جرانيتا 4 عيون للعصائر من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : لو سمحت شركة تصنيع عصارات البرتقال والمكن والكلام ده؟
المهندس منسي : آه
العميل : طب لو سمحت إحنا عايزين خلاط
المهندس منسي : ماشي شرفنا بالزيارة اتفرج… نقعد ما بعض نحسبها، إنت عايز خلاط إيه؟؟
العميل : إحنا عايزين خلاط 4 عيون، في 4 عيون صح؟
المهندس منسي : 4 عيون إزاي يعني مش فاهم، يعني إيه 4 عيون؟
العميل : أصل أنا شفت على النت دلوقتي الرقم اللي إنتم حاطينه الـ 4 عيون ده
المهندس منسي : إيه؟؟
العميل : يعني في 2 وفي 3 وفي 4، فأنا هشتري منك الـ 4 طب ممكن تصورهولي وتبعتهولي على الواتس؟
المهندس منسي : طب ماشي، الخلاط 4 عيون ده صعب قوي
العميل : صعب، يبقى اللي أنا شايفه… ده رسمة بقى
المهندس منسي : لا خلاط عصير 4 عيون
العميل : آه اللي هوه بتاع العصاير، بتاع العصارات، تعمل التمر والسوبيا وأي عصاير…
المهندس منسي : آه… إنت بتتكلم في الجرانيتا
العميل : أيوه… أمال أنا بتكلم في إيه
المهندس منسي : هوه حضرتك مش من مصر ولا…
العميل : آه من مصر آه من القاهرة
المهندس منسي : إحنا مسميينه خلاط
العميل : آه.. آه.. جرانيتا آهاللي هوه 4 عيون، أنا قلت إنتم مصورينه صورة..
المهندس منسي : آه…
العميل : إيه مش موجود ولا إيه؟
المهندس منسي : لأ ده مش تبعي، اللي تبعي مكن تعبئة وتغليف، فإنت ابعت طلب استفسار على الإيميل…
العميل : مكنة إيه؟
المهندس منسي : ماكينات التعبئة والتغليف
العميل : يعني إنت ما تعرفش تجيبهولنا ولا إيه؟
المهندس منسي : الخلاط ده أنا معايا زملاء كتير، إحنا شركة كبيرة قوي
العميل : الشركة الكبيرة دي بقى أنا عايز منها حاجات ياما بصراحة
المهندس منسي : آه… طب ما تيجي تشرفنا بالزيارة
العميل : أيوه أنا هجيلكم اديني بس العنوان
المهندس منسي : أنا تخصصي مكن تعبئة وتغليف، في ناس تانية تخصصها الجرانيتا
العميل : أيوه.. أنا هجيلك بقى أشوف وأتفرج أنا كده كده نازل القاهرة فهجيلك
المهندس منسي : إنت تيجي تنورني
الله العميل : يخليك، هوه إنت تعرف تقولي على أسعار دلوقتي ولا لما آجي؟
المهندس منسي : أسعار إيه؟
العميل : أسعار الخلاط اللي قلتلك عليه الـ 4 عيون ده الجرانيتا اللي بتقول عليها ديت مثلاً، حتى أعمل حسابي وأنا جاي في السوق
المهندس منسي : عشان تعمل حسابك
العميل : عشان أعمل حسابي في فلوس وأنا جاي
المهندس منسي : آه…. طب أوصفهالي كده
العميل : المكنة بتاعت العصير اللي بتبقى في العصارات اللي تتك على الحنفية بتاعتها تنزل العصير، بتحط فيها سوبيا، بتحط فيها تمر هندي، بتحط فيها مانجا، بتحط فيها كده، بتبقى 3 عيون 4 عيون هي، خلاط بيضرب العصير
المهندس منسي : آه اللي هي جرانيتا
العميل : أنا بقولك اللي هي الإزاز من فوق دي بتحط فيها العصاير بتاعتك وهي بضرب وتسقع لوحدها وبعد كده… إنت ما نزلتهاش قبل كده ولا إيه؟
المهندس منسي : آه نزلتها بس إحنا عندنا أكتر من 3000 مكنة
العميل : عندكم كمان المكن اللي بيصنع البسبوسة ولا إيه؟
المهندس منسي : كل المكن عندنا، طب بص نص ساعة كده وكلمني
العميل : طب ماشي حاضر، طب بقولك لو سمحت
المهندس منسي : آه
العميل : المكنة بتاعت عصير البرتقال كمان اللي هي على اليوتيوب اللي إنتم منزلنها على اليوتيوب دهي…
المهندس منسي : إنت عارف أنا قلتلك نص ساعة ليه؟
العميل : آه.. عشان تسأل ولا إيه؟
المهندس منسي : عشان أنا عمال أكلمك إنت مش راضي تسمعني، عشان كده أنا بتاع مكن تعبئة وتغلييييييييييف، زملائي همه اللي شغالين في المكن ده
العميل : خلاص ماشي ماشي، أنا عاوز بتاع 4 أو 5 مكنات، كلهم مرة واحدة عشان كده يعني
المهندس منسي : عايز 4 ـ 5 مكنات إيه؟
العميل : مكنة البسكوت، عايز الخلاط، عايز البتاع اللي قلتلك عليه عصارة البرتقال، عايز حاجات تانية معاها كمان
المهندس منسي : عايز عصارة البرتقال؟
العميل : آه مش اللي هي العصارة العادية، العصارة اللي هي موجودة عندكم على اليوتيوب، إنتم بتجيبوها بصراحة ما أعرفش بتعملوها إزاي أنا مش عارف، بس
المهندس منسي : ماشي هنشوف بقى هنجيبها إزاي
العميل : ماشي…. يعني إيه ادينا الأسعار وادينا العنوان إحنا كده كده هنيجي يعني عشان أشوف يعني
المهندس منسي : عموماً نص ساعة كده وكلمني أكون سألت زملائي وأجيب الأسعار وأديهالك
العميل : ماشي حضرتك.. ماشي حضرتك
المهندس منسي : مع السلامة
العميل : السلام عليكم
