أكياس شرينك من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : شركة إم تو باك

المهندس منسى : أيوه

العميل : معاك باسم لقى من شركة المصرية للصناعات والتنمية

المهندس منسى : أهلاً وسهلاً

العميل : كنت محتاج أكياس شرينك

المهندس منسى : آه موجودة

العميل : طيب مقاس 25 × 40 ده موجود جاهز ولا مافيش منه جاهز؟

المهندس منسى : والله هتشوف لو موجود منه جاهز هتاخده، لو مش موجود جاهز هنعملهولك على طول يعني 3 ـ 4 أيام بالكتير قوي

العميل : طب الكيلو على كام؟

المهندس منسى : ما هو الكيلو على كام في سماكة إيه؟ والكمية أد إيه؟

العميل : الكمية 100 كيلو 25 × 40، و 50 كيلو اللي هوه 35 × 40

المهندس منسى : والسماكة؟

العميل : السماكة مش متحددة قدامي

المهندس منسى : ما هو الحاجات دي ما تنفعش كده، حضرتك بتشرفنا بالزيارة، بتختار الخامة اللي إنت عايزها

العميل : ماشي أنا هجيبلك العينة والكيلو معروف سعره كام، أنا هجيبلك السمك وهجيلك

المهندس منسى : آه بمجرد ما نبص على العينة نبدأ نحددلك سعرها على طول

العميل : سعر الكيلو معروف، أنا كل اللي هجبهولك… يعني إنت هتقيس عندك هتعرف السمك بس، لكن الكيلو معروف

المهندس منسى : إن شاء الله

العميل : الكيلو بيعمل كام يا باش مهندس؟

المهندس منسى : لأ ما هو السماكات مختلفة، لو الكيس سماكة تقيلة بيبقى أرخص، سماكته خفيفة بيبقى أغلى، وحسب برده الكميات وكده يعني

العميل : طب في رينج كام برده عشان ممكن أجيلك

المهندس منسى : والله يا سيدي عملية السعر على الواتس ده بتبقى صعبة شويه

العميل : اللي إنت شايفه، طب أتشرف مين معايا؟

المهندس منسى : المهندس منسي معاك

العميل : سلام يا باشا

المهندس منسى : سلام