أكياس بلاستيك لتعبئة الصابون السائل من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس منسي
المهندس منسى : أيوه
العميل : طب والنبي بنسأل على الأكياس اللي موجودة عندكم على السايد اللي هي بتشتغل لتعبئة الصابون السايل
المهندس منسى : آه
العميل : موجود منها يا فندم؟
المهندس منسى : إن شاء الله
العميل : مقاس كام؟
المهندس منسى : إنت اللي بتقول المقاس، إنت بتحدد مواصفاتك وإحنا بناء على المواصفات بنبدأ نقول دي سعرها هيبقى كذا
العميل : آه طب أنا عايز اللي هوه عارف أكياس الجيل اللي ليها بزبوز كده بلاستيك
المهندس منسى : آه ده حضرتك بتجيب كيس معاك عينة ملموسة…
العميل : أنا مش معايا عينة لأن أنا معملتش قبل كده
المهندس منسى : كده هيتعبنى شويه بس معلش، نبدأ نفصلك واحد وإنت قاعد، حضرتك شرفنا بالزيارة وإن شاء الله خير
العميل : ماشي يا ما أعرفش سعر الألف وأنا من هنا كده عشان أنا محتاج ألف مثلاً
المهندس منسى : ألف إيه؟
العميل : ألف كيس
المهندس منسى : لا مافيش الكلام ده، إحنا بنشتغل على المصانع
العميل : أمال أقل حاجة في الكمية كام؟
المهندس منسى : مش بنشتغل على الألف والـ 500 وكده
العميل : طب أنا والله شفت في السايد عندكم بطلعه ألف كيس عادي
المهندس منسى : لأ ده هوه مكتوب سعر الألف كذا، أقل كمية….
العميل : لاقيت واحد عامل معاكم شات بيتكلم في ألف كيس إدتوله
المهندس منسى : لأ هوه أنا…
العميل : ما هو إحنا مش عايزينه مطبوع عايزنه عادي خالص
المهندس منسى : سادة يعني؟
العميل : آه
المهندس منسى : آه ممكن بقى لو سادة ممكن لو حاجة موجودة بضاعة حاضرة، شرفنا بالزيارة وتعالى، بعدين يا راجل يا طيب ألف لو سعرهم مهما كان سعرهم، تعالى، هوه إنت مكانك فين؟
العميل : الجبل الأصفر
المهندس منسى : طب يا عم يعني مش من السعودية ولا من الخليج ولا حاجة، هتيجي على طول، اركب أي حاجة وتعالى
العميل : ماشي بس أنا جاي على ألف كيس، لو ألف كيس وهتدهملي أنا جاي
المهندس منسى : يا أخي تعالى أقعد معاك ونتشرف بيك، تعالى شرفنا تعالى
العميل : ماشي يا باشا، طب على بكرة كويس؟
المهندس منسى : براحتك يا باشا أنا هبعتلك العنوان دلوقتي وشرفنا في أي وقت
العميل : خلاص ماشي يا باشا، شكراً
المهندس منسى : مع السلامة
