اسطمبات عبوات بولي إيثيلين بلاستيك من شركة المهندس منسي
العميل : السلام عليكم
المهندس منسي : أيوه
العميل : باش مهندس إيه أخبارك
المهندس منسي : الحمد لله
العميل : أبو آدم معاك من الشرقية يا باشا، أنا عندك في مكتب باب الشعرية، كنت باخد منك مكنة إندكشين سيل من عم حامد، هوه عم حامد فين يا فندم؟
المهندس منسي : هوه مش عندك؟
العميل : لا ده أنا في الشرقية أنا بسأل قبل ما أنزل، أنا عاوز عبوة ربع بولي إيثيلين بلاستيك عادي اللي هي الربع، أنا بخش عندي على الفيس لقيتك في مصنع في 6 أكتوبر أو حاجة زي كده
المهندس منسي : آه
العميل : عايز عبوة بولي إيثيلين عادية خالص
المهندس منسي : إنت عايز كمية أد إيه؟
العميل : يعني 5000 مبدئياً بس
المهندس منسي : هتعبي فيهم إيه؟
العميل : مبيدات، أنا موزع هنا مبيدات زراعية وكده
المهندس منسي : مافيش مشكلة
العميل : هي تتعبى من جوه بس أهم متتشفطش
المهندس منسي : ما إيه؟؟
العميل : مش عايز المبيد لما يتحط فيها يتشفط
المهندس منسي : بيشفط معاك؟؟
العميل : مش عايز المبيد يا فندم لما أحطه فيها يتشفط، يعني العبوة تشفط المبيد.. تبص تلاقي العبوة مشفوطة بيه لجوه
المهندس منسي : آه.. آه.. دي ليها حل عندنا، إن إحنا نخليها لك ما تشفطش
العميل : الألف يعمل كام؟
المهندس منسي : في حدود… في عندنا أوزان كتير حضرتك تيجي تشرفنا بس تختار الوزن اللي إنت عايزه؟
العميل : العبوة عايز أعملها من غيرالغطا بتاعها سادة عادي خالص، بس فيها كلام مكتوب من تحت في قعر الإزازة من تحت
المهندس منسي : مافيش مشكلة نكتبوهلك ما تقلقش
العميل : طب يا فندم أقل كمية كام يا فندم؟
المهندس منسي : لو عايز نعملك العبوة لحسابك بتاعتك هعملك اسطمبة، الاسطمبة تتكلف ، لو مش عايز وعايز من العبوات بتاعتنا اللي موجودة بضاعة حاضرة دي حضرتك هنبص على الحاجة ونبدأ نقولك آه دي سعرها هيبقى كذا
العميل : طب تفريضياً كده يا فندم؟
المهندس منسي : ماهو تفريضياً صعب عليا إن أنا أتكهن بأي سعر، حضرتك بس هاتلي العبوة أمسكها في إيدي كده عينة ملموسة وما تقلقش خالص هديلك سعر إنت هتستريح فيه وهتنبصت قوي
العميل : خلاص ماشي يا فندم
المهندس منسي : ماشي يا غالي
العميل : السلام عليكم
المهندس منسي : مع السلامة
