أفضل خامات البولي إيثلين من شركة مهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس

مهندس منسي : أهلاً بيك مين

العميل : معاك محمد نجاح من شركة أكتوبر لحديد الخراطيم

مهندس منسي : أهلاً بيك

العميل : أهلاً بيك، معلش أنا استفسار صغير كده أنا كنت شفت تقرير لحضرتك على النت بالنسبة للبولي إيثيلين وأنواعه

مهندس منسي : آه..

العميل : عايز أضيف واكس للبولي إيثيلين عندي عشان أديله لمعة، الواكس ده ممكن أجيبه منين، وأضيفه نسبته أد إيه؟

مهندس منسي : هوه عملية اللمعة بتيجي بالتبريد مش… آه طبقة واكس آه، ممكن تحط طبقة واكس ولكن هوه عملية التبريد نفسها ده اللي بتتحكم فيه عشان تديله الواكس

العميل : خرطوم سحب، خرطوم ري

مهندس منسي : ما هو أنا عارفه آه، ما هو أنا فاهم، في عدد من العوامل، في عامل التبريد إن هوه إنت بتبرد مفاجئ يعني وبسرعة فده بيمنع يعني إنت لو بردت تبريد هوا بدل المياه أعتقد إنه هيجيب معاك نتائج أعلى

العميل : في تبريد هوا بدل المياه في خرطوم السحب

مهندس منسي : آه.. آه..

العميل : يتم إزاي ده؟

مهندس منسي : لأ يتم إزاي ده أنا هبحث عليها

العميل : آه.. طيب ماشي أوكيه، والعامل التاني؟

مهندس منسي : إنك تحط زيت الـ دي أوه بي أو زيت الخروع أو…

العميل : درافيل

مهندس منسي : ممكن زيت الدرافيل، وممكن زيت الخروع، وممكن زيت الـ دي أوه بي

العميل : كل ده أضيفه على المادة الخامة، عشان أنا شغال ريسايكل مش شغال بيور

مهندس منسي : ما هو ده بقى هيبقى صعب جداً عملية اللمعة فيه

العميل : طيب وإيه تاني

مهندس منسي : عشان في دارك أوردي في الخامة، فإزاي هتطلع لمعة من الدارك؟

العميل : إحنا بنشتغل ريسايكل درجة أولى مش تانية

مهندس منسي : هوه الريسايكل ريسايكل حتى لو كان إيه، لأنه اتحرق مرتين 3، ما…. حطله دي أوه بي، وحطله واكس وحطله خزان أويل

مهندس منسي : خزان أويل واكس

العميل : طب الواكس أجيبه منين؟

مهندس منسي : لو أعرف صدقني كنت قلتلك لوحدي، في دليل تليفونات اسمه دليل فون مصر، ممكن تخش عليه وتدور عليه

العميل : فور مصر؟

مهندس منسي : فون مصر

العميل : طيب ماشي أوكيه، شكراً يا باش مهندس، أنا آسف لإزعاج حضرتك

مهندس منسي : ولا يهمك يا غالي، مع السلامة

العميل : مع السلامة