ماكينات تعبئة سوائل ديسك توب من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: مين باش مهندس منسي

المهندس منسى: أيوه

العميل: أهلاً بيك

المهندس منسى: أهلاً وسهلاً

العميل: مع حضرتك مهندس مجدي راغب شركة مينا مارك

المهندس منسى: أهلاً بيك

العميل: أهلاً بحضرتك، أنا بكملك من القاهرة من الإدارة في ميدان هليوبوليس في مصر الجديدة، تمام

المهندس منسى: آه

العميل: إحنا عندنا فندقنا في الغردقة ملكنا، شركة مينا مارك إحنا

المهندس منسى: أهلاً وسهلاً

العميل: أهلاً بيك، باش مهندس منسي إحنا في بنستخدم، طبعاً حضرتك عارف الفندق الشامبو والشاور جيل

المهندس منسى: آه…

العميل: الناس إحنا بقالنا حوالي 15 سنة في السوق فالناس ابتدت دلوقتي تغلي علينا

المهندس منسى: آه

العميل: فإحنا عايزين نعلمها ذاتي

المهندس منسى: مش مشكلة ماشي

العميل: طيب يعني هل في عبوات بلاستيك عند حضرتك أو بالنسبة لمكن تعبئة واخد بال حضرتك حاجة سمبل خالص حتى لو تكون هاند ميد، يعني حاجة لوكل

المهندس منسى: عندنا آه حاجات منزلية كده

العميل: منزلية تقدر تعملها…،طب لما آجي أتشرف بحضرتك هتقولي معدلاتها إيه لأن أنا بستخدم في الفندق مع الإشغال بيبقى بتزيد شويه

المهندس منسى: يعني مثلاً الإنتاجية المطلوبة أد إيه؟

العميل: الإنتاجية المطلوبة.. أنا بقدم نوعين، يعني القوضة بنحط فيها الصبح إزازة شامبو صغيرة وإزازة شاور جيل بس

المهندس منسى: آه…

العميل: يعني حسبة 20 جرام الواحدة

المهندس منسى: العدد النهائي أد إيه

العميل: الأعداد… الأعداد، يعني أنا كل شيوة يطلبوا مني مثلاً 5000 جوز يعني 10000 إزازة كل شهر والتاني 10 آلاف 10 آلاف

المهندس منسى: آه إنت مش محتاج مكن كبير إنت محتاج مكن بسيط جداً جداً جداً للغاية

العميل: يا ريت يا ريت لو في حاجة موجودة وعملية…

المهندس منسى: في مكنة عندنا اسمها ديسك توب ماركة المهندس منسي رقمها عندنا 451،ديت هتقضيلك الغرض، الكمية كلها هتخلصها في يوم

العميل: ياه ماركة المهندس منسي، تمام.. تمام.. تمام يا باش مهندس طيب مواعيدكم إيه مثلاً، إحنا هنا عنوان شركتنا 21 شارع محمد جمعة متفرع من عبد الغفار السليم جنب جامع الفتح

المهندس منسى: آه…

العميل: تمام… فلازم أشوفها على الطبيعة ولو فيه عبوات بلاستيك هل ممكن، لأن أنا عايز أعملها ذاتي

المهندس منسى: آه…

العميل: فيها صعوبة يا باش مهندس، ولا ممكن فعلاً

المهندس منسى: أسهل منها ما في

العميل: يا رب يخليك، يا رب يخليك، تعيش.. تعيش، طيب ميعاد إمتى يناسب حضرتك

المهندس منسى: أنا هبعتلك دلوقتي العنوان هتلاقي فيه تليفون المبيعات كلمهم بقى وتعامل معاهم

مع بتوع المبيعات

العميل: ليه… ليه… أنا عايز أشوف …

المهندس منسى: آه هتشوف كل حاجة.. هتشوف كل حاجة، إحنا عندنا ناس متربية وناس محترمة قوي ما تقلقش يعني، مش مبيعات اللي همه بيقابلوك يقلولك إنت كسبت الجايزة، لا ده ناس مبيعات في شركة محترمة

