اسطمبات عبوات PVC من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: أيوه يا باش مهندس

المهندس منسى: أهلاً بيك

العميل: معاك مصطفى حجازي كنت كلمت حضرتك الصبح بخصوص العلبة اللي هي الـ بي في سي ديت بعتهالك دلوقتي

المهندس منسى: أنا عمال أفتح فيها مش راضية تفتح.. آه فتحت آه

العميل: دي الأماكن ديت أماكن العلب ولا أماكن إيه؟

المهندس منسى: آه أماكن العبوات الصغيرة، في عبوات صغيرة هنحطها في قلبها

العميل: ارتفاع 4.5 سم × العرض 25 × الطول 25 × العرض 16

المهندس منسى: بص يا سيدي دي مبدئياً هنتكلف الأول اسطمبة، الاسطمبة ديت هتتكلف في حدود ، دي الاسطمبة دي بتاعت حضرتك

العميل: هي الحاجات ديت ما بنقدرش نعملها جاهزة باسطمبات جاهزة موجودة

المهندس منسى: لو إحنا قلنا اسطمبات جاهزة بكل منتجات العالم ده إحنا ما نبقاش شركة المهندس منسي، ده إحنا نبقى إيه؟؟؟ ولا أعلى شركة بتنصب…

العميل: أنا محتاج.. الاسطمبة هتبقى غالية قوي بـ يعني حوالي 11000

المهندس منسى: دي حاجة إنت هتدفعها مرة واحدة، مش هتدفعها طول العمر، دي حاجة إنت هتدفعها وتمتلكها مدى الحياة، يعني هتبقى بتاعت حضرتك مدى الحياة، يعني مش مدى الحياة، ده هتتوارثها الأجيال

العميل: تمام…

المهندس منسى: يعني مش حاجة إنت هتخسرها، الاسطمبة دي بالذات هتاخدها ليك مدى الحياة خلاص بقت بتاعتك، تقدر تحفر عليها اسمك وتقدر تعمل عليها اللي إنت عايزه

العميل: تمام…

المهندس منسى: تقدر هقول لحضرتك على حاجة تريحك قوي، صلي على النبي

العميل: عليه الصلاة والسلام

المهندس منسى: إنت دلوقتي مستغلي سعر الاسطمبة؟؟

العميل: آه طبعاً

المهندس منسى: آه.. فإنت تعمل إيه تقول سعر الاسطمبة ساي مثلاً 10 ـ 12 ألف جنيه مثلاً، تروح مقسم سعر الاسطمبة على المنتج الحالي، أول طلبية تحط 50% على أول طلبية و50% على التانية، طب لقيت إن إنت شايف إن المستقبل هياخد أكتر، تقوم تعمل إيه 25% طب 10% وهكذا…. يعني إنت تقسم الاسطمبة على سعر المنتج نفسه، فهمتني

العميل: تمام….

المهندس منسى: معايا يا هندسة…

العميل: أيوه، طب في حاجات تانية في المقاس دوت في حاجات اسطمبات جاهزة موجودة عند حضرتك؟

المهندس منسى: ما هوه اسطمبات جاهزة لإيه، ما هو أنا مش قاعد مستني إن في واحد هيجيلي هيجبلي شكل في 3 عبوات ومش عارف إيه، ما هوه كل الحاجات ديت ما ينفعش يبقى اسطمبتي جاهزة، ما ينفعش، لأنه كل واحد جاي بشكل معين وتركيب معين، خاصة في الترموفومينج، في التشكيل

العميل: آه… تمام..

المهندس منسى: فهمتني ولا ما فهمتنيش، يعني صعب إن أنا أتكهن بالمنتجات بتاعت حضرتك، في حاجات جاهزة إحنا عاملنها قبل كده ممكن تيجي تتفرج عليها، ولكن بتبقى عبارة عن دواير، عارف حضرتك بتاعت دكاترة الأسنان.. كده، أشكال كده مثلاً مربعات، مسدسات، قطع بتتحط فيها مثلاً مواد غذائية، حاجات كتيرة

العميل: بعيداً عن سعر الاسطمبة دلوقتي، سعر الألف بيكون كام تقريباً

المهندس منسى: بص حضرتك بالنسبة لعمل الاسطمبة هي الحاجة دي ببليكار ولا حاجة كاستومايز يعني حاجة شعبية الدنيا كلها عارفها، ولا حاجة حضرتك هتعملها بالطلب

العميل: لأ بالطلب

المهندس منسى: طيب، علشان ما تتعبش نفسك وما تزقش نفسك مش هتلاقي ولا واحد في العالم عنده اسطمبة جاهزة، مش في مصر بس، في العالم كله، عشان ما تتعبش نفسك

العميل: ماشي أنا متفق في كده

المهندس منسى: أنا من الناس اللي فلسفتها بتقول أنا عايز الناس تدور الأول وبعد كده تيجيلي آخر واحد، ليه؟؟؟ اللي بيجيلي آخر واحد ده بيريحني لأنه فهم الدنيا وجالي جاهز

العميل: أيوه

المهندس منسى: فهمتني إزاي، ولكن أنا بقول لحضرتك يعني مستحيل، مستحيل، مستحيل إن إنت تلاقي الشكل بتاع حضرتك في أي حتة جاهز

العميل: لا أنا دلوقتي ما بتكلمش على الشكل دلوقتي، أنا بتكلم دلوقتي لو إحنا.. بتكلم بس بحسب تكلفة المنتج، دلوقتي سعر الألف لو إحنا عملنا الاسطمبة سعر الألف يتكلف كام

المهندس منسى: هيطلع مثلاً في حدود 2 جنيه، أراوند، مثلاً 2 جنيه 2.5 جنيه

العميل: سعر القطعة

المهندس منسى: آه أراوند سعر ولكن ده سعر يطلع ينزل، واخد بال حضرتك

العميل: آه.. آه تمام، طيب هكلم حضرتك تاني

المهندس منسى: خد راحتك خالص

العميل: والاسطمبة دي بتاخد وقت أد إيه عبال ما تتعمل؟

المهندس منسى: يعني 15 يوم ـ 10 أيام ـ 21 يوم

العميل: تمام.. تمام.. خلاص أوكيه شكراً جداً ليك يا باش مهندس

المهندس منسى: ماشي

العميل: شكراً.. شكراً مع السلامة