أفضل واحدث ماكينات التعبئة والتغليف من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : إزيك يا هندسة

مهندس منسي : أهلاً بيك

العميل : معاك فارس يا هندسة بتاع السبتية ، بتاع الاستلس

مهندس منسي : أهلاً بيك

العميل : أهلاً بحضرتك، والله يا هندسة في استفسار كده كنت عايز أسأل حضرتك عليه

مهندس منسي : اتفضل

العميل : دلوقتي داخلين بندرس مشروع خط إنتاج عايزين نعمل الأطباق اللي هي الفوم، الفل ديت أو كرتون البيض

مهندس منسي : آه

العميل : فخط إنتاج أنهي فيهم اللي عند حضرتك؟

مهندس منسي : والله أنا تخصصي مكن تعبئة وتغليف

العميل : تعبئة وتغليف بس

مهندس منسي : عملية المعدات الصناعية ده عن طريق مكتبنا اللي في الصين، يعني حضرتك بتراسل مكتبنا اللي في الصين وهمه بيراسلوك، إنما أنا هنا في مصر تعبئة وتغليف بس

العميل : طب اسم المصنع إيه حضرتك الإيميل؟

مهندس منسي : هو نفس الإيميل بتاع الشركة، بيفرودوه على بره

العميل : يعني أنا لما أراسل الشركة هناك عند حضرتك، ولا عند حضرتك؟

مهندس منسي : هوه أردي بتراسل الشركة عندنا، أوردي لما يكون الطلب مش تبع الشركة هنا فبيتحول لوحده يخش على شركتنا اللي في الصين

العميل : لكن عندنا هنا في مصر العجواني والناس دي ما عندهاش خطوط إنتاج صح؟

مهندس منسي : لأ دول آلات ورش

العميل : أنا زميل حضرتك برده هنا في السبتية بتاع استالس

مهندس منسي : آه أهلاً بحضرتك، هي شركة إيه معايا؟

العميل : عامر رضوان

مهندس منسي : هوه إنت تعرف عامر رضوان

العميل : آه طبعاً

مهندس منسي : سمعت عنه إن هوه أفضل واحد في المواعيد بتاعته في التقطيع بالليزر صح كده؟

العميل : آه مضبوط

مهندس منسي : أصل أنا في حاجات بنعملها هنا في مصر بالليزر، اللي هوه الاستركشن بتاع المكن، يعني إحنا ما بنصنعش مكنا كله في الصين، إحنا بنصنع على الأقل ₄/³ في الصين والـ ₄/¹ هنا

العميل : طب تعرف تفيدني أنا عايز أجيب خط إنتاج يا إما مستعمل يا إما جديد، المشروع ده هعمله عندي هناك…

مهندس منسي : نصيحتي ليك تصبر الأيام دي لأنه قفزة ال القفزة الصعبة ديت خلت كلمة مشاريع صناعية ديت اللي هي إنت كده في المشاريع الصناعية الميدل، اللي هي الوسط، فالميدل ده كله واقف، فأنا لو قلتلك نبذة كده عن الأسعار إنت هتزعل مني وتتسد نفسك عن المشروع وهتقف…

العميل : لا والله على العكس، أنا بعمل دراسة جدوى إذا كان ممكن أبدأ دلوقتي ولا أصبر شويه

مهندس منسي : سيبها تتدور شويه لأن السعر عبال ما نبدأ نقبله على الأقل بياخد سنة، يعني النهاردة لما كنا بنتكلم في بـ 7 جنيه السنة اللي فاتت السنة دي بـ 18، فالنهاردة لما هتسمع أي سعر بالنسبة لك غير مقبول

العميل : طب حضرتك ما تعرفش تفيدني خط الإنتاج ده مثلاً يتكلف كام؟

مهندس منسي : لا أقدر أفيدك يعمله في حدود 17، فده طبعاً النهاردة مبلغ مغالى فيه بالنسبة لسعر ال عندنا في مصر

