكد بس من اسم الخامة، أنا لو عندي عينة هقدر أوردلك على الأقل بعد 45 يوم، مش هقدر أطلعلك عينة، أقدر أطلعلك اسطمبات، ممكن أصورلك الاسطمبات وأبعتلك صورها

العميل: خلاص مافيش مشاكل، طب ممكن تبعتلي صورها طيب؟

المهندس منسي: الرقم ده عليها واتس؟

العميل: آه عليه

المهندس منسي: طيب ماشي، هوه هيتواصل معاك حد من المبيعات، اسمه المهندس حمادة هوه اللي هيتابع مع حضرتك

العميل: مافيش مشاكل

المهندس منسي: ماشي مع السلامة

العميل: متشكر جداً