اكياس تغليف اطباق الدجاج من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إم تو باك معايا
المهندس منسي : آه
العميل : بيكلم حضرتك الباش مهندس محمد مكتب براوز لعمل الواجهات بإسماعيلية
المهندس منسي : أهلاً بيك
العميل : كنت عايز أستفسر عن حاجة في عميل عندي طالب كيس عبوة للدواجن، اللي هي بتبقى جواها طبق الفويل، طبق الفلين ده وجواه الفراخ
المهندس منسي : آه
العميل : هوه في جزء منه بيبقى شفاف
المهندس منسي : آه
العميل : جزء منه شفاف باين منه المنتج وهوه تقريباً طباعة 3 لون
المهندس منسي : آه..
العميل : بس كده، هوه المقاس بتاعه بيبقى أد إيه ده يا فندم؟
المهندس منسي : مقاس إيه ده حضرتك اللي بتقلي المقاس
العميل : اللي هوه الطبق الفويل العادي، هوه بيقلي المقاس استندر
المهندس منسي : آه حضرتك بقى بتجيب طبق وبتقيسه وبتبعتهولنا الطبق دوت وبتقلنا عليه
العميل : تمام
المهندس منسي : أما أنا أعيش في الأطباق بكل مقاساتها ده هيبقى صعب جداً عليا
العميل : صح، يعني أنا آخد السايز الأول وأبعته لحضرتك، تمام
المهندس منسي : آه تاخد الأول السايز وتشوف السايز أد إيه وأنا محتاج برده نوعية الخامة اللي هتشتغل عليها
العميل : تمام
المهندس منسي : واخد بالك، نوعية الخامة، والسايز، وإيه تاني…
العميل : والألوان، عدد الألوان
المهندس منسي : آه وعدد الألوان والديزاين والحاجات دي كلها
العميل : تمام.. تمام، أتواصل مع حضرتك على الواتس هنا، ولا أبعت على الميل
المهندس منسي : عادي.. عادي مفيش مشكلة، عايز تتواصل على الرقم ده ماشي، عايز تبعت على الإيميل براحتك
العميل : تمام، يعني دا واتس حضرتك هنا في الإم تو باك أو على الإيميل برده
المهندس منسي : وات إيفر، أي وسيلة اللي تريحك
العميل : تمام، طيب ماشي أسيف رقم الواتس ده باسم إيه يا فندم؟
المهندس منسي : الباش مهندس منسي
العميل : ماشي يا باش مهندس، ماشي يا فندم اتفضل.. اتفضل