العميل : آه

مهندس منسي : أما لو إنت دلوقتي في السعودية أو في أي دولة ما تأثرتش بال بالنسبة لك الموضوع إلى حد ما عادي، أما هنا في مصر لما تيجي تجمعها تقول 3.5 مليون، هتقول لا ده كلام كبير قوي

العميل : آه طبعاً، خط إنتاج يعمله 175

مهندس منسي : أنا بقولك أروند الأسعار يعني، فالنهاردة إحنا وقفنا خالص الردود على المعدات الصناعية، بنبيع بس ماكينات التعبئة والتغليف اللي هي إنتاجنا، لأن إحنا عملنا 40 مكنة ماركتنا إحنا

العميل : قوية يا فندم بتوع حضرتك

مهندس منسي : فالـ 40 مكنة دول الحمد لله تفوقنا فيهم، فعايزين نخفض السعر شويه فاضطرنا نعمل الاستركشن هنا لأنه دلوقتي إنت بتتكلم في كيلو الحديد بنص

العميل : طب حضرتك تتوقع خط إنتاج اللي هوه التغليف بيعمل كام؟

مهندس منسي : بص هوه لو إنت لسه ما اخترتش مشروعك، أنا عندي مشاريع بكر وناجحة

العميل : ربك والحق أنا هعمله في المنوفية لأنه أنا وابن خالتي شريك فيه، عشان الموضوع…

مهندس منسي : يعني إنت عندك أهلك مثلاً اللي إنت نشأت في وسطهم عايز تعملهم مشروع بحيث إنك تشغلهم زي حلاتي كده

العميل : بالضبط

مهندس منسي : يعني الشجرة لو ما تظلش على أهلها تستاهل قطعها

العميل : أنا شغال في الاستالس دي تخصصي أنا

مهندس منسي : أنا هسجل الرقم ده، بنحتاج ستالس عشان خاطر…

العميل : فارس السبتية، أو فارس البرعي اللي حضرتك عايز تكتبه

مهندس منسي : اسم حضرتك ولا اسم المحل

العميل : اسمي أنا فارس، اسم الشركة الستالستيل

مهندس منسي : أهلاً بيك، دايماً بنحتاج الاستالس 304، 3016

العميل : الـ 2 موجودين، و201 برده موجود، كله موجود

مهندس منسي : إن شاء الله، إن شاء الله هيبقى في بينا وبين بعض اتصال، على العموم المشاريع اللي ممكن تعملها في مشروع العبوات، مشروع….

العميل : ربك والحق إنت عارف هناك في المنوفية اللي هوه كراتين البيض والحاجات ديت، الأطباق الفيل هي اللي ماشية هناك

مهندس منسي : يا حبيب قلبي ماشي، إنت ما تروحش تحط رجلك بين الرجول، إنت إطلع بالجديد، افهمني

العميل : أيوه القصد إن هناك في كذا مورد ياخد مني إخواتي

مهندس منسي : تسويق…

العميل : تسويق آه

مهندس منسي : تيجي نعمل حركة كويسة، تيجي نبدأ مع بعض نص أتوماتيك أو يدوي

العميل : بالنسبة للفل ولا..

مهندس منسي : الـ 2، عندي استطاعة إن أنا أعملهم نص أتوماتيك، واخد بال حضرتك، طب لما نعمل الحاجة ديت نص أتوماتيك، طب الدنيا بعد كده لما تيجي نبدأ نخليها أتوماتيك كاملة، طالما إن إحنا مش عارفين نعملها أتوماتيك كاملة؟

العميل : هوه ربك والحق أنا مش هكدب عليك لقيت كان في خط إنتاج كان في طنطا بس ما عجبنيش طريقة التعامل معاهم، أو الكلام مش عاجبني

مهندس منسي : آه

العميل : أنا موجود في السبتية ومولود في السبتية، معلش كل الموردين جنبنا، كل المستوردين يعتبروا جنبنا، إيه اللي يخليني أتعامل مع واحد أنا ما أعرفوش

