أكياس سوسته سهلة الفتح والغلق من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : كيف حالك حبيبي

المهندس منسى : الحمد لله

العميل : يعطيك العافية آسفين على إزعاجك ما أدري إذا كان الوقت مناسب ولا لأ

المهندس منسى : اتفضل خد راحتك

العميل : الله يخليك، أبغي أسأل على ماكينات حق القهوة 250 جرام

المهندس منسى : آه بنعملها

العميل : طيب ممكن أعرف كام أقل كمية ممكن تعملوها؟

المهندس منسى : ربع طن ـ 250 كيلو

العميل : 250 كيلو كام يطلع حبة عندك فكرة ولا لأ؟

المهندس منسى : ما هو كل كيس الخامات بتختلف في السماكة بتاعتها والوزن بتاعها، فده حسب اختيار حضرتك، بتختار الخامة بناء عليه نبدأ نقولك آه الكيس بتاعك هيطلع كذا جرام وسعره هيبقى كذا

العميل : آه، طب الوسط ممكن تحصلي إياه كام كيس تقريباً

المهندس منسى : مهو عملية وسط ديت أنا مش عارف الفرق كبير جداً ما بين الخامات وبعضها

العميل : طيب 250 كيلو قصدي

المهندس منسى : آه بنطبع روتوجرافيك أحدث أنواع الطباعة في العالم

العميل : طيب 250 كيلو بكام الكيلو عندكم؟

المهندس منسى : عملية الأسعار دي بقى حضرتك هتتواصل مع الشركة على الإيميل همه هيبعتولك الأسعار

العميل : ما تقدر تعرفلي أديش تقريباً لأن أنا ما أخفيك…

المهندس منسى : بص الخامات بالذات عبارة عن توليفة، توليفة إزاي؟؟؟ يعني مثلاً نقول 250 كيلو بسعر، 500 كيلو بسعر، والطن بسعر، والـ 2 طن بسعر، ده رقم 1، رقم 2 عد الألوان كام؟ رقم 3 هقولك هات الديزاين بتاعك عشان أحسب عدد الألوان، رقم 3 عايزك تقولي الخامة اللي إنت هتحتاجها إيه، في عندنا كوكتيل كامل من الخامات، فبتبص على الخامات وتبدأ تختار…

العميل : عندكم معلش طريقة الغلاف بالسايد هادا زي البلاستيكة كده بعد ما تستخدم الكيس يقفل تاني مرة؟

المهندس منسى : آه سوستة آه

العميل : أيوه موجود عندكم هادا؟

المهندس منسى : إن شاء الله

العميل : طب قولي ممكن أراسلهم على البريد ممكن كان يوم يردولي خبر، لأني ما أخفيك عندي طلبية من الصين لما شفت موقعكم باقي بس أدفع الفاتورة، قلت خليني أتأكد قبل ما أدفع الفاتورة من أسعاركم

نفس الأسعار

المهندس منسى : والله اتأكد بس إن هناك روتوجرافيك، لأنهم بيطبعوا هناك فلكسوجرافيك طالما إنك مش عارف، روتوجرافيك ده أحدث أنواع الطباعة في العالم

العميل : آه… طيب معلش الـ 250 كيلو كام تجلس فيهم ممكن تخلصهم؟

المهندس منسى : على طول ما تقلقش، بتاخد تايم بسيط قوي، بس نبص على الديزاين

العميل : يعني أسبوعين ـ 3 ؟

المهندس منسى : ممكن كتير كمان أسبوعين ـ 3، هوه بس نبص على الديزاين وإن شاء الله خير ما تقلقش خالص

العميل : طيب ممكن ترسلون للسعودية ولا لأ؟

المهندس منسى : عادي بنرسل لأي دولة في العالم

العميل : طيب.. إذن بينا اتصال إن شاء الله لو صح زيارة هاي اليومين نقدر نزورك إن شاء الله

المهندس منسى : تيجي تنورني

العميل : شكراً، شكراً