اسطمبات عبوات شامبو وشاور من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : كنت بسأل على عبوات شامبو وشاور
المهندس منسي : كل العبوات إحنا نقدر نصنعها
العميل : طيب في حاجة متاحة أقدر أشوفها
المهندس منسي : لأ إنت بتشوف سابقة أعمال، إنما بنصنع بالطلب، يعني أنا دلوقتي ما بصنعش غير براندات، يعني مثلاً أنا دلوقتي ما ينفعش أصنع عبوة وأبيعها لأمة لا إله إلا الله
العميل : مافيش برايفيت يعني
المهندس منسي : ما هو بقولك أهوه عبوتك بس اللي هنعملها لك
العميل : تمام… تمام… أنا أختار عبوة معينة
المهندس منسي : أيوه ده اللي إحنا سبورت عليه، إن إنت تجيبلي صورة وتقولي اعملي زي دي، أو تجيبلي عبوة وتقولي إعملي زي دي، بس أنا ما عنديش عبوات….
العميل : أيوه.. أيوه.. فهمت، طب الميني أوردر عندك أد إيه؟
المهندس منسي : 25000
العميل : طيب، في اسطمبات ولا…
المهندس منسي : آه طبعاً إحنا بنصنع الاسطمبات
العميل : طيب ماشي يا باش مهندس، معلش أتشرف مين معايا يا فندم؟
المهندس منسي : المهندس منسي
العميل : ماشي يا باش مهندس
المهندس منسي : آه عندنا آه
العميل : ده في منه حاجة كوبي حاجة أنا آخدها ما تكونش بتاع شركة
المهندس منسي : آه سادة
العميل : آه.. ده سعره كام يا هندسة؟
المهندس منسي : نشوف بس العبوة وإن شاء الله خير
العميل : طيب ماشي
المهندس منسي : إحنا عندنا المكن اللي بيغلف العبوة، والمكن اللي بيعبيها، وعندنا كل ما يشمل التعبئة والتغليف
العميل : طب المكنة اللي بتعبي وتقفل تيوب
المهندس منسي : آه
العميل : موجودة؟
المهندس منسي : إن شاء الله
العميل : بكام سعرها يا باش مهندس؟
المهندس منسي : إحنا اللي عندنا بتلحم ألتراسونيك
العميل : ماشي.. ماشي…
المهندس منسي : عشان بتطلع ملحومة كويس، إنما الحرارة بتسرب
العميل : آه بكام يا باش مهندس سعرها؟
المهندس منسي :
العميل : دي موجودة عندك؟
المهندس منسي : موجودة إن شاء الله بضاعة حاضرة
العميل : فين المكان؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : طب خلينا في باب الشعرية وحدائق القبة فين؟
المهندس منسي : هبعتلك واحد فيهم دلوقتي في رسالة
العميل : طيب
المهندس منسي : ماشي مع السلامة
العميل : مع السلامة
