اطباق الحلويات البلاستيك من شركة المهندس منسي
اطباق الحلويات البلاستيك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزيك يا أستاذ
المهندس منسي: أهلاً بيك
العميل:أنا من فلسطين
المهندس منسي: أهلاً بيك
العميل: أنا عايز صنية معينة بصنعها هنا في مصر، تمام
المهندس منسي: عايز إيه؟
العميل: صنية معينة، طبق بلاستيك عايز أصنعه هنا في مصر
المهندس منسي: إن شاء الله
العميل: تعرف صنية الحلويات، طبق الحلويات اللي بتكون بلاستيك ده؟
المهندس منسي: ما هو سواني الحلويات كتيرة قوي، في منها ورق، وفي منها بلاستيك، وفي منها ك
العميل: بص أنا ممكن أبعتلك على الواتس آب لو الرقم ده في واتس آب تمام
المهندس منسي: والله يستحسن… بيني وبينك عملية الصور والواتس آب وكده دي بترهقنا، فيستحسن لو بعتلنا عينة لايف ملموسة يعني… ده شغل وده إنتاج مش…
العميل: لأ أنا كوني هبعتلك الصورة على الواتس آب حتى إنت تشوف ، الفكرة يعني مثلاً بدل ما أدب مشوار وكذا وما تكونش بتشتغل في المشوار ده أصلاً
المهندس منسي: لا.. لا.. دي شركة المهندس منسي، معناها إن أي صنية من صواني الحلويات ديت قادرين عليها، لأنه دي حاجات بسيطة قوي بالنسبة لنا يعني، فما تقلقش من النقطة دي
العميل: تمام.. خليني أبعتلك صورة على الرقم ده
المهندس منسي: ماشي
العميل: وبعدها نتكلم نشوف نحدد ميعاد ونجيبلك ماشي يا صاحبي
المهندس منسي: ماشي
العميل: باش مهندس هي في الأصل موجودة عندكم ولا هتعملوها شغل جديد؟
المهندس منسي: هي إيه دي الصنية؟
العميل:آه
المهندس منسي: يعني الصنية المفروض إنها تبقى عندنا؟
العميل: آه.. آه…
المهندس منسي: لأ… هي المفروض إن السواني دي بتتعمل بالطلب بناء على طلب العميل، إنت عايز كمية أد إيه؟
العميل: يعني مثلاً 200000
المهندس منسي: آه دي بقى بنعملها بناء على طلب العميل
العميل: كيف النظام بيصير، يعني المفترض ممكن آخد 200000، ممكن آخد أكتر 300000
المهندس منسي: إن شاء الله
العميل: كيف النظام بيكون التعامل، يعني حساب السنية
المهندس منسي: آه حضرتك بس ابعتلنا عينة وبناء عليها هنبدأ نحدد الأسعار، ونحدد التعامل هيبقى إزاي
العميل: قصدك سنية واحدة يعني؟
المهندس منسي: آه سنية واحدة آه… ولو إنت عايز تغير فيها حاجة، عايز أشكال جديدة، عايز تحفر عليها اسمك، عايز ترفع الجناب شويه… براحتك
العميل: تمام.. تمام… طب بالنسبة إنتم الموقع بتاعكم فين؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طب أنا ساكن في المعادي، بدي مكان يكون أنسب مكان، لو جيتلك إنت شخصياً بتكون في أي مكان بالضبط؟
المهندس منسي: أنا بكون دايماً في باب الشعرية ماعدا يوم السبت والثلاثاء بكون في الفرع بتاع مدينة نصر، مواعيدي من 5-11
العميل: بكرة إن شاء الله بتكون موجود هناك
المهندس منسي: فين بقى؟
العميل: في باب الشعرية
المهندس منسي: بكرة للأسف أنا رايح المصنع بتاعنا في إسكندرية بكرة بعده، يعني يوم الأربعاء إن شاء الله هكون هناك
العميل: طيب بإذن الله بنتواصل مع بعض إن شاء الله
المهندس منسي: تيجي تنورنا يا غالي
العميل: بإذن الله يا رب يخليك، طب إنتم مثلاً رينج بتاع السنية زي ما وريتك الصورة بتاعتها تمام بيكون كام؟
المهندس منسي: من 25 قرش لغاية 5 جنيه
العميل: إنت قصدك هاده السعر لكل السواني لكن السنية اللي أنا بعتلك إياها بالتخصيص
المهندس منسي: ما ينفعش أحدد أصلها مش فازورة، مش توريني صورة وتقولي دي سعرها كام؟؟؟ لازم أمسك المنتج بإيدي وأوزنه…
العميل: فاهم والله فاهم عليك، عشان السمك والجودة … فاهم عليك
المهندس منسي: آه بس، إنما ينفع إنك توريني صورة وتقولي دي سعرها كام؟؟ هي
