ماكينة تعبئة عبوات السوائل 50 ملي من شركة المهندس منسي
العميل : السلام عليكم
مهندس منسي : وعليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : مع حضرتك رشا
مهندس منسي : أهلاً بيكي
العميل : أهلاً بحضرتك
مهندس منسي : إزيك
العميل : الحمد لله كويسة، عايزه أسأل حضرتك على مكن تعبئة العبوات الصغيرة اللي هي 50 مللي
مهندس منسي : آه موجودة هتعبيها إيه؟
العميل : بوهيه، باستخدمها في الألوان وحاجات كده
مهندس منسي : آه موجودة آه
العميل : دي إيه صناعتها إيه؟
مهندس منسي : دي ماركة براند
العميل : اسمها إيه؟
مهندس منسي : ماركة المهندس منسي
العميل : ده صناعة مصرية يعني ولا إيه؟
مهندس منسي : لا المفكر والديزاير مصري، يعني اللي فكر واللي عمل التفكير والديزاين والتصميم مصري، ولكن عشان المصريين مش عايزين يشتغلوا فاضطرنا نصنع قطع الغيار بره ونجمعها تاني
العميل : آه فهمت يعني قطع الغيار متصنعة بره في الصين لو يكن وتيجي تتجمع هنا في مصر
مهندس منسي : وفي هونج كونج، اليابان، في الصين.. أياً كان البلد ولكن المسئولية هنا مسئولية شركة المهندس منسي
العميل : طب هي بكام؟
مهندس منسي :
العميل : طيب والضمان أد إيه؟
مهندس منسي : لمدة سنة ضد عيوب الصناعة و10 سنين توفير قطع الغيار لحساب العميل
العميل : 10 سنين توفير قطع الغيار
مهندس منسي : 5 سنين
العميل : وسنة شاملة أي حاجة صح كده؟
مهندس منسي : آه ضمان ضد عيوب الصناعة، يعني جيتي تشغليها هوب ما اشتغلتش
العميل : آه…
مهندس منسي : بس ده اللي هتتأكده منه إن إحنا مكنا بنعمل عليه تست وورك وبنأكد عليه جامد قوي
العميل : طيب تمام.. حضرتك عارف إحنا مصنع دهانات هنعبي فيها بوية ودهانات صغيرة 50 مللي
مهندس منسي : آه كويس
العميل : طيب أوكيه، طيب أنا هرجع لحضرتك تاني يا باش مهندس، شكراً لحضرتك
مهندس منسي : ماشي مع السلامة
العميل : هوه حضرتك موجود فين؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : طيب خلاص هرجع لحضرتك وأشوف المكان المناسب لينا أو حضرتك بتوصل للمكان بتاعنا مش كده؟
مهندس منسي : لأ
العميل : إحنا اللي بنيجي ناخدها منك؟
مهندس منسي : أنتم بتيجوا تدفعوا فلوسها لو عايزين أي شركة نقل نكلفها لكم تطلع معاكم
العميل : طيب أوكيه أنا هرجع لحضرتك بكره بإذن الله
مهندس منسي : ماشي مع السلامة
العميل : شكراً ليك مع السلامة
