أكياس بقاعده لتعبئة الزيتون والمخللات من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: مصطفى عوض من المنصورة يا معالي الباشا
المهندس منسي: أهلاً بيك
العميل: شركة المنسي
المهندس منسي: أيوه
العميل: بقولك أنا عندي مصنع مخللات، وعاوز أعبي كيس مشابه لكيس عصير بست بالضبط بس أعبيه زيتون
المهندس منسي: آه
العميل: الكيس ده ليه قاعدة، فهل الأكياس دي متوفرة عندكم والمعدة اللي بتلحم الكيس ده متوفرة عندكم؟
المهندس منسي: نشوف بس شكل الكيس، ابعتلنا عينة منه
العميل: ما هو زي كيس البست الأصلي ليه قاعدة…
المهندس منسي: أنا عايز عينة ملموسة أقدر أشتغل عليها
العميل: أصل أنا دلوقتي المنصورة بيني وبنكم حوالي 130 كم… فأنا عشان أجيلك بكرة اليوم رايح، فأنا ممكن أبعت صورة الكيس لحضرتك لو مبدئياً ممكن تكون موجودة، أعطل نفسي بكرة وأجيلك بالعربية وأجيلك، نتكلم ونشوف ونتعاون بالضبط وبتاع، هوه ده الكلام
المهندس منسي: ماشي.. إن شاء الله
العميل: فممكن أوريلك الكيس وشكله لو هوه مبدئياً متوفر عند حضرتك والمعدة اللي بتلحمه متوفرة أعطل نفسي بكرة أجيلك
المهندس منسي: طالما في التعبئة والتغليف إن شاء الله لازم تكون عندنا، من غير ما أشوف…
العميل: خلاص آجي لحضرتك فين بكرة؟
المهندس منسي: إحنا عندنا حدائق القبة، مدينة نصر، باب الشعرية
العميل: يعني أقرب حاجة مثلاً من المؤسسة؟
المهندس منسي: آه… ما هو أنا بيني وبينك ما أعرفش، أعرف إن أنا أقولك عندنا حدائق القبة، مدينة نصر، باب الشعرية، 6 أكتوبر، إنت تختار الفرع اللي يناسبك
العميل: ماشي يا معالي الباشا، شكراً
المهندس منسي: مع السلامة