العميل: صح الكلام… مضبوط كلامك، أنا بس المشكلة بس إن شاء الله بحصلها إن شاء الله
المهندس منسي: تيجي تنورني
العميل: بإذن الله ماشي يا باش مهندس، ماشي ولا يهمك نتواصل مع بعض إن شاء الله
المهندس منسي: ماشي يا غالي
العميل: السلام عليكم
المهندس منسي: عليكم السلام ورحمة الله وبركاته
العميل: باشا حضرتك بعتلي رسالة فيها 3 أرقام الشركة
المهندس منسي: آه
العميل: إنت ما جبتش الحاجة
المهندس منسي: حاجة إيه؟
العميل: هوه مين معايا معلش؟
المهندس منسي: شركة المهندس منسي
العميل: هوه ليه كل ما أرن يطلعلي واحد تاني؟
المهندس منسي: ما هو ده تليفون سنترال
العميل:آه… لا إله إلا الله
المهندس منسي: هوه اللي المفروض اللي يكلمك يديلك تليفونه
العميل: هوه بعتلي 3 أرقام
المهندس منسي: آه هوه إنت كلمت واحد من الـ 3 أرقام دول
العميل: لا.. لا بص أنا كنت الأول بتصل على الرقم دوت تمام، كلمت واحد العصر قالي خلص كلام واتفاق بس ، المهم اتصلت بعد شويه رد عليا واحد تاني، شرحتله الموضوع كامل، قالي ساعة كده وأرد عليك، لقيته بعتلي رسالة
المهندس منسي: آه لقيت التليفون نفسه بيرد عليك برسالة لأنه التليفون بيبعت رسايل لوحده
العميل: أنا كنت بطلب الـ 3 أرقام والعنوان تبعكم
المهندس منسي: هوه الأستاذ منين من الأردن؟
العميل: من فلسطين
المهندس منسي: آه أهلاً بيك
العميل: أهلاً بيك يا ريس، أنا كنت على أساس طلبت منه شغل وكده، فدي أقولك، بدي مين فيكم اللي بيكون مسئول عن مثلاً بدي أعمل شغل…
المهندس منسي: آه إنت بتاع الطبق البلاستيك
العميل: أيوه… أنا بدي أجيب الاسطمبة وبدي أجيب الخامة وكل حاجة بس إنتم تاخده مصنعية فقط، يعني أنا بجيب كل إشي
المهندس منسي: مافيش مشكلة
العميل: تمام… قديش بتاخده على سنية الحلاوة دي ولا…
المهندس منسي: أشوف بس السنية وبناء عليه نبدأ نتكلم
العميل: أنا بعتهالك على الواتس آب هنا
المهندس منسي: أنا عارف شوفتها على الواتس، بس لازم أمسك بإديا
العميل: بس شوفها وأنا بستناك
المهندس منسي: أشوف إيه؟؟؟ بقولك لازم أمسك السنية على إيدي
العميل: أنا اللي كلمتك العصر يعني؟
المهندس منسي: أيوه إنت اللي كلمتني العصر
العميل: أيوه… أيوه….
المهندس منسي: وقلتلك لازم أمسك السنية عشان خاطر أعرف أقدرها لك، وقلتلي عايز أقابلك إنت مخصوص، وقلتلك ماشي أنا موجود لغاية الساعة 11
العميل: صح.. طب أنا كنت برن ما كنتش بيرد عليا حد مافيش مشاكل، طيب تمام…
المهندس منسي: هوه أنت أردني مش فلسطيني، اللغة بتاعتك أردني
العميل: لأ ما هو إحنا فلسطين والأردن في كتير مثلاً شبه شعب واحد مش شعبين
المهندس منسي: آه ماشي يا غالي
العميل: طب إيش يعني ثقافتنا جداً كلامنا كله زي بعضه مايفرقش عن بعض حاجة، تمام
المهندس منسي: ماشي يا باشا
العميل: بقولك السنية إحنا مابدناش نحكي في جودة ما جودة لأنه المفروض البلاستيك أنا اللي بدي أجيبه، بجانب أنا اللي هصنع تمام، يعني إنت يكون تبعكم المكن والأيدي العاملة وهيك، وهيك الأدوات الباقية تمام، عادة إنت السنية اللي هيك أقديش تاخدوا عليها الواحدة
المهندس منسي: يعني هوه أنا هقول الكلام 10 مرات، ما هو أنا أنا شفت صورة سنية، لازم أمسك السنية وأعرف الخامة بتاعتها خامة بلاستيك إيه؟ لأن خامة البلاستيك دي أنواع كتيرة، لا أمسكها وأعرف خامتها نوعها إيه؟ وبعد ما أشوف خامتها إيه أشوفلك وزنها إيه، معايا، وبعد كده أبدأ أسعرلك، يعني إنت النهاردة قلتلي يعني مثلاً من سعر كام لسعر كام…. ما ينفعش، دي معدات صناعية
العميل: أنا بكرة بيجيلي كذا سنية بجيبهم لك، تمام
المهندس منسي: طب ماشي أنا في انتظارك ماشي يا غالي
العميل: تمام.. تمام…
المهندس منسي: مع السلامة
العميل: توكل على الله