العميل: أنا عارف… أنا عارف يا باش مهندس منسي، حضرتك من الصعيد ولا إيه؟

المهندس منسى: لأ أساساً أنا من ميت غمر أساساً

العميل: آه تمام.. تمام.. ماشي أنا من القاهرة بقى، بس على فكرة أنا عجزت أنا عندي 60 سنة

المهندس منسى: آه… حمد الله على السلامة

العميل: تعيش.. تعيش، وأصلاً مهندس مع سامي سعد وبعدين مع أوراسكوم وبعدين هنا مع المينا مارك

المهندس منسى: أهلاً وسهلاً

العميل: يعني بعد الـ 60 بعد أوراسكوم كان آخر 17 سنة هناك

المهندس منسى: آه… هوه الفندق بتاعكم بقى فين؟

العميل: في الغردقة بس التعاقدات والتعاملات معانا هنا في الإدارة

المهندس منسى: آه.. أهلاً وسهلاً

العميل: يعني أنا هنا مينا مارك، والفندق هناك اسمه مينا مارك برده، بس التعاقدات عندنا هنا، وطبعاً هتفيدني في الخامة بتاعت الشاور جيل والشامبو أجيبها إزاي، ماشي ولا صعب

المهندس منسى: لا همه هيقلولك جنبنا في شارع الجيش ورانا على طول في الحاجات دي

العميل: آه صح.. صح ما هوه الجيش قالولي على شركة وتقريباً بس أنا عايز ناس زي كده حضرتك يفيدونا بأمانة

المهندس منسى: إن شاء الله

العميل: ماشي

المهندس منسى: ماشي يا باشا

العميل: طيب هاخد تليفونهم ولا…

المهندس منسى: هبعتهولك حالاً

العميل: أنا هكلم مدير المبيعات على طول

المهندس منسى: ماشي…

العميل: ماشي مرسي، ومين هوه مدير المبيعات

المهندس منسى: لأ مش مدير مبيعات، كلهم مبيعات مافيش ليهم مدير يعني

العميل: طيب ماشي أوكيه، ماشي مرسي يا باش مهندس

المهندس منسى: العفو

العميل: شكراً… ماشي أوكيه شكراً، هعمل ميزد على حضرتك حالاً

المهندس منسى: شكراً.. سلام.. سلام

العميل: يا باش مهندس منسي

المهندس منسى: أيوه يا غالي

العميل: أهوه معاك المهندس مجدي راغب دي نمرتي الخاصة

المهندس منسى: ماشي هوه إنتو فندق اسمه فندق إيه؟

العميل: مينا مارك في الغردقة بس التعاقدات معايا هنا محدش له حاجة هناك

المهندس منسى: ماشي يا غالي

العميل: بقولك يا باش مهندس منسي، المعدة دي وردتها للأديرة؟ الأديرة خدوا منها ولا حاجة

المهندس منسى: بص إحنا اللي بياخدوا منا كتير جداً، فأنا مش هقعد أحفظ مين اللي بياخدها، صعب لما تلاقيه واحد حبوب زي سعادتك كده يقعد يقول إحنا شركة كذا وإحنا كذا، يعني كل واحد بيقول أنا عايز مكنة كذا، ما بيقولش أنا مين

العميل: آه.. آه.. تمام..

المهندس منسى: الناس العشريين كده قليلين يعني

العميل: ماشي.. أنا فاهم حضرتك تفيدني وكل حاجة

المهندس منسى: آه..

العميل: ماشي لحد ما أتممها وأعملها ذاتي

المهندس منسى: يا الله ربنا يعنيك يا رب، ربنا يفوقك

العميل: مرسي ألف شكر يا باش مهندس، ألف شكر

المهندس منسى: مع السلامة

العميل: شكراً سلام.. سلام