أكياس الومنيوم لتغليف القهوة من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت إنت تبيع الأكياس هادي الألومنيوم تبع تغليف القهوة؟
المهندس منسي: أيوه بنصنعها آه
العميل: تطبعوا عليها؟
المهندس منسي: آه بنطبع آه
العميل: بكام.. طيب في كميات ترويجية، يعني كميات للتجربة؟
المهندس منسي: آه أقل كمية ربع طن
العميل: ربع طن هاده بكام؟
المهندس منسي: دي حضرتك بقى براسلي الشركة، تبعتي لهم عدد الألوان، والخامة اللي إنتي عايزه زيها، وشويه…
العميل: طيب أنا مبتدئة جديدة أبي اكياس قهوة، أنا من المملكة من المدينة، إنتم فين مقركم؟
المهندس منسي: في القاهرة
العميل: أيوه طيب، أنا أبغى العبوات اللي سعرها كويس بكام؟
المهندس منسي: ما هو مافيش حاجة اسمها عبوات سعرها كويس، الأكياس بالذات بتحتاج شويه مواصفات عشان نقدر نديلك سعر، أصلها مش حاجة محددة ولا حاجة ستاندر…. يعني لو قلتلي مكنة التعبئة بكام هقولك بكذا، إنما الأكياس بالذات ما تنفعش
العميل: آه طيب هي تعبئة القهوة كام سعرها؟ أنا ما أعرف
المهندس منسي: آه أنا برد عليكي أهوه، ابعتي طلب استفسار على الإيميل، ابعتي فيه المواصفات اللي إنتي عايزها، عايزه التكنيك أد إيه، الديزاين بتاعك كمان لازم تبعتي، عشان نعرف عدد الألوان اللي هتتحط أد إيه، الكمية بتاعتك أد إيه، الطول والعرض…
العميل: هوه لو واحد أبغى بس، مطبوع عليه اسم القهوة وهرسلكم الشكل النهائي
المهندس منسي: ابعتلنا كل حاجة وإن شاء الله هيردوا عليكي في أقرب وقت
العميل: ممكن تعطيني سعر تقريبي المبلغ؟
المهندس منسي: ما هو مبلغ لإيه؟ ما هو أنا لازم أعرف…
العميل: ماشي
المهندس منسي: ابعتي على الإيميل وهمه هيردوا عليكي خلال 48 ساعة… ماشي يا ست الكل
العميل: طيب الإيميل اللي موجود في…
المهندس منسي: آه هوه نفسه
العميل: طيب شكراً
