ماكينة تعبئة شامبو ومستحضرات التجميل فى اكياس من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: أنا كنت شفت على الإنترنت الموقع عندكم الماكينات الخاصة بالتعبئة والتغليف

المهندس منسى: آه

العميل: مين معايا

المهندس منسى: المهندس منسي معاك

العميل: باش مهندس إزي حضرتك، أنا عندي عارف حضرتك الشامبو الأكياس

المهندس منسى: آه

العميل: أنا عندي منتج شامبو فأنا عايز مكنة تعبي الشامبو وما أعرفش في إمكانية إنها تعمله شامبو زي مثلاً زي بانتين كيس متواصل بس ما بتقطعش كله أكياس ولا بتعمل…

المهندس منسى: آه فيه آه.. سلسلة قصدك

العميل: آه بالضبط، متاحة المكنة دي؟

المهندس منسى: إن شاء الله

العميل: ده صيني ولا منتج نوعه إيه؟

المهندس منسى: إحنا ماركة، براند، يعني إحنا بنصنع قطع الغيار بره مصر وبنجمعها بتبقى مكنة محترمة قوي، بضمان إن إحنا فاهمين المكنة

العميل: يعني لسه هتجيبهالي ولا موجودة..

المهندس منسى: لا موجودة بضاعة حاضرة

العميل: طيب قشطة، الدنيا أسعارها إيه؟

المهندس منسى: سعرها

العميل: طب ما تسيبنا من ال خالص وخالينا في المصري

المهندس منسى: ما هو المشكلة إن…

العميل: أصل ال النهاردة بسعر بكرة بسعر..

المهندس منسى: لأ هوه ال اللي بسعر ولا المصري اللي بسعر؟

العميل: ال ما هو بالنسبة لنا إحنا ال اللي بيتغير مش الجنيه المصري، الجنيه المصري زي ما هوه، كل يوم بيقع

المهندس منسى: لا هوه ال ثابت إنما الجنيه المصري هوه اللي بتغير عشان كده بنسمي بال إنما بناخد بالجنيه المصري عادي

العميل: ماشي أوكيه إنت قلت كام؟

المهندس منسى:

العميل: 4500 × 18 حالياً، خلاص خلي الحساب ده، طيب أدوات التغليف نفسها إنت بتتعامل مع حد أو شفت على الواتس آب عندك إنت في تغليف عندك كمان، عندك حاجات للتغليف صح كده، عندكم حاجات للتغليف ولا…

المهندس منسى: آه عندنا آه

العميل: طيب يا باشا، أنا أولاً نصر رشدي معاك من شركة لاجوش لمستحضرات التجميل، إحنا شركة جديدة عندنا المنتج بتاعنا شامبو وبلسم وكده اسمه لولي، ده منتج جديد، بس الفكرة إحنا قلنا نخش على عملية الأكياس، وعاملين حاجة تانية خاصة بنوع معين من الأكياس كده يبقى حجمه مش صغير قوي، حجمه مثلاً حوالي 200 مللي

المهندس منسى: آه

العميل: أظن إحنا طبعاً نقدر نتحكم في الحجم نفسه؟

المهندس منسى: أكيد

العميل: طيب قشطة، طب عنوان سيادتك فين يا فندم؟

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر

العميل: مدينة نصر فين طيب؟

المهندس منسى: في مكرم عبيد، هبعتلك أنا العنوان في رسالة حالاً

العميل: إحنا في شارع محمد فريـد متفرع من فريـد سميكة

المهندس منسى: آه أهلاً وسهلاً

العميل: يا باشا باش مهندس منسي أنا هديك تليفون تاني إذا كان كده هنجيب الأونر ونيجي نقعد مع سيادتك ونشوف القصة…

المهندس منسى: أنا مش موجود هناك، حضرتك هتروح هناك في مدير فرع هناك

العميل: طيب لو كان كده بقى ابعتلي ماسيج برقمه أتابع معاه لو حضرتك اللي هتبقى موجود يشرفني إني أتعرف بحضرتك

المهندس منسى: الله يبارك لك ده شرف ليا، ولكن هو أنا سايب المبيعات، يعني أنا استشاري بس

العميل: ربنا يحميك ويديك الصحة يا باشا، ربنا يكرمك،خلاص يا باشا ابعتلي رقمه في رسالة وأنا هتواصل معاه وإذا كان كده أروحله على بكرة ولا حاجة نقعد معاه سيادتك

المهندس منسى: إن شاء الله

العميل: خلاص يا باشا، شكراً ليك يا باش مهندس

المهندس منسى: مع السلامة

العميل: السلام عليكم