اسطمبات عبوات بخاخة لتعبئة الكحول من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : يا باش مهندس أنا عايز أعمل تحضير الكحول، التركيبة إنتم بتعملوها ولا بتحضروا الخامات بس ولا إيه النظام؟
المهندس منسي : لأ إحنا بنقدم مكن تعبئة وتغليف الكحول
العميل : التعبئة والتغليف يعني يا فندم أنا بوفرلكم العلبة البلاستيك
المهندس منسي : لأ إنت بتوفر… إحنا بنديلك المكنة وبنديلك العبوات ونديلك الحاجة وإنت حضرتك بتعبيها
العميل : تمام.. طب إنت ما تعرفش حد مثلاً أعتمد عليه في حتة يديني المواد الفعالة والتركيبات وهوه…
المهندس منسي : بص في دليل اسمه دليل فون مصر ابحث فيه
العميل : معلش يا باشا فول ولا فوق
المهندس منسي : فون
العميل : تمام.. يا باشا
المهندس منسي : ابحث فيه وإن شاء الله هتلاقي طلبك
العميل : طب بقولك لحضرتك هوه يديني المواد الفعالة و….
المهندس منسي : أنا ما أعرفش…
العميل : وبعد كده آجي عندكم إنتم تعبوا؟
المهندس منسي : يا سيدي أنا ببيع مكن تعبئة وتغليف وعبوات التعبئة والتغليف
العميل : تمام يا باشا، هقول لحضرتك حاجة، لو أنا هجيبلك المادة اللي هتعبيهالي إنت تعملي.. هديك شكل معين أنا عاوز أعمله، شكل بلاستيكية معين وشكل جراب معين من بره، إنت تصممهولي
المهندس منسي : آه أنا بصممهولك وأنفذهولك آه
العميل : صح كده؟
المهندس منسي : إن شاء الله كل حاجة في التعبئة والتغليف
العميل : طب هوه حضرتك عندك كحول إيثيلي؟
المهندس منسي : لأ بقول لحضرتك أنا بتاع مكن تعبئة وتغليف
العميل : طب بقول لحضرتك يا فندم، طب لو حصل 2000 بلاستيك بالجراب بتاعها أياً كان التصميم 50سم مثلاً تبقى في رينج كام لو هاخد 1000 حته متوسط يعني
المهندس منسي : لا ده إحنا بنصنع العبوة بالطلب، بناء على طلب العميل، يعني الأول بنعمل الاسطمبة، الاسطمبة بتتكلف ، وبعد كده نبدأ ننفذلك عليها العبوات عشان الضريبة بس، عشان ما حدش يضرب منتج حد
العميل : إنت بتعمل الاسطمبة ليا مخصوص؟
المهندس منسي : آه بعملك الاسطمبة مخصوص آه
العميل : بتتكلف كام الاسطمبة دي؟
المهندس منسي : طب اتحرك في المكان عشان مافيش شبكة
العميل : بقول لحضرتك بتتكلف كام الاسطمبة دي؟
المهندس منسي : بتتكلف
العميل : بخاخة، اللي هي البخاخة الصغيرة دي؟
المهندس منسي : ابعتلنا بس العبوة وإن شاء الله خير
العميل : طب ماشي أنا هبعتهالك على الواتس يا باشا
المهندس منسي : لا ابعتلي عبوة ملموسة، أشوفها، أمسكها
العميل : طيب ماشي يا باشا، بقولك كحول
المهندس منسي : نعم؟؟؟
العميل : الكحول الإيثيلي اوك
المهندس منسي : مع السلامة