مهندس منسي : ما هو عملية ما أعرفوش بالنسبة لي… ما هو أنا كل اللي بتعامل معاهم ما أعرفهمش

العميل : لأ مش القصد، أنا لما أتعامل مع مستورد أو شركة موجودة عندي دي مضمون، عن مصدر أنا مش عارفه

مهندس منسي : مضبوط آه، طب بص حضرتك في حل تاني، إنت ممكن تقعد على الإنترنت وهتبقى إنت المستورد، إنت اللي هستورد حاجتك، وأنا هأمنلك العملية دي، إحنا عندنا تأمين العملية، أولاً التأمين المادي، يعني إنت دلوقتي إنت المستورد، وأنا اللي هجيبلك الحاجة دي من هناك وأنا اللي مسئول عنها، فباخد منك 5% مقابل إن أنا أجيبها، قلتلي يا باش مهندس منسي أنا ما بعرفش في الهندسة والصناعة، عايزك كمان تشرفلي هندسياً على الحاجة دي

العميل : تمام

مهندس منسي : باخد منك كمان 5% أوردي أنا عندي شركتين هناك

طب حضرتك يا باش مهندس…

مهندس منسي : إنت طبعاً ما تعرفش المهندس منسي لأن ممكن ما يكونش…

العميل : لأ هوه اسمك غني عن التعريف

مهندس منسي : الحمد لله…

مهندس منسي : ده أنا هقولك كمان اللي يشرفك ويشرف كل عربي، أنا رحت في معرض الصين الدولي اللي هوه كانتون فير اللي فات ده ونافسنا في الصين، يعني كنا بنافس الصينيين هناك

العميل : يعني حضرتك تعرف بقى صاحب الشركة الصينية اللي هوه في ….

مهندس منسي : لأ بص إن أنا أعرف الشركات كلها ده يبقى من درب المستحيل، مهندس منسي : لأنه صعب لأنه أنا منافس هناك…

العميل : لأ مش القصد، القصد كان بيتعامل معانا، بيتعامل معايا يعني

مهندس منسي : إنت عارف حضرتك، أنا مش بروح أجيب مكن من الصين وتاني جاي أسترزق فيه، لأ، ده أنا بصنع هناك قطع غيار وأجمعها وببيع في قلب الصين

العميل : تمام…

مهندس منسي : يعني فاتح شركة في قلب الصين

العميل : طب أستأذن حضرتك يا باش مهندس، بالنسبة حضرتك ما تقدرش تعملنا دراسة مثلاً مشروع تقولي خط الإنتاج ده يعمل كام اللي هوه بيطلع في الساعة 6000 حاجة زي كده؟

مهندس منسي : ممكن أحسبها لك من العين دي قبل العين دي، ممكن تبعتلي طلب استفسار على الإيميل أو هديلك تليفون تكلمهم، حد من الناس المراسلات هناك يضبطلك العملية لو إنت ما لكش في الإيميل يعني

العميل : لا عادي حضرتك اللي متاح

مهندس منسي : هوه الأفضل إنك تبعت إيميل دايركت

العميل : خلاص على نفس الشركة إم تو باك؟

مهندس منسي : لأ إم تو باك ….

مهندس منسي : أنا هبعتلك الإيميل دلوقتي في رسالة حالاً

العميل : طب أستأذنك على 011

مهندس منسي : طب رن عليا منه

العميل : هرن على حضرتك دلوقتي من رقم 011

مهندس منسي : ماشي يا غالي

العميل : حالاً دلوقتي يا باش مهندس

مهندس منسي : مع السلامة

العميل : متشكر جداً لحضرتك، وهاجي برده أقعد مع حضرتك بإذن الله

مهندس منسي : تيجي تنورني

العميل : يا باشا متشكر جداً لذوق حضرتك

مهندس منسي : مع السلامة

العميل : السلام عليكم

مهندس منسي : عليكم السلام ورحمة الله وبركاته