خامات بلاستيك بولي ايثيلين وبولي بروبلين من شركة المهندس منسي
العميل : سلام عليكم
المهندس منسي : عليكم السلام ورحمه الله وبركاته
العميل : مصنع رائد للصناعة الهندسية
المهندس منسي : أيوه
العميل : إزي حضرتك يا فندم مع حضرتك أحمد طه من شركة ميسوبيشي كروبريشن، أنا كنت أحب أتواصل مع حد المسئول عن موضوع الخامات البلاستيك زي البولي إيثيلين أو البولي بروبلين
المهندس منسي : خير اتفضل
العميل : طب أوكيه إحنا يا فندم شركة ميسوبيشي كروبريشن، إحنا شغالين في موضوع الخامات البلاستيك زي البولي إيثيلين والبولي بروبلين وبي في سي، هل حضرتك بتستورده أي نوع من الخامات دي؟
المهندس منسي : طب حضرتك تقدر تبعت الحاجة بتاعتك على الإيميل وفريق المراسلات بتاعنا هيتابع معاك
العميل : طيب هوه أنا كان ممكن أروح مثلاً أتشرف بمقابلة حد فيهم النهاردة لو وقتهم يسمح
المهندس منسي : ما هوه مش الأمر ما يستدعيش، هوه أنا جست موظف في الشركة، هتقعد تتصل هتتصل برده بموظفين في الشركة فمحدش هيضبط معاك غير الإيميل، يعني هتبعت الإيميل، الإيميل هيتعرض على رئيس مجلس الإدارة، ورئيس مجلس الإدارة هيقولهم آه أو لأ
العميل : طيب أوكيه يا فندم، معلش أتشرف باسم حضرتك، أنا جايب النمرة من دليل الصناعات على فكرة
المهندس منسي : المهندس منسي معاك
العميل : خلاص تمام يا فندم شكرا مع السلامة
المهندس منسي : سلام
