اسطمبات عبوات الصمغ من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته،أيوه يا غالي
العميل: مع حضرتك شركة الصمغ العربي ياسر محمود
المهندس منسى: أهلاً بيك
العميل: يا مرحب، كنت عايز عبوات الصمغ بنطحنه بنعمله مطحون، وعايز عبوة يكون شكلها شيك كده
المهندس منسى: بص يا سيدي إحنا بنصنع الاسطمبة الأول وبناء على الاسطمبة بنبدأ ننفذ العملية، ده عشان خاطر نحافظ على خصوصية العميل، يعني مش معقولة إن إحنا نصنع عبوة ونقعد نبيعها لأمة لا إله إلا الله
العميل: يعني إنت بتصنع اللي عاوز حاجة بتصنعهاله
المهندس منسى: أيوه
العميل: مكانك فين؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: المكان اللي الواحد ييجي يقابلكم فين؟
المهندس منسى: وات إيفر، كل فرع بالنسبة لنا زي بعضه، كله زي بعضه
العميل: حدائق القبة ده قريب أنا في حلمية الزيتون، بس المكتب في الهرم ليكم حاجة قريب في الهرم
المهندس منسى: عندنا 6 أكتوبر
العميل: لا حدائق القبة أقرب بقى
المهندس منسى: ماشي يا غالي
العميل: في تليفون لحدائق القبة؟
المهندس منسى: هبعتهولك في رسالة حالاً
العميل: طب إنت حضرتك أ/ مين معايا؟
المهندس منسى: المهندس منسي مع حضرتك
العميل: طب حضرتك لما أنا هاجي أصنع يبقى أقل كمية عشان هشتغل معاك بأد إيه تقريباً؟
المهندس منسى: ما هوه الاسطمبة بتاعتك، فإنت هتشتغل عليها أي كمية براحتك، دي اسطمبتك
العميل: يعني إنت بتصنعلي الاسطمبة؟
المهندس منسى: أيوه
العميل: بعد كده بتقولي إعمل أي كمية، الاسطمبة بكام بقى؟
المهندس منسى: في حدود
العميل: آه.. أي وقت أحب أصنع بقى إنت بتصنعلي بيها؟
المهندس منسى: أكيد
العميل: يعني الاسطمبة بـ ، الحاجة بقى تكلفتها أد إيه؟ ولا دي برده بتبقى حسب الحاجة نفسها؟
المهندس منسى: دي بقى بتبقى حسب الحاجة نفسها، بنوزنها وهي فاضية، ونشوف سعر الخامة أد إيه في الوقت ده وبنبدأ بناء على سعر الخامة نقولك آه دي هتتكلف كذا
العميل: رقم تقريبي مثلاً من كام لكام؟
المهندس منسى: ما هو أقول رقم تقريبي أقولك مثلاً من 50 لـ 5، ما هو ينفعش فيها رقم تقريبي
العميل: يعني إحنا بنروح نشتري برطمانات من السوق جاهزة حالياً مثلاً البرطمان بـ 0.5 جنيه وبـ جنيه
المهندس منسى: ما هو نفس العملية، هتلاقي نفس النظام
العميل: بس يفرق…
المهندس منسى: بس عندك إنت دي العينة بتاعتك ومحفور عليها اسمك محدش يقدر يقلدلك منتجك
العميل: آه يعني إنت بتديهالي اسطمبة عليها اسمي الحاجات دي كلها
المهندس منسى: أيوه
العميل: الاسم محفور عليها، محفور عليها كبلاستيك ولا محفور عليها…
المهندس منسى: آه كبلاستيك نفسه آه
العميل: وبتعملي العبوة باللي أنا عاوزه محفور عليها
المهندس منسى: الله ينور عليك، أحفرلك عليها اسمك، أحفرلك عليها كل اللي إنت عاوزه
العميل: معلومة دي حلوة، طب مافيش يا عم الحاج…
المهندس منسى: لا هوه أنا بسمي بس بال إنما بناخد بالجنيه المصري عادي
العميل: لو مصري بكام بقى لو أنا هعمل الاسطمبة إن شاء الله؟
المهندس منسى: ما أنا قلت لحضرتك الاسطمبة بـ
العميل: يعني مثلاً 5000 جنيه ولا كام؟
المهندس منسى: ضرب السعر × 18 النهاردة
العميل: يعني فوق الـ 20000 جنيه
المهندس منسى: في الحدود دي آه
العميل: تقريباً آه…،ده رقم نهائي ولا في كلام…
المهندس منسى: إحنا أسعارنا نهائية، إحنا شركة إنترناشيونال
العميل: إنتم بتعملوا حاجات ممتازة، أنا كويس إن ربنا كرمني وليقتكم
المهندس منسى: الحمد لله
العميل: طب أستأذنك ابعتلي بتاع حدائق القبة وأنا نروح برده أكيد لما نعمل زيارة أكيد هنشوف القصة ماشية إزاي
المهندس منسى: هيتضح ليك الموضوع وأوردي في عندهم اسطمبات جايبنها ستوك من بره فإنت ممكن تشتري الاسطمبة وإنت واقف، يبقى سعرها أرخص في حدود 500- عشان جاية أساساً من بره ستوك
العميل: طيب دي فكرة حلوة، طب أستأذنك ابعتلي الرقم وأنا هكلمهم أضبط معاهم
المهندس منسى: ماشي يا غالي
العميل: مع السلامة
