اسطمبات برطمانات لتعبئة كريمات الجيم من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : المنسي للعبوات البلاستيك
المهندس منسي : أيوه
العميل : طيب حضرتك هبعتلك علي واتس آب – اسطمبة بتاع برطمان كبير كده وعيار صغير عايز منهم كمية
المهندس منسي : آه عندي وكل حاجة بس المفروض إن حضرتك تبعتلي عينة ملموسة، عملية الصورة دي الصورة بتبقى خداعة، مش عارفين المقاسات، عايزين نمسك كده نرفع المقاسات ونرفع القطر كام.. وكده يعني
العميل : آه.. طب حضرتك مكتبك فين أو شركتك فين؟
المهندس منسي : إحنا عندنا حدائق القبة، مدينة نصر، باب الشعرية
العميل : طيب مافيش مشكلة، أنا محمد كمال صاحب شركة المصطفى للإنشاء والتعمير
المهندس منسي : أهلاً بيك
العميل : أهلاً بيك، وليا أخويا شغال بيعمل اللي هوه التركيبات بتاع الجيم وحاجات زي كده
المهندس منسي : آه..
العميل : بتاع الجيم، الكريمات وحاجات زي كده يعني
المهندس منسي : آه.. عملناها قبل كده
العميل : عملتها يعني؟
المهندس منسي : آه
العميل : طيب تمام، حضرتك أنا هديله رقمه الواتس وهوه لو كده ينزل يقابلك؟
المهندس منسي : مافيش مشكلة
العميل : ماشي هيقولك بس أنا من طرف محمد كمال
المهندس منسي : ماشي يا غالي
العميل : ماشي يا باشا، ومش هوصيك عليه في السعر والحاجات ديت
المهندس منسي : عنيا
العميل : تسلم، وعايز كمية بتاع 5000 واحدة
المهندس منسي : ربنا ييسر
العميل : ماشي يا حبيب قلبي
